¹ Fi tisa sana ta hukum melik Zedeiah, fi shara shahar wa fi fi ashara yom ta shahar, Nebuchadnezzar melik ta Babylon ja ma kulu jaysh tou ded Uruselim. Huwo geni mqabil huwo, wa huwomon abinu hoesh hawili huwo. ² Ashan medina kan hasiru hata etna sana hukum ta melik Zedekiah. ³ Fi tisa yom ta shar al rabe ta sana dak, majaea kan shedid fi medina hinak kan ma fi akil le nas ta ard. ⁴ Bad dak medina kan kasuru le etnin, wa kulu rijal al bi shakila fi layl fi sika ta bab bein etnin hoesh, fi jenana ta melik, salakan Chaldaniin kan hawili al medina. Al melik ruwa fi itijah ta Arabah. ⁵ Lakin al jaysh ta Chaldaniin turuju melik Zedekiah wa ligo huwo fi taraf wadi ta nahar Urdon gerib ma Ariha . All jaysh tou kan shetetu beid min huwo. ⁶ Huwomon amsuku melik wa jibu huwo le melik ta Babylon fi Riblah, mahal al huwomon hakumu huwo. ⁷ Bi nesba le jena ta Zedekiah, huwomon zabahu huwomon fi gedan uyuun tou. Bad dak huwo kutu ena tou rubutu huwo fi alssalasil wa jibu huwo le Babylon. ⁸ fi kamis tashar sahar, fi saba yom ta sahar alkan tisa ta shar sana ta hukum ta Nebuchadnezzar melik ta Babylon, Nebuzaradan, kadim ta melik ta Babylon wa qayid ta heras tou, ja le Uruselim. ⁹ Huwo haragu bet ta Yahwa, bet ta melik, wa kulu biyuut ta Uruselim; kaman kulu mabani al muhim fi medina haragu. ¹⁰ kaman kulu hoesh ta Uruselim, kulu jaysh ta Babylonin al kan tihit qiyada ta huras demiru huwomon. ¹¹ Bi neba le bagi nas al kan sibu fi medina, del al sibu melik ta Babylon, wa bagi ssukan__Nebuzaaradan, al qayid ta huras, shilu huwomon beid fi beled bara. ¹² Lakin al qayid ta huras ma sibu bad min al masakin ta ard ashan bi istakal fi alkurum wa mahal zara. ¹³ Bi nes ba le amida ta bronze al kan fi bet ta Yahwa, wa mudarrajat wa bahr al bronze al kan fi bet ta Yahwa,, al Chaldeniyin kasuru huwomon qita qita wa shilu bronze wara le Babylon. ¹⁴ Guruma, toriya, lamba ta sayed, maalagat, wa kulu afashat al min bronze al kahna kadimu mao fi haykal__al Chaldenyin shilu huwomon kulu beid. ¹⁵ Gururma le tala rumat wa gufa al salao mindahab, wa del al salao min fida__qayid ta huras ta melik shilu huwmon beid. ¹⁶ Amida al etnin ta bahr, wa mudarrajat al Suleman kan amulu le bet ta Yahwa fogo bronze ketir min al bi waznu. ¹⁷ Al tul ta awel amud kan taman ta sharr metir, wa ras ta bronze kan fogo fok tou. Al ras kan talata metir tul, ma alttashbik wa alrrmman kulu hawili ras, kulu amulu min bronze. bagi amud wa alttashbik tou kan min nefsu ze awel. ¹⁸ Al qayid haris shilu Seraiah rais ta kahna, sawa ma Zephaniah, al kahin al tani, wa talata huras ta bab. ¹⁹ Min medina huwo shilu masjun le dabbit al kan musoll ta asaker, wa kamsa rijal del bi arshidu melik, al huwomon lesa fi medina. Huwo shilu musjun dabbit a jaysh musoll le katibu rijal fi jaysh, sawa a siteen rijal al muhimiin min al ard al kan fi medina. ²⁰ Bad dak Nebuzaradan, al qayid ta huras, shilu huwomon wa jibu huwomon le melik ta Babylon fi Riblah. ²¹ melik ta Babylon kutu huwmon fi mutu fi Riblah fi ard ta Hamah. Bi teriga de Yahuza ruwa bara minard tou le beled bara. ²² Bi nes ba le nas al fadulu fi ard ta Yahuza, del al Nrbuchadnezzar melik ta Babylon kan ruwa, huwo Gedaliah jena ta Ahkam jena ta shaphan musoll le huwomon ²³ Zaman kulu qiyadat ta asaker, huwomon wa rijal, asuma inu melik ta Babylon kan amulu Gedaliah hakim, huwomon ruwa le Gedaliah. rijal dl kan Ishmael jena ta Nethaniah, Johanan jena ta Kareah, Seraiah jena ta Tanhumeth al Netophathite, wa Jaazaniah jena ta Maakathite__huwomon wa rijal toumon. ²⁴ Gedaliah amulu halifa le huwomon wa le rijal toumon, wa kelimu le huwomon, ''Ma ta kafu min dubbat ta Chaldaniyin. Geni fi ard wa kadimu melik ta Babylon, wa huwo bi kun kwes ma inta.'' ²⁵ Lakin hasil inu fi saba shahar Ishmael jena ta Nethaniah jena ta Elishama, min usura ta melik, ja ma ashara rijal wa hujumu Gedaliah. Gedaliah mutu, sawa ma rijal ta Yahuza wa al Babyloniyin al kan ma huwo fi Mizpah. ²⁶ Yalla kulu nas min soker le kebir, wa qayadat ta asaker, gum wa ruwa le Mesir, leanu huwomon kan khayifin min Babyloniyin. ²⁷ Akiran hasil fi saba talateen sana fi beled beid Jehoiachin melik ta Yahuza, fi etnashar shahar, fi saba ishirrin yom ta shahar, Awel_ Marduk melik ta Babylon fegu Jehoiahin melik ta Yahuza min sijin. De hasil fi sana al Awel_Marduk bada hukum. ²⁸ Huwo wonusu le huwo bi hanan wa wodi le huwo kursi mutaram min al ta muluuk tanin al kan ma huwo fi Babylon. ²⁹ Awel_Marduk agela gumah ta sijin ta Jehoiachin, wa Jehoiachin bi akulu bi nezam fi tarabeza ta melik fi bagi haya tou kulu. ³⁰ bdl akil al munazam kan bi wodi le huwo kulu yom fi bagi haya tou.