¹ Biga Samuel salu mauna ta zet, kubu uwo fogo ras ta Saul, wa kabilu uwo. Uwo kelim,''Yahuah kalas ma masau ita le bi kun hakim fok milkia/worisa tao? ² Zaman ita bi sibu ana alela, ita bi ligo itniin rijal gerib ma turuba ta Rachel, fi al mantika ta Benjamin fi Zelzah. Umon bi kelim le ita, 'Al hamir al ita kan bi fetisu fogo kalas biga ligo. Hasa abu taki kalas wogif ihtamam an al hamir wa biga galgan an ita, kelim,' 'Sunu biga ³ Biga itakum bi rua biga beyit min inak, wa itakum bi ja le al oak ta Tabor. Talata rujal masin le Allah le Bethel bi gabilu itakum inak, wahid bi arfa talata galamayat sukerin, tani bi arfa talata gitaat ta ess, wa tani bi arfa ghilit ta mosurub. ⁴ Umon bi selimu itakum wa wodi le itakum itniin gita ta ess, al itakum bi silu min idenat tomon. ⁵ Bat dak, itakum bi ja le al jebel ta Allah, al inak al muasker ta al Phalastinien fogo. Kan itakum wosulu fi al medina, itakum bi gabilu mojumu ta ambia nazilin tehet min al makan ali ma alat musikia muktelifa gidam tomon; umon bi itnaba. ⁶ Al Roho ta Yahuah bi nezil fogo itakum, wa ita bi itnaba ma umon, wa ita biga bi geyeru le rajil barau. ⁷ Hasa, zaman alamat delin ja le ita, amulu sunual iden taki ligo le amulu, lianu Allah fi ma ita. ⁸ Rua tehet gidam ana le Gilgal. Biga Ana bi nezil tehet le ita le gedimu tekdimat mahruk wa le tekimat zebiha salam. Istena saba ayom lakadi Ana ja le ita wa wori ita sunu ita lazim bi amulu.'' ⁹ Zaman Saul gilibu dahar tao le sibu Samuel, Allah wodi uwo gelba tani. Biga kulu alamat delin ja hasal yom dak. ¹⁰ Zaman umon ja le al jebel, mojumu ta ambia gabil uwo, wa al Roho ta Allah nezil fogo uwo kida ashan uwo bi itnaba ma umon. ¹¹ Zaman ayiwahid al aruf uwo min gabli ayinu uwo biitnaba ma al ambia, al nas kelim le bat tomon, ''Sunu kan hasal le welet ta Kish? Biga Saul wahid ta al ambia hasa?'' ¹² Al rajil al kan min al nefsa makan juabu, ''Biga munu yau abu tomon?'' Ashan be de, uwo biga tala hikaya/gisa/kalam, ''Biga Saul kaman wahid ta al ambia?'' ¹³ Zaman uwo kalsu nubuat, uwo ja le makan al ali. ¹⁴ Biga kal ta Saul kelim le uwo wa kadam tao, ''Itakum rua wen?'' Uwo juabu, ''Le fetisu le al hamir. Zaman nina ayinu gali nina ma agder ligo umon, nina rua le Samuel.'' ¹⁵ Kal ta Saul kelim, ''Arjuk worini sunu Samuel kelimle itakum.'' ¹⁶ Saul juabu le kal tao, ''Uwo kalam na wadi gali al hamir kan biga ligo.'' Lakin uwo ma agder wori le uwo an al umur ta al mamlaka, ta al yau kan Samuel wonusu. ¹⁷ Hasa Samuel nadi al nas sawa gidam Yahuah fi Mizpah. ¹⁸ Uwo kelim le al nas ta Israil, ''De yau sunu Yahuah, al Allah ta Israil kelim: 'Ana jibu be fok Israil bara min Masir, wa Ana ankisu umon min al iden ta al Masirin, wa min al iden ta kulu al mamalik al asuru itakum.' ¹⁹ Lakin alela itakum abau Allah takum, al kalisu itakum min kulu taab takum wa zuruf takum; wa itakum kalas kelim le uwo, ' Kutu al melik fok nina.' Hasa gedimu nufustakum gidam Yahuah be gabail takum wa be asair takum.'' ²⁰ Kida Samuel jibu kulu al gabail ta Israil gerib, wa al gebila ta Benjamin kan iktaru. ²¹ Biga uwo jibu al gebila ta Benjamin gerib be asair tomon; wa al usra ta al Matrites kan iktaru; wa Saul welet ta Kish kan iktaru. Lakin zaman umon rua ayinu le uwo, uwo biga ma agder ligou. ²² Biga al nas deru asalu Allah sualat aktar, ''Hal inak lisa zol tani bi ja?'' Yahuah juabu, ''Uwo kan dusu nefstao fijua al baggage.'' ²³ Biga umon jere wa talau Saul min inak. Zaman uwo wogif finus ta nas, uwo kan atual min ayi nas min kitfa tao le fok. ²⁴ Biga Samuel kelim le al nas, ''Itakum bi ayinu al rajil al Yahuah kalas iktaru? Inak mafi ayi wahid ze uwo finus kulu al nas!'' Kulu al nas korik, ''Haya towil jalalat al melik!'' ²⁵ Biga Samuel wori al nas al sakafat wa gawanin ta mamlaka, umon moktub tehet fi kitab, wa kutu uwo gidam Yahuah. Samuel biga rasal kulu al nas bara, rajil fard le bet ta tao. ²⁶ Saul kaman masa le bet tao fi Gibeah, wa ma uwo masa juzu min rujal aguwia, umon al Allah kalas lemsu gulub tomon. ²⁷ Lakin juzu min rujal al maindufaida kelim, '''Kef gali zol de bi kalisna?'' Nas delin alisu Saul wa ma agder jibu le uwo ayi hadayat. Lakin Saul kan askut.