¹ Hasa filistinuon kan shilu tabud sefina ta Alla wa humon jibu huwo min Ebenzer le asdod, ² Filistinuon shilu tabud sefina ta Alla, jibu huwo dalal bet ta dagon, wa kutu huwo fok gerib ma dagon. ³ Asna shaab ta Ashdod gom bediri yom al tani, ainu, dagon waga be wosa bitou tehet fi arid gidam ta Yahwah biga humon shilu Dagon wa kutu huwo fok fi mahal bito tani. ⁴ Lakin asna humon gom fok bediri sabah al tani, ainu, Dagon, kan waga be wosa bitou tehet fi ardi gidam ta tabud sefina, ta Yahwah ras ta Dagon wa ayadi bitou kulu kan num gatau fi kashab. Bes dus ta Dagon yahu fadulu. ⁵ De yaha, hata Alela, kahana ta Dagon wa ai zol al bi dakalu fi bet ta Dagon ma bi dosu kashab ta dagon fi Ashdod. ⁶ Ida ta Yahweh kan tegil le shaab ta Ashdod. Huwo demiru humon wa abula humon ma warmat, kulu Ashdod wa ardi bitou. ⁷ Asha rujal ta Ashdod zekir al kan hasil, humon kelim, “tabud sefina ta Allah ta Israel ma bi geni ma nina, leanu ida bitou shedid diid nina wa diid Dogon Allah ta nina.” ⁸ Biga humon rasulu wa limu ma baad kulu hakam ta filistinuon; humon kelim, nina bi amulu shunu ma tabud sefina ta Allah ta Israel? Humon juwabu, kede tabud sefina ta Allah ta Israel de jibu hawli Gath.” Biga humon arfa tabud sefina ta Allah ta Israel hinak. ⁹ Lakin baab humon jibu huwo hawilu, ida ta Yahwah kan diid medina, sabab kafu azim shedid. Huwa abula rujal ta medina, kulu suger wa kebir; wa kasuru le humon warmat. ¹⁰ Biga humon rasulu tabud sefina ta Allah le akron. Lakin ligo tabud sefina ta Allah dakalu fi akron, akroniuon bada be surak, gali, humon jibu le nina tabud sefina ta Allah ta Israel ashan bi katulu nina wa shaab ta wina” ¹¹ Biga humon rasulu wa limu ma baad kulu hukam ta Filistinuon; humon kelim le humon, rasulu bara tabud sefina ta Allah ta Israel, wa kede huwo rija le mahal bitou al kas, ashan kede huwo ma tatulu nina wa shaab ta nina” leanu kan hinak kof ta mutu fi kulu anha ta medina; ida ta Allah kan shedid hinak. ¹² Rujal al kan ma mutu kan Abulau ma warmat, wa kore ta medina ruwa fok le samawat.