¹ Fa melik rasulu marasalat al limu le huwo kulu shuyuk ta Yahuza wa ta Uruselim. ² Yalla melik ruwa le bet ta Yahwa, wa kulu rijal ta Yahuza wa kulu al ssukan ta Uruselim ma huwo, wa kahna, anbia, wa kulu nas, min soker le kebir. Bad dak huwo agara fi adana toumon kulu kelimat ta ketab ta itifagia al ligo fi bet ta Yahwa. ³ Lmelik wogif jambo amud wa amulu ititfagia gedam ta Yahwa, ashan bi ruwa wara Yahwa wa ashan bi hafizu wasayat tou, llawayiha wa qawanin tou, ma kulu gelba tou wa ma kulu roho tou, ashan bi akidu kelimat ta itifagia de al katibu fi lketab. Fa kulu nas rudu ashan bi wogif ma itifagia. ⁴ Al melik amiru Hilkiah kahin al eali, kahna al tihit huwo, wa huras ta bab ashan bi jibu bara min hayka ta Yahwa kulu afashat al kan salao le Baal wa alsawari, wa al le kulu nnujum ta sama Huwo haragu huwomon bara min Uruselim fi maidan fi wadita Kidron wa shilu rumat touomon le Bethel. ⁵ Huwo sibu kahna al awsaniyin al melik ta Yahuza azilo ashan bi haragu bakhur fi mahal al eali f mudon ta Yahuza wa fi mahal al jambu Uruselim del al haragu bakur le Baal le shams wa qamar, le kawkab, wa le kulu nnujum ta sama. ⁶ Huwo tala bara amida ta alssawari min al haykal ta Yahwa, bara ta Uruselim le wadi ta Kidron wa haragu hinak. Huwo duhu tala qhabar wa jada rumat del fi turubat ta nas kulu. ⁷ Huwo nedifo bara qhuraf ta sibirat al kan fi haykal ta Yahwa, al nuswan bi agela jalabia le alssawari. ⁸ Joasiah jibu kulu kahna bara min medina ta Yahuza wa najisu mahalat al eali al kahna haragu fogo bakhur, min Ceba le Beersheba. Huwo demiru mahal al eali fi bab al kan fi madkal ta Joshua (al medina ta hakim), fi tija al shamal ta medina. ⁹ Hata kan kahna ta mahalat al eali kan ma sibu huwomon ashan bi kadimu fi mazbaha ta Yahwa fi Uruselim, huwomon akulu rigif ta alfatir fi nus ta akuwana toumon. ¹⁰ Josaih nejisu Topheth, al fiwadi ta Ben Hinnom, ashan ma zol bi kutu jena tou wele biniya tou bi ruwa fi nar ze zebaha le Molech. ¹¹ Huwo shilu bara al hassin al muluuk ta Yahuza wodi le shams. Huwomon kan fi makan fi madkal le haykal ta Yahwa, gerib ma qhuraf ta Nathan_Melek, al malaiyka. Josaih haragu al murkabat ta shama. ¹² Josiah melik demiru al mazbahat al kan fok saqf al eali ta qhurfa ta Ahaz, al melik ta Yahuza amulu, wa al mazbahat al Manasseh kan amulu fi etnin mabani ta haykal ta Yahwa. Josiah hattam huwomon qita qita wa jada hwomon fi wadi ta Kidon. ¹³ Al melik karabu mahalat al eali sharik ta Uruselim, junub ta jebel ta fasad al melik ta Israel Suleman abinu le Ashtoreth, sanam al batal ta Sidonians; le Chemosh, al asnam al batal ta Moab; wa le Molech, al asnam al batal ta nas ta Ammon. ¹⁴ Huwo kasuru al amida ta hajar ita qita wa gata tihit al amida ta ssawari wa huwo malamahat del ma eizam ta insan. ¹⁵ Josiah kaman demiru al mazbah al kan fi Bethel wa mahal al eali al Jeroboam jena ta Nebat (huwo al kutu Israel amulu katiya) abinu. Huwo haragu mazbah wa mahal al eali wa dugu biga rumat. Huwo kaman haragu amida ta alssawari. ¹⁶ Ze Josiah ayenule mahal, huwo arufu al turubat al kan fi mahal al eali. Huwo rasulu rijal ashan shiu eizam min al turuba; yalla huwo haragu hwuomon fogo mazbaha, al nejisu. De kan hasab kelima ta Yahwa al kan rujul Allah kan wonusu, zol al huwo wonusu aa hajat del gebili kede. ¹⁷ Yalla huwo kelimu, De yatu tamthal al ana bi ayenu?'' rijal ta medina kelimu le huwo, ''dak turuba ta rujul Allah al ja min Yahuza wa wonusu an hajat del inu inta bes barao ded mazbaha ta Bethel.'' ¹⁸ Fa Josiah kelimu, Sibu huwo barao. Ma fi zol bi harik eizam tou. ''Fa huwoon sibu eizam tou barao, sawa ma eizam ta nabi al ja min Samaria. ¹⁹ Yalla Josiah amurugu kulu biyuut al foho mahal al eali al kan fi mudon ta Samaria, al muluuk ta Israel sala, wa al kan kutu Yahwa zalan. Huwo amulu le huwomon ze haja al kan amulu fi Bethel. ²⁰ Huwo zabah kulu kahna ta mahalat al eali fogo mazbaha wa haragu eizam ta insaan fogo huwomon. yalla huwo rija le Uruselim. ²¹ Yalla melik amiru kulu nas, gali ''Hafizu eyd alfasah ta Yahwa Allah taki, ze ma katibu fi ketab ta itifagia.'' ²² Shekil eyd ze de ma amulu min ayam ta quda al hukum Israel, wele fi kulu ayam ta muluuk ta Israel aw Yahuza. ²³ Lakin fi taman tashar sana ta melik Josiah eyd ta Yahwa kan amulu fi Uruselim. ²⁴ Josiah kaman tala bara min beled del albi wonusu ma amawat wa ma roho. Huwo tala bara al'' awthan, asnam, wa kulu hajat al shen al kan ayenu fi al ard ta Yahuza wa fi Uruselim, ashan bi akidu kelimat ta qanuun al kan katibu fi ketab al Hilkiah al kahin ligo fi bet taYahwa. ²⁵ Gubaal Josaih kan ma fi melik ze huwo, al gilibu le Yahwa ma kulu gelba tou, kulu nefsa tou, wa kulu guwa tou, al doworo fi kulu qanuun Moses. wele aye melik ze Josiah gum bad huwo. ²⁶ Wa ma zalik, Yahwa ma agelibu bara wosa tou ta zalan al eanif. al bi haragu ded Yahuza ashan kulu al Manasseh amulu ashan bi kutu huwo zalan. ²⁷ Fa Yahwa kelimu, ''Ana kaman bi agela, Yahuza bara min ena tai, ze ana agela Israel wa ana bi jada bara medina de al ana iktaru, Uruselim, wa bet al ana kelimu isim tai bi kun hinak.''' ²⁸ Bi nesiba le hajat tanin ta Josiah, kulu hajat al huwo amulu, hal ma katibu huwomon fi ketab ta ahdath ta muluuk ta Yahuza? ²⁹ fi ayam de, Firaewn Necho melik ta Mesir, ruwa ashan shakila ded melik ta Assyria fi naha alfurat. melik Josaih ruwa ashan bi gabil Necho fi shakila, wa Necho katulu huwo fi Megiddo. ³⁰ kudam ta Josaih shilu huwo meit fi murkiba min Megiddo, jibu huwo le Uruselim, wa dofunu huwo fi turuba tou. Yalla nas ta ard shilu Jehoahaz jena ta Josiah, masah huwo wa kutu huwo melik fi mahal ta abu tou. ³¹ Jehoahaz kan talata ishriin sanawat zaman huwo bada hukum, wa huwo hukumu talata shaharr fi Uruselim. isim ta uma tou kan Hamutal; heya kan biniya ta Jeremiah ta Libnah. ³² Joehoahaz amulu sharr fi ena ta Yahwa, ze kulu hajat al dudud tou amulu. ³³ Firaewn Necho kutu fi ssalasil fi Riblah fi ard ta Hamath, ashan huwo ma bi hukumu fi Uruselim. Yalla Necho ligo garamu Yahuza mia mawahib ta fida wa wahiba ta dahab. ³⁴ Firaewn Necho kutu Hilkiam jena ta Josiah melik fi mahal ta Josaih abu tou, wa geiru isim le Jehoiakim. Lakin huwo shilu Jehoahaz beid le Mesir, wa Jehoahaz mutu hinak. ³⁵ Jehoiakim dafa fida wa dahab le Firaewn. Ashan bi agder ligo talab ta Firaewn, Jhoikim amulu dariba fi ard ashan bi dafao le huwo fida wa dahab hasab taqdir tou. ³⁶ Jehoiakim kan kamsa ishrrin sanawat zaman huwo bada hukum, wa huwo hukumu hidasharr sanawat fi Uruselim. Isim ta uma tou kan Zebidah; heya kan biniya ta Pedaiah ta Rumah. ³⁷ Jehoiakim amulu sharr fi ena ta Yahwa, bes ze judud tou amulu.