¹ Ana, Bolis, gi asalu itakum, ma nezilu nefsa wa shokol maruf ta Mesih. Ana sobur wokit ana fi nus takum, lakin ana sheja ma itakum zaman al ana bara min itakum. ² Ana bi asalu itakum inu, wokit ana fi ma itakum, ana muhtaj ashan bi kun shoja ma sikha fi nefsa. Lakin ana bi fekir ana bi kun muhtaj ashan bi kun shoja wokit al ana bi aridu del al huwomon bi fekir inu anina bi ish hasab gesim. ³ Leanu sala kan anina bi duwuru fi gesim, anina ma bi shakila hasab gesim. ⁴ Leanu silah al anina bi shakila mao ma ta gesim. Lakin huwomon indu guwa ilahi ashan bi demiru hoesh al gowi, al bi jibu munakashat al bi wuduru. ⁵ Anina kaman demiru kulu hajat al fok ded arufu Allah. Anina bi amsuku kulu fekira le ihteramu Mesih. ⁶ Wa anina jahiziin ashan bi akibu kulu adam ihteram, takum gerib ze ma ihteram huwo kamil. ⁷ Ayenu le haja al wahid fi gidam taki.Kan zol agna nefsa tou gal huwo le Mesih, kede huwo zekir nefsa tou inu bes ze ma huwo le Mesih fa anina kaman. ⁸ Leanu hata lo ana dala besit an sultan, al Rabuna wodi le anina de ashan bi abinu itakum fok wa ma ashan bi demiru itakum ana ma bi kun bi fadiya. ⁹ Ana ma der kede zahir inu ana bi kaufu itakum ma juwab tai de. ¹⁰ Leanu nas tanin kelimu, ''juwa tou de jet jet wa indu guwa, lakin fi gesim huwo deif. kelimat tou ma bi istehik ashan bi asumao.'' ¹¹ Kede nas ze de arufu inu anina fi ma kelimat wokit anina mafi de yau bi kun amayiel tanina wokit anina fi inak. ¹² Anina ma ruwa beit ashan bi ferigu nufus tanina aw jeribu nufus tanina ma del al mejido nufus toumon. Lakin zaman huwomon aburu nufus toumon ma bad wa jeribu badun toumon ma bad, huwomon ma indu ena. ¹³ Anina, lakin ma bi dala bara min hudud lakin, anina bi amulu ze de fi hudud ta haja al Allah wodi le nina, hudud al bi wosulu le itakum. ¹⁴ Leanu anina ma arfa nufus tanina zaman anina wosulu le itakum. Anina kan yau awel al wosulu le itakum ma injil ta Mesih. ¹⁵ Anina ma dala bara min hudud an taab ta nas tanin. Lakin, raja tanina huwo inu ze ma iman takum bi istemir raba, shokol tanina fi nus takum bi zidu. ¹⁶ Anina indu raja fi de, ashan anina bi beshiru al injil hata fi beled al bara min itakum. Anina ma bi dala an shokol al amulu fi maha tani. ¹⁷ ''Lakin kede zol al bi dala, dala fi Rabuna''. ¹⁸ Leanu ma huwo al bi sheja nefsa tou yau bi rudu. Lakin, zol al Rabuna yau bi sheja.