¹ Kelima ta Samuel ja le kulu Israel. Hasa Israel tala bara le harib diid al filistinuon. Humon jahisu muaskar fi Ebenezer, wa Filistinuon jahisu muaskar fi afek. ² Filistinoun katitu le harib diid Israel. Asna intishar harib, Israel kan hagimu be Filistinuon, al katulu bi wosulu arba alif rujal fi midan ta harib. ³ Asna shaab ja dakil muaskar, shiyok ta Israel kelim, lee Yahwa hagimu amina alela gidam ta Filistinuon? Kede nina jibu tabut sefina ta ahad ta Yahwah hina min Shiloh, ashan bikun hina ma nina, bi kun huwo bi hafisu nia min ida ta adu bi ta nina , ⁴ Biga shaab rasulu rujal le Shiloh; min hinak humon tabut sefina ta ahad ta Yahwah ta junud, al geni fok ta al churcbin. Itniin awalad ta alie, Hophni wa Finehas, kan hinak ma tabut sefina ta ahad ta Allah. ⁵ Asna tabud ta ahad ta Yahwah ja delail muaskar. Kulu shaab ta Israel wodi hutaf azim ta farah, wa arid bada hizu. ⁶ Asna Filistinuon asuma izaag kore kore, ta surak ta farah, humon kelim, de shunu yau amulu surak ta farah al shedid fi muaskar ta al Abraniin al fi wasat? Biga humon zekir inu tabud sefina ta Yahwah kan ja dakil muaskar. ⁷ Filistinoun kan kafu; humon kelim, Allah ja dakil muaskar humon kelim, welu mushkila le nina mafi haja zede al hesil gubal kida! ⁸ Welu mushikila le nina! Munu bi hami nina min guwa ta Aliha al gadirin del? Del yahu Aliha al hagimu al masriin be anuwa muklelf ketir min Isabat darbat fi beria. ⁹ Sheja takum, wa geni takum rujal, itakum filistinuon, au itakum bi kun abiid le al Abrawiin, ze humon kan abiid le itakum, kede itakum kun rujal, wa haribu.” ¹⁰ Filistinuon haribu katulun wa Israel kan hagimu geilibu kulu zol jere le khema bitou, wa al dabau kan azim shedid; teletin alif kadam al waga min Israel. ¹¹ Tabud ta Allah kan shilu, wa itniin awlad ta Alie, Hophni wa Finehas, mutu. ¹² Rajil min Benyamin jere min saf ta harib wa ja le Shiloh hefsa yom, huwo wosulu ma gumash bitou al seretou, seretou wa turab fi ras bitou. ¹³ Asna huwo wosulu, alie kan bi geni fi magaad bitou gerib ma sika bi ainu leanu gelba bitou bi dogu ma galak ashan tabud sefina ta Allah. Asna rajil de dakalu medina wa wori Akbar, kulu medina bada be surak. ¹⁴ Asna alie asuma sot ta surak, huwo kelim, mana ta izaaj de shunu? Rajeil de ja be sura wa kelim alie, ¹⁵ Hasa alie kan indu tamaniya wa tiseen sena; ena bitou ma bi rakis, wa huwo ma bi ainu. ¹⁶ Rajil de kelim le alie, rajil de kelim le alie ana yau wahid al ja min ta harib. Ana jere min harib alela. Alie kelim huwo kan bi ruwa kef, jena tai? ¹⁷ Rajil al jibu akbar de juwabu wa kelim, Israel jere min Filistinuon, kamau kan fi hinak kasair azim wasat shaab. Kaman itniin awlad taki, Hophni wa Finehas, yahu mutu, wa tabud sefina ta Allah, shilu” ¹⁸ Asna huwo zekiru tabud sefina Allah, alie waga le wara min kursi bitou gerib ma itijah ta bab. Rukuba bitou kasuru, wa huwo mutu, leanu huwo kebir wa sheek. Huwo hukumu Israel Arbeiia sena. ¹⁹ Hasa biniya bitou, Fi hesib, mara ta finehas, kan hamlan wa biga gerib bi weledu. Asna hia fi nasab wa rajil ta hia kan mutu, hia dengir tehet wa weledu, lakin hia amulu waja hia gimir. ²⁰ Gerib le zamon ta mutu ta hia nusuwan al ja hia kelim, mata kafu ashan inti weledu weled. Lakin hia ma juwabu we le kutu al humon kelim de le gelba . ²¹ Hia wadi jena de Ichabod, gali mejid shilu bara min Israel! Leanu tabud sefina ta Allah shilu, wa ashan abu ta hia fi nasib wa rajil ta hia. ²² Hia kelim, mejid shilu bara min Israel, leanu tabud sefina ta Alla kan shilu.