¹ Hasa al tabuut ta Yahuah kan fi al medina ta Phalastinen le saba sahar. ² Biga al nas Phalastinen nadi le al kahana wa al sahara; umon kelim le umon,'' Sunu yau nina bi amulu ma al tabuut ta Yahuah? Wori na kef nina bi rasulu uwo wara le beled tau asili.'' ³ Al kahana wa saharakelim, ''Kan itakum rasulu wara al tabuut ta al Allah, ma takun rasulu uwo bedun hadia; be kulu terigat rasulu le uwo tekdimat galat/zam. Biga itakum bi aliju, wa itakum bi aruf le iden tao kan lisa ma arfao bara min itakum lakadi hasa.'' ⁴ Biga umon kelim, ''Sunu yau tekdimat al katia bikun al nina bi rija le uwo?'' Umon juabu, ''Kamsa warmat zahabia wa kamsa feran zahabia, kamsa kan al adat al yau al nefsa ze al adat ta al hukam ta al Phalastinen. Lianu al nefsa darabat augu itakum wa hukam takum. ⁵ Kida itakum lazim bi amulu sikil ta warmat takum, wa sikil ta feran takum al bi dafa/intagim al art, wa wodi mejit le al Allah ta Israil. Bikun uwo bi arfa iden tao min itakum, min aliha takum, wa min art takum. ⁶ Le bes itakum bi tegilu gulub kum, ze al Masirien wa Pharaon gowi gulub tomon? De yau zaman al Allah ta Israil itaamal sedid ma irakum; Al Masirien kan ma rasulu bara al nas, wa umon rua? ⁷ Hasa biga, jahizsu cart jedit ma itniin abgar al bi rada al lisa ma istagdimu. Rubuu al abgar le al cart, lakin silu ijil tomon bed, bara min umon. ⁸ Biga silu al tabuut ta Yahuah wa kutu uwo fi al cart. Kutu al rumus zahabi al itakum kalas bi rijau le uwo ze tekdimat al galat/zam fijua sonduk le tija wahid ta uwo. ⁹ Biga rasulu uwo bara wa kede uwo rua le sika tao. Biga ragibu; kan uwo bi rua barau foho al sika le art tao le Beth Shemeh, biga de yau Yahuah al kan nafisu karisa kebir de. Lakin kan la, biga nina bi aruf gali de yau maiden tao al awugu nina; belaks, nina bi aruf gali de hasal le nina be sutfa.'' ¹⁰ Al rijal amulu ze kan wori le umon; umon silu itniin abgar al bi rada, rubutu umon le al cart, wa dusu iyal tomon fi bet. ¹¹ Umon kutu al tabuut ta Yahuah fogo al cart, kaman ma sonduk fogo al feran zahabi wa al sikil ta warmat tomon. ¹² Al abgar rua adil fi al tija ta Beth Shemesh. Umon rua kaman wahid sikakebir, bikore ze umon bi rua, wa umon ma rija fi taraf wele le al yomin au le samal. Al hukam ta al Phalastinen tabaom wara umon le al hudut ta Beth Shemesh. ¹³ Hasa al nas ta Beth Semesh ka bi hasidu/gatau gemeh tomon fi al toi. Zaman umon arfa uyun tomon fok wa ayinu al tabuut, umon farhanin. ¹⁴ Al cart ja fijua al malzara le Joshua min al medina ta Beth Shemesh wa wogif inak. Al hajer kebir kan inak, wa umon gatau al kasab min al karlo, wa gedimu al abgar ze tekdima mahruk le Yahuah. ¹⁵ Al Lawien silu tehet al tabuut ta Yahuah wa al sonduk al kan ma uwo, al fogo kan rumus zahabia, wa kutu umon fok al hajer kebir. Al rujal ta Beth Shemesh gedimu tekdimat mahruk wa amulu zebihat al nefsa yom le Yahuah. ¹⁶ Zaman al kamsa hukam ta al Phalastinen ayinu zede, umon rija yom dak le Ekron. ¹⁷ Delin yau al wiram zahabia al al Phalastinen rijau le tekdimat galat/ zam le Yahuah_wahid le Ashdod, wahid le Gaza, wahid le Ashkelon, wahd le Gath, wa wahid le Ekron. ¹⁸ Al feran zahabia kan al nefsa fi adad ze al adad ta kulu al mudun ta al Phalastinen tabien le al kamsa hukam, mindimnu mudun al reisia wa keriyat beled. Al hajer kebi, betaraf al umon kutu tehet al tabuut ta Yahuah, fadulu sahid lakadi yomun haza fi al mahalzara ta Yeshu al Bethshemiten. ¹⁹ Yahuah hajam juzu ta al rujal ta Beth Shemesh ashan umon kan ayinu fijua al tabuut ta Yahuah. Uwo katulu 50,070 rujal. Al nas kore/ biga haznanin, ashan Yahuah kan wodi le nas darba kebir. ²⁰ Al rujal ta Brth Shemesh kelim, '' Munu yau agder le wogif gidam Yahuah, Allah kudus de? Le munu al tabuut bi rua bara min nina?'' ²¹ Umon rasulu murasilin le al sukan ta Kiriath Jearim, keim, ''Al Phalastinien kalas jibu wara al tabuut ta Yahuah; taalu tehet wa silu uwo wara ma itakum.''