¹ Ana bi itmana itakum bi libisu ma ana juzu min shokol beled. Lakin itakum bi hagiga libisu ma ana! ² Leanu ana indu gera an itakum. Ana indu gera ilahi le itakum, min ma ana waadu itakum fi zawaj le wahid rajil. Ana waadu ashan bi gedimu itakum ze azara al nedif le Mesih. ³ Lakin ana kaif, ze ma debiba kabasu Hawa ma shokol negit tou, afkar takum bi agder woduru min ibada al hagig le Mesih. ⁴ Fekir kede zol tani ja wa alinu Yesua tani min al anina bi beshiru. Aw fekir kede kan itakum gabilu roho tani barao min al anina gabilu. Aw itakum gabilu injil tani barao min al itakum gabilu. itakum amulu tamum ma hajat del! ⁵ Leanu Ana fekir inu Ana ma yau al soker fi nus ta del al bi nadi_rusul _al kubar. ⁶ Lakin sala kan ma deribu ana fi wonusa, Ana ma ger muderib fi marifa. fi kulu sika wa fi kulu hajat anina sibu ashan bi kun maruf le itakum. ⁷ Hal Ana bi amulu katiya ma nezilu nefsa ashan arufawo itakum? Leanu Ana beshiru injil ta Allah le itakum sakit ⁸ Ana seregu kanais tanin ma shilu mu saada min huwomon ashan ana bi agder kadimu le itakum. ⁹ Wokit ana kan ma itakum ana kan fi ihteyaj, Ana ma tabu aye zol. Leanu ihteyajat tai kamilu ma akuwana al huwomon ja min Macedonia. fi kulu hajat ana hafizu nefsa tai ashan ma bi kun taab le itakum, wa Ana bi istemir amulu keda. ¹⁰ Ze ma al hagiga ta Mesih fi ma ana, dala tai de ma bi asukut fi safa ta Achaia. ¹¹ Lei? Leanu Ana ma hibu itakum. ¹² Wa haja al ana bi amulu ana bi istemir amulu, ashan ana bi shilu bara nadi ta nas al der aridu ana wa nadi toumon al huwomon der dala__inu ligo huwomon bi amulu nefsa haja al ana bi amulu. ¹³ Leanu shikil nas del huwomon rusul kadabiin wa umaal ta kabasu. Huwomon bi dusu nufus toumon ze huwomon rusu ta Mesih. ¹⁴ DE ma mufaja, Leanu shetan bi dusu nefsa tou ze malaika ta nur. ¹⁵ Huwo ma mufaja kebir kan kudam tou kaman bi dusu nufus toumon ze kudam al ta beer. Nihaya toumon bi kun ze ma amayiel toumon bi istehik. ¹⁶ Ana kelimu mara tani: Kede zol ma fekir ana beled. Lakin iza itakum gabilu ana ze beled Ana bi dala. ¹⁷ Haja al Ana kelimu ma sikha ta dala__Ana ma bi kelimu ma teriga al Rabuna der__Ana bi kelimu ze mujunuun. ¹⁸ Min zaman dak nas ketir bi dala hasab gesim, Ana kaman bi dala. ¹⁹ Leanu bi farah itakum istahmal ma majaniin itakum al hakimiin bi nefsa takum! ²⁰ Leanu itakum istahmal ma zol al bi amulu itakum ze abid, kan huwo bi akulu itakum, kan huwo bi shilu itakum kan huwo bi ayenu nefsa tou ahssen min itakum aw huwo bi dugu itakum fi wosa. ²¹ Ana bi kelimu le fadiya tanina inu anina kan deifin ashan bi amulu ze de. Hata hasa kan zol dala__Ana bi wonusu ze mujunuun__Ana kaman bi dala. ²² Hal huwomon Abraniin? Ana kaman. Hal huwomon Israeliean? Ana kaman. Hal huwomon Iyal ta Abraham? Ana kaman ²³ Hal huwomon kadamiin ta Mesih? (Ana bi wonusu ze ana kan mujunuun fi muk tai) Ana yau al fi tab ketir fi dugu, fi mowajaha katar ta mutu. ²⁴ Min Yahudiin ana gabilu kamsa marat ''arbein nagis wahid sou.'' ²⁵ Talata marat dugu ana ma kasab. Wahid mara luku ana ma hajer. Talata marat ana katisu ma sefina. Ana geni belel wa nahar fi bahar. ²⁶ Ana fi safar mustemir, katar ta bahar, fi katar min haramiya, fi katar min nas tai, fi katar min ajanib, fi katar min medina, fi katar ta Gaba fi katar ta bahar, fi katar min akuwana al kazabiin. ²⁷ Ana kan fi shokol shedid wa fi tab fi sahara belel ketir, fi jaan wa atash, bad marat fi siyam, fi berid wa shokol ariyan. ²⁸ Bara min kulu hajat tanin, hinak fi dukut kulu yom le ana ashan ihtimun tai le kanais. ²⁹ Munu yau deif, wa ana ma deif? munu yau der waga wa ana ma bi haragu? ³⁰ Iza ana bi dala, ana bi dala an haja al bi wori deif tai. ³¹ Allah wa Abu ta Rabuna Yesua, al bi mejido ila abad, arufu inu ana ma bi kabasu! ³² Fi Damascas, al wali al tihit melek Aretas kan bi hafizu medina ta Damascas ashn bi amsuku ana. ³³ Lakin nezilu ana ma gufa min shobak wa ana jere min idan tou.