¹ Al rujal ta Kiriath Jearim ja, salu al tabuut ta Yahuah, wa jibu uwo fogo al jua ta Abinadab fok al jebel. Umon ferigu barau welet tao Eleazar le hafisu al tabuut ta Yahuah. ² Min al yom al tabuut fadulu fi krirath Jearim, silu zaman towil, isirin senawat. Kulu al bet ta Israil haznanin wa itmana le rija le Yahuah. ³ Samuel kelim le kulu al bet Israil, ''Kan itakum rija le Yahuah ma gelba takum kulu, silu takunn bara aliha ajnebia wa al Ashtoreths min wasat takum, rija gulub takum le Yahuah, wa abidu uwo bes, biga uwo bi ankisu itakum min al ida ta al Phalastinen.'' ⁴ Biga al nas ta Israil silu bara al Baal wa al Asthoreths, wa abidu Yahuah bes. ⁵ Biga Samuel kelim, ''Jibu sawa kulu Israil le Mizpah, wa Ana bi seli le Yahuah le itakum.'' ⁶ Umon limu fi Mizpah, jibu moyo wa kubu bara gidam Yahuah. Umon samu yom dak wa kelim, ''Nina kalas kalas akta dit Yahuah.'' Uwo kan inak al Samuel kara nakis le al nas ta Israil wa kad al nas. ⁷ Hasa zaman al Phalastinen asma gali nas ta Israil kan limu fi Mizpah, al hukam ta al Phalastinen hajam Israil. Zaman al nas ta Israil sima be kida, umon kan kaifin min al Phalastinen. ⁸ Biga al nas ta Israil kelim le Samuel, ''Mata wogif nadi le Yahuah Allah ta nina le nina, kida uwo bi kalis nina min al ida ta al Phalastinen.'' ⁹ Samuel sal koruf al bi rada wa gedimu uwo kulu ze tekdimat mahruk le Yahuah. Biga Samuel kore le Yahuah le Israil, wa Yahuah juabu uwo. ¹⁰ Ze Samuel kan gedimu al tekdimat al mahruk, al Phalastinen ja gerib le hajimu Israil. Lakin Yahuah rudu ma sort sedid yom dak dit al Phalastinen wa jada umon fogo lakabata, wa umon kan gidam Israil. ¹¹ Al rujal ta Israil rua min Mizpah , wa umon turuju al Phalastinen wa katulu umon abaat ze tehet Beth Kar. ¹² Biga Samuel salu hajer wa kutu uwo beina Mizpah wa Shen. Uwo semeu uwo Ebenezer, kelim , ''Lakadi ini Yahuah kan saydu nina.'' ¹³ Kida al Phalastinen kan asiru wa umon ma agder dakalau le hudut ta Israil. ¹⁴ Al art ta Yahuah kan dit al Phalastinen kulu al ayom ta Samuel. Al mudun kan al Phalastinen silu min Isarail agder rijau le Israil, min Ekron le Gath; Israil jabu wara manatik tomon min al Phalastinen. Biga inak kan fi salam beina Israil wa al Amoraien. ¹⁵ Samuel hakam Israil kulu al ayom ta haya tao. ¹⁶ Ayi sena uwo bi rua fogo douriat le Bethel, le Gilgal, wa le Mizpah. Uwo karar le nikas le Israil fi kulu amakin delin. ¹⁷ Biga uwo bi rija le Ramah, ashan bet tao kan inak; wa inak kaman uwo karar nikas ma Israil. Uwo kaman bana al mazbah/altari inakle Yahuah.