¹ Wahid yom, Yonathan welet ta Saul kelim le welet suker bi arfa silah tao, ''Taal, kede nina rua fogo al muasker ta al Phalastinen be al tija tani.''Lakin uwo kan ma wori le abu tao. ² Saul kan bi geny fogo taraf ta Gibeah tehet al sejera pomegranate al yau fi Migron. Tegeriban sutumia rijalkan ma uwo, ³ mindimnum Ahijah welet ta Ahitu)aku Ichabod) welet ta Phiehas welet ta Eli, al kahin ta Yahuah fi Shiloh, al labis ephod. Al nas ma aruf gali Yonathan kan rua. ⁴ Fogo ayi tija ta al memar abru al Yonathan dairu le rua jua ashan le ligo al muasker Phalastinen, inak kan mutala hajeria fogo wahid tija wa mutala hajeria tani fogo al toja tani. Wahid mutala hajeria kan ismu Bozez wa mutala hajeria al tani ismu kan Seneh. ⁵ Wahid mutala hajeria wagif fok al samal fi gidam ta Michmash, wa al tani fok al junub fi gidam ta Geba. ⁶ Yonathan kelim le welet suker al bi arfa silah tao, ''Taal, kede nina gata beinak le al muasker ta nas mamutaharin delin. Bi kun kida gali Yahuah bi istakal niaba an nina, lianu mafihaja bi wogif Yahuah min ankisu be ketir au be nas besit.'' ⁷ Zol al bi arfa silah tao juabu, ''Amulu ayihaja al yau fi gelba taki. Rua gidam, ayinu, Ana ma ita , le nafisu/tii kulu awamir taki.'' ⁸ Biga Yonathan kelim, ''Nina bi gata beinak le al rija, wa nina bi wori nufusna le umon. ⁹ Kan umon kelim le nina, 'Istena inak lakadi nina ja inak le itakum'_biga nina bi geni fi makan tanina wa ma bi gata inak le umon. ¹⁰ Lakin kan umon juabu, 'Taal ini le nina, 'biga nina bi gata le inak; ashan Yahuah kalas wodi umon fogo iden tanina. De bi kun al alama le nina.'' ¹¹ Kulu humon stelimu nefsa tomon fi muwaskar ta philistines. Philistines kelim, "ainu, Hebranian gi tala bara min khadadik al humon dusu nufse tomon". ¹² Rujal al fi muwaskar nadi Jonathan wa jesh wa kelimu, "tali fok le nina, wa nina bi wori le inta haja tani." Jonathan kelemu le jesh, kalu wara tai," ashan Yahweh istelemu humon fi yedaa ta Israel." ¹³ Yonathan nutu fok be iden wa kureyin tao, wa welet al bi arfa silah tao rua wara uwo. Al Phalastinen kan katulu gidam Yonathan, wa zol al bi arfa silah tao katulu juzu be wara uwo. ¹⁴ Hujum al awel dak Yonathan wa hamil silah tao amalu, katal tegeriban isirin rujal finus makan ta nus fedan. ¹⁵ Inak kan raks/kof fi al muaskar/kema, fi al mazra, wa wasat al nas. Hata al manatika wa al hajimin rogus. Al art zalzalat, wa inak kan kof sedid. ¹⁶ Biga haris ta Saul fi Gibeah ta Benjamin ayinu/saf; al jumhur ta asakir Phalastinen kan bi tala, wa umon kan bi harik ini wa inak. ¹⁷ Biga Saul kelim le al nas al kan ma uwo, ''Hasibu/Idu wa ayinu munu yau mafi min nina.'' Zaman umon kalas idu, Yonathan wa hamil silah tao kan mamojudin. ¹⁸ Saul kelim le Ahijah, ''Jibu al tabuut ta Allah ini, ''lianu zaman dak uwo kan ma al nas ta Israil. ¹⁹ Wokid Saul kan bi wonusu le al kahin, al haraka fi al kema ta al Phalastinen kan mustemmir wa bi zidu. Biga Saul kelim le al kahin, ''Insehibu/silu iden taki.'' ²⁰ Saul wa kulu al nas al kan ma uwo itjamao wa mas leal maaraka/sakila. Ayi sef ta Phalastinen kan dit rijal ta beledtao, wa inak kan biga lakabata kebir. ²¹ Hasa Ebirien delin al bediri kan biga ma al Phalastinen, wa al kalas rua ma umon fijua al kema, kaman umon indamu ma Israil al kan ma Saul wa Yonathan. ²² Zaman kulu alrijal ta Israil al kalas dusu nufustomon fi al jubal gerib Ephraim sima gali al Phalastinen kan jarien, Hata umon turuju wara umon fi sakila. ²³ Kida Yahuah ankas Israil yom dak, wa al maaraka abar abaat Beth Aven. ²⁴ Yom dak al rijal ta Israil kan kayifin ashan Saul kalas kutu al nas tehet halifa wa kelim, ''Laana bikun al zol al akulu ayi akil lakadi assia/misa wa Ana montagim fogo adda tai.'' Bekida mafi min al asakir jeribu/zak akil. ²⁵ Biga kulu al nas dakalat al gaba wa inak kan asel fogo al wata. ²⁶ Zaman al nas dakal fijua al gaba, al asel dafik, lakin mafi wahid kata iden le kasama tao lianu al nas kafu al halifa. ²⁷ Lakin Yonathan kan ma sima gal abu kalas kan rabat al nas ma halifa. Uwo midu bara al kasma ta al ukas/asaya al kan fi iden tao wa dakalu uwo fi al musitasel. Uwo arfa iden tao le kasam tao, wa uyuun tao walaat. ²⁸ Biga wahid ta al nas , juabu, ''Abu taki wodi taalimat sedit le nas ma halifa, be kelimu, 'Laana bikun le al zol al akulu akil fogo yom de', hata walao al nas biga deif min jaan.'' ²⁹ Biga Yonathan kelim, ''Abu tai kalas amulu muskila le al art. Ayinu kef uyuun tai kalas biga abiat ashan Ana jeribu asel al suker de. ³⁰ Kef godur sunu aksan kan al nas kalas akal majani alela min al kifaya/gina min adda tomon al umon ligo? Ashan hasa al katala/ maitin kan ma biga ketir fi wasat al Phalastinen.'' ³¹ Umon hajam al Phalastinen yom dak min Michmash le Aijalon. ³² Al nas kan biga tabanin. Al nas rua be sura tama fogo al gina wa salu korufan, abugar wa iyal tomon, wa katulu umon fogo al wata. Al nas akalu umon ma al dom. ³³ Biga umon worli le Saul, ''Ayinu, al nas bi akta dit Yahuah be akulu ma al dom. ''Saul kelim, ''Itakum kalas amulu be adamamana. Hasa, lizu hajer kebir ini le ana.'' ³⁴ Saul keim, ''Rua wasat al nas, wa wori le umon, 'Kede ayi zol jibu abgar tao wa korufan tao, wa dabao umon ini wa akulu umon. Ma takum akta dit Yahuah be akulu laham ma al dom.''' Kida kulu wahid min al nas jibu tor tao ma uwo lele m dak wa katulu uwo inak. ³⁵ Sauil abinu al altar le Yahuah, al kan al awel altar al uwo abinu le Yahuah. ³⁶ Biga Saul kelim, ''Kede nina turuju al Phalastinen be lele wa berjelu umon lakadi sabah; kede nina ma sibu wahid min umon hai.'' Umon juabu, ''Amulu ayisunu al kuwes le ita. ''Lakin al kahin kelim, ''Kede nina gabilu Allah ini.'' ³⁷ Saul asalu Allah, ''Kede Ana turuju al Phalatinen? Ita bi wodi umon fogo ida ta Israil?'' Lakin Allah kan ma juabu uwo yom dak. ³⁸ Biga Saul kelim, ''Taal ini, kulu itakum kiadat ta al nas; aruf wa ayinu kef katia de kan hasal alela. ³⁹ Lianu, ze Yahuah ais, uwo ankisu Israil, hata kan yau uwo fi Yonathan welet tai, uwo hagiga bi mutu.'' Lakin mafi min rujal wasat kulu al nas juabu uwo. ⁴⁰ Biga uwo kelim le kulu Israil, ''Itakum lazim wogif fogo wahid tija, wa Ana wa Yonathan welet tai bi kun fogo al tani.'' Al nas kelim le Saul, ''Amulu sunu al kuwes le ita.'' ⁴¹ Saul kelim, ''Yahuah, Allah ta Israil! Kan katia de kalas kan amulu be ana au be welet tai Yonathan, biga, Yahuah, Allah ta Israil, wodi al Urim. Lakin kan katia de kan biga amulu be nas taki Iseail, wodi al Thammim.'' Biga Yonathan wa Saul kan salu be gura, lakin al jess kan mamuznibin. ⁴² Biga Saul kelim, ''Ajda gura beyinu ana wa Yonathan welet tai.'' Biga Yonathan kan salu be gura. ⁴³ Biga Saul kelim le Yonathan, ''Wori le ana sunu ita kalas amulu.'' Yonathan wori le uwo. ''Ana jeribu assel suker ma akir ta al asaya al kan fi ida tai. Ana yau ini; Ana bi mutu.'' ⁴⁴ Saul kelim, ''Allah amulu kida wa aktar kaman le ana, kan ita biga ma mutu, Yonathan.'' ⁴⁵ Biga al nas kelim le Saul, ''Biga Yonathan bi mutu, uwo al kan hagag intisar kebir de le Israil? Beyit min fogo! Ze Yahuah ais, mafi wahid sar ta ras tao bi waga le al wata, lianu uwo kalas istakal ma Allah alela.'' Kida al nas ankisu Yonathan kida gali uwo biga ma bi mutu. ⁴⁶ Biga Saul wogifu turuju al Phalastinen, wa al Phalastinen masa le makan al biga tomon. ⁴⁷ Zaman Saul bada le hukumu ala Israil, uwo sakal dit kulu ada tao fogo ayi tija. Uwo sakal dit Moab, al Ammonien, Edom, al muluk ta Zobah, wa al Phalatinen. Bewen uwo gilibu, uwo bisabib ugubat fogo umon. ⁴⁸ Uwo itamal ma shuja kebir/azim wa gilibu al Amalekien. Uwo ankas Israil bara min idenat ta delin al demiru umon. ⁴⁹ Al awulat ta Saul kanu Yonathan, Ishvi, wa Milki_Shua. Al asma ta banat tao itniin umon Merab, al bikir, wa Michal, al suker. ⁵⁰ Al isim ta mara ta Saul kan Ahinoam; hia kan al bit ta Ahimaaz. Al isim ta kait/kebir ta jess tao kan Abner welet ta Ner, kal ta Saul. ⁵¹ Kish kan abu Saul; wa Ner, al abu ta Abner, kan welet ta Abiel. ⁵² Inak kan sakila shedid dit al Phalastinen kulu al ayom ta Saul. Zaman Saul saf ayi rajil azim, au ayi rajil harbi, uwo bi iltesik uwo le nefsatao.