¹ Inak kan rajil min Benijamin, rajil lohu taasi. Ismu yau kan kish welet ta Abiel welet ta Zeror ta Bekorath welet ta Aphiah, al welet ta Benjamien. ² Uwo indu welet ismu Saul, rajil sab wosim. Inak kan mafi rajil wasat al nas ta Israil al kan wosim aktar zol ze uwo. Min kitaf tao befok uwo kan atual min ayi wahid min nus al nas. ³ Hasa al hamir ta Kish, abu ta Saul, kan woduru. Kida Kish kelim le Saul weledu, ''Silu wahid min al kudam ma ita; gum wa rua fetisu le al hamir,'' ⁴ Kida Saul abar hawli beled fi jebel ta Ephraim wa rua abri al art ta Shalshah, lakin umon ma ligo umon/hamir. Biga umon rua abri al art ta Shaalim, lakin umon kan mafi inak. Biga uwo rua abri al art ta al Benjaminien, lakin umon ma ligo hamir. ⁵ Zaman umon ja le al art ta Zuph, Saul kelim le kadam tao la kan ma uwo, ''Taal, kede nina rija wara, au abu tai bi wogif ihtimam le al hamir wa bada le galak an nina.'' ⁶ Lakin al kadam kelim le uwo, '' Asma, inak rojul ta Allah fi medina de. Uwo yau rajil al yau mutmasik be ihtiram; ayihaja al uwo kelim bi hasi hagiga. Kede nina rua inak; bikun uwo bi agder wori le nina yatu sika nina bi rua fogo momria ta nina. ⁷ Biga Saul kelim le kadam tao, ''Lakin kan nina rua, sunu al nina bi jibu le rajil de? Lianu al ess fi sawal ta nina biga kalasu, wa ini biga mafi hadia bi silu le al fojul Allah. Sunu nina kalas indu?'' ⁸ Al kadam juabu Saul wa kelim , ''Ini, Ana indi ma ana wahid-min arba ta gurus min fida al Ana bi wodi le al roju ta Allah, le wori nina yatu sika nina bi rua.'' ⁹ Aslan fi Israil, zaman rajil masa le fetisu al maarafa ta )irada ta Allah, uwo bi kelim,'' Taal, kede nina rua le al(nebi.''Lianu ambia ta alela kan zaman bi nadi seer. ¹⁰ Biga Saul kelim le kadam tao, ''Kuwes. Taal, kede nina rua.'' Kida umon masa le medina al kan fogo rojul ta Allah. ¹¹ Ze umon masa be fok al jebel le al medina, umon ligo nusuwan sukerin umon ja le silu moyo; Saul wa kadam tao kelim le umon , ''Fi al nebi ini?'' ¹² Umon juabu , wa kelim,''Uwo fi; ayinu, uwo yau bes begidam takum. Alagu takum guam, lianu uwo alela bi ja le al medina, ashan al nas bi gedimu alela fi al makan ali. ¹³ Ze ma itakum bi dakalu guam le al medina itakum bi ligo uwo, gabli uwo ma rua le makan al fok le akulu. Al nas ma bi akulu lakadi uwo rija, ashan uwo bi barik al zebiha; batdak delin al rahibu bi akulu. Hasa rua fok, lianu itakum bi ligo uwo tawali.'' ¹⁴ Kida umon masa fok le al medina. Ze umon kalas dakalu al medina, umon ayinu Samuel bi ja bara le tija tomon, le rua fok le al makan ali. ¹⁵ Hasa al yom gabili Saul ma ja , Yahuah kan beinu le Samuel: ¹⁶ ''Bukra ze zaman zede Ana bi rasulu le ita rajil min al art ta Benjamin, wa ita bi masu uwo le bikun amir fok nas tai Israil. Uwo bi angisu/kalisu nas tai min al iden ta al Phalastinien. Liani Ana kalas ayinu fogo nas tai ma rahma ashan nida tomon le musaada kan ja le ana.'' ¹⁷ Zaman Samuel saf Saul, Yahuah wori le uwo, ''Yau de al rajil Ana wori le ita anu! Uwo yau al wahid al bi bhukumu fogo nas tai.'' ¹⁸ Biga Saul ja gerib le Samuel fi al bab wa kellim, ''Wori ni wen yau al bet ta al nebi. ¹⁹ ''Samuel juabu Saul wa kelim, ''Ana yau al nebi. Rua fok gidam ana le makan ali, lianu alela ita bi akulu ma ana. Fi al sabah Ana bi sibu ita bi rua, wa Ana bi wori ayihaja al yau fogo mok taki. ²⁰ Ze le hamir takum al ka woduru talata ayom wara, mata kun galagan an umon, lianu umon kalas ligou. Biga fogo umon yau kulu al rakbat/niyat ta Israil fogo? De ma yau fogo ita wa kulu bet ta abu taki?'' ²¹ Saul juabu wa kelim, Ana ma min Benjamiein, min al askar ta al gabail ta Israil? Usra tai ma al askar ta kulu al asair ta al gabila ta Benjamin? Le biga ita bi wonusu le ana fi teriga de?'' ²² Kida Samuel silu Saul wa kadam tao, jibu umon fijua al kaa, wa gaadu umon fi makan gidam ta delin al kan biga moduin, al ka tegeriban teletiin nas. ²³ Samuel kelim le al tabakin, ''Jibu al nisba al Ana wodi le itakum, ta al Ana kelim le itakum, 'Kutu uwo be taraf.''' ²⁴ Kida al tabakin silu fok al dus wa sunu kan fogo uwo wa kutu uwo gidam Saul. Biga Samuel kelim, ''Ayinu sunu kan hafisu yau wodi gidam takum. Akulu uwo, ashan uwo kan hafisu le itakum lakadi al zaman muayan, min al zaman wokit Ana kelim, 'Ana kalas rahibu al nas.''' Kida Saul akal ma Samuel yomdak. ²⁵ Zaman umon kan ja tehet min al makan al fok fijua al medina, Samuel wonusu ma Saul fok al sutu. ²⁶ Biga be al fegri sabah, Samuel nadi le Saul fok al sutu wa kelim, ''Gumfok, ashan Ana bi rasulu ita fogo sika taki.'' Kida Saul gum fok, wa kulu uwo wa Samuel masa bara fijua al sare/sika. ²⁷ Ze umon kan masin le al bara ta al medina, Samuel kelim le Saul, '' Wori le kadam le rua gidam min nina''_wa uwo masa gidam-''lakin uwo lazim bi geni ini le fetra besid, ashan Ana bi alinu al risala ta Allah le ita.''