¹ Samuel kelim le Saul, ''Yahuah rasal ana le masau ita melik le nas tao Israil. Hasa asma le al kelimat ta Yahuah. ² De yau sunu Yahuah ta junud/jess kelim, 'Ana kalas arufu sunu Amalik amalu le Israil fi aridu umon fogo al sika, zaman umon taliyin bara min Masir. ³ Hasa rua wa hajim wa takulukulu demiru kulu al umon indu. Mata rahamu umon, lakin katulu kulumin rujal wa nusuwan, jena wa suker, abgar wa korfan, jemel wa himar.''' ⁴ Saul nadi al nas wa hasibu umon fi al medina ta Telaim_miten alf rijal be kurein, wa asara alf rujal ta Yahuza. ⁵ Biga Saul ja le al medina ta Amalek wa istanu fi al wadi. ⁶ Biga Saul kelim le al Kenien, ''Rua, atla, taal bara min wasat al Amalekien, kida Ana ma bi demiru ita sawa ma umon. Lianu ita wori hasanat le kulu al nas ta Israil, zaman umon ja min Masir.'' Kida al Kenien haraku bara min al Amalekien. ⁷ Biga Saul hajamu al Amalekien, min Hanilah ze abaat ze Shur, al yau serik ta Masir. ⁸ Biga uwo salu Agag al melik ta al Amalekien hai; uwo takulukulu demiru kulu al nas ma al taraf ta al sef. ⁹ Lakin Saul wa al nas raham Agag, ze kaman ze al aksan ta al korufan wa abgar, iyal abgar seminin wa al dinan. Ayihaja al kan kuwes, umon kan ma damaru. Lakin umon takulukulu damaru ayihaja al kan bi alisu wa maindusokol. ¹⁰ Biga al kelima ta Yahuah ja le Samuel, kelim, ¹¹ ''Uwo hazinu ana gali Ana kalas amalu Saul melik, lianu uwo kalas gilibu dahar min tabao ana wa kalas ma amulu awamir tai.'' Samuel kan zalan; uwo kore le Yahuah lel kulu. ¹² Samuel gam fok sabah le gabil Saul fi al sabah. Samuel kan wara, ''Saul ja le Carmel wa uwo kutu fok timsal le nefsatao, biga galab wa masa gidam tehet le Gilgal.'' ¹³ Biga Samuel ja e Saul, wa Saul kelim le uwo, ''Mubarak yau ita be Yahuah! Ana kalas kamilu al amur ta Yahuah.'' ¹⁴ Samuel kelim, ''Sunu biga yau izaaj korufan de fi adanat tai, wa al buuat ta al abgar al Ana asma?'' ¹⁵ Saul juabu, ''Umon kalas jibu umon min al Amalekien. Lianu al nas rahamu/sibu al aksan ta al korufan wa abgar, le zebiha le Yahuah Allah taki. Al bagin nina kalas takulukulu demiru.'' ¹⁶ Biga Samuel kelim le Saul, ''Istena, wa Ana bi wori ita sunu Yahuah kan kelim le ana bilel.'' Saul kelim le uwo, ''Wonusu!'' ¹⁷ Samuel kelim, ''Hata ita kan suker fi ayinu ta nefsa taki, ita biga ma amulu al ras ta al gabail ta Israil? Biga Yahuah masahu ita melik ala Israil, ¹⁸ wa Yahuah rasal ita fogo sika taki wa kelim, 'Rua wa demiru takulukulu al katiyin, al Amalekien, wa sakila dit umon lakadi umon kalas itdamar.' ¹⁹ Le ita ma tii al sort ta Yahuah, lakin belaks ita limu al kunus/gina wa amulu sunu kan batal/sar fi al ena /nazrar ta Yahuah?'' ²⁰ Biga Saul kelim le Samuel, ''Ana kalas fihagiga tii al sort ta Yahuah, wa kalas masa fogo al terik al Yahuah rasal ana. Ana kalas gobudu Agag, al melik ta Amalik, wa kalas takulukulu demiru al Amalikien. ²¹ Lakin al nas salu juzu ta al kunus/gina_korfan wa abgar, al aksan ta al hajat deiru le tedmir, le zebiha le Yahuah Allah taki fi Gilgal.'' ²² Samuel juabu, ''Kan Yahuah ze moksut kalis fi dekima mahruk wa zebihat, ze fi tii al sort ta Yahuah? Taa yau aksan min zebiha, wa le asuma yau aksan min al semin ta dinan/korufan. ²³ Lianu tamarut yau ze al katia ta ilahiat tanin, wa giladabak yau ze sarira wa zunuba. Ashan ita kalas abao al kelima ta Yahuah, uwo kalas kaman abao ita min geni melik.'' ²⁴ Biga Saul kelim le Samuel, ''Ana kalas akta; lianu Ana kalas kasarta awamir Yahuah wa kelimat taki, ashan Ana kan kaif min al nas wa tii asuwat tomon. ²⁵ Hasa, malis afi katia tai, wa rija ma ana kida ashan Ana biga bi abidu Yahuah.'' ²⁶ Samuel kelim le Saul, ''Ana ma bi rua wara ma ita; lianu ita kalas aba al kelima ta Yahuah, wa Yahuah kalas aba ita min geni melik ala Israil.'' ²⁷ Ze Samuel gilibu le rua, Saul salu gobudu min al taraf ta jalabia tao, wa uwo saratu. ²⁸ Samuel kelim le uwo, ''Yahuah kalas saratu al mamlaka ta Israil min ita alela wa kalas wodi uwo le jeran taki, wahid al yau aksan min ita. ²⁹ Kaman, al Guwa ta Israil ma bi akzib wele geyeru fikra tao; lianu uwo yau ma ze insan, al uwo mumkin bi geyeru fikra tao.'' ³⁰ Biga Saul keim, ''Ana kalas akta. Lakin malis akrim ana hasa gidam al shiuk ta nas tai wa gidam Israil. Gilibu tani ma ana, gali Ana biga bi abidu Yahuah Allah taki.'' ³¹ Kida Samuel galab tani wara Saul, wa Saul abidu Yahuah. ³² Biga Samuel kelim, ''JIbu Agag a melik ta al Amalikien ini le ana.'' Agag ja le uwo morbut ma genzir wa kelim, ''Behagiga al mararat ta mut kalas fat/madat. ³³ Samuel juabu, ''Ze sef taki kalas amulu nusuwa maindum jena , kida kede uma taki amindi jena wasat nusuwan.'' Biga Samuel gata Agag le gitaat gidam Yahuah fi Gilgal. ³⁴ Samuel masa le Ramah, wa Saul masa fok e bet tao fi Gibeah ta Saul. ³⁵ Samuel biga ma ayinu Saul lakadi al yom ta mutu tao, lianu uwo haznan le Saul. Yahuah kan hazin gali uwo kan amulu Saul melik ala Israil.