¹ Samuel kelim le kulu Israil, ''Ana kalas asma le ayihaja itakum kelim le ana, wa Ana kalas kutu melik fok itakum. ² Hasa, yau de al melik bi dowuru gidam takum; wa Ana kebi wa ajus; wa , awulat tai ma itakum. Ana kalas dowuru gidam takum mini sababia tai lakadi alyom. ³ Ana ini; bi sahidu dit nefsi gidam Yahuah wa gidam wahid tao almomsu. Al tor tao Ana kalas silu? Al himar tao Ana kalas silu? Al kals Ana kabasu? Al Ana kalas assuru? Min iden tao kalas Ana silu rosua le gofulu ma uyuun tai? Ashadu dit ana, wa Ana bi rijau uwo le itakum. '' ⁴ Umon keliom, ''Ita ma kabasu nina, assuru nina, au seregu ayihaja min iden ayi zol.'' ⁵ Uwo kelim le umon , ''Yahuah yau sahid dit itakum, wa momsu tao wahid yau sahid alela, gali itakum kalas ligo welehaja fi iden tai.'' Umon juabu, ''Yahuah yau sahid.'' ⁶ Samuel kelim le al nas, ''Uwo yau Yahuah al iktar/ayinnu Musa wa Harun, wa al jibu abuhat takum bara min al art ta Masir. ⁷ Hasa biga, gedim nefatakum, kida biga Ana biagder asalu ma itakum gidam Yahuah an kulu ta hajat kuwes al Yahuah amulu, al uwo amulu le itakum wa abuhat takum. ⁸ Zaman Yakub ja le Masir, wa judud takum kore le Yahuah, biga Yahuah rasal Musa wa Harun, al talau judud takum bara min Masir wa umon geni fi makan de. ⁹ Lakin umon nesitu Yahauh Allah tomon; uwo biu umon fogo al ida ta Sisera, kait ta al jes ta Hazor, fogo al ida ta al Phalastinen, wa fogo al ida ta al melik ta Moab; delin kulu sakal dit judud takum. ¹⁰ Umon kore le Yahuah wa kelim, 'nina kalas akta, ashan nina kalas aba Yahuah wa kalas bikadim le Baal wa al Ashtoreths. Lakin hasa ankisu nina min al art ada ta nina, wa nina bi akdim ita.' ¹¹ Kida Yahuah rasal Jerub Baal, Bedan, Jephthah, wa Samuel, wa wodi le itakum intisar ala ada takum kulu hawuli itakum, kida gali itakum geni fi amni mustatab. ¹² Zaman itakum ayinu gali Nahash al melik ta al nas ta Ammon ja dit itakum, itakum kelim le ana, 'La! kankida, melik lazim yohkum fok nina'_hatawolao Yahuah Allah takum, kan melik takum. ¹³ Hasa yau ini al melik al itakum kalas iktaru, al itakum kalas asalu anu wa al Yahuah kalas hasa ayinnu/iktar ze melik fok itakum. ¹⁴ Kan itakum bi kafu Yahuah, akdim uwo, tii srt tao, wa ma merit dit al amur ta Yahauah, biga kulumin itakum wa al melik al hakim fok itakum bi kun wara ta Yahuah Allah takum. ¹⁵ Kan itakum ma bi tii al sort ta Yahuah, lakin merit dit al awamir ta Yahuah, biga iden Yahuah bi kun dit itakum, ze uwo kan dit judud takum. ¹⁶ Hata hasa gedim nefsatakum wa ayinu haja kebir de al Yahuah bi amulu gidam uyuun takum. ¹⁷ Uwo yau ma al hasat/gata gemeh alela? Ana bi nadi fogo Yahuah, gali uwo kede rasulu raat/saga wa matar. Biga itakum bi ayinu gali batal/saar takum biga kebir/azim, al itakum kalas amulu fi al nazar/ayiinu ta Yahuah, fi asalu le nefsatakum melik.'' ¹⁸ Kida Samuel nadi le Yahauah; wa nefsu yom dak Yahuah rasal raad/saga wa matar. Biga kulu al nas kafu Yahuah sedid wa Samuel. ¹⁹ Biga kulu al nas kelim le Samuel, ''Sely le kadamin taki le Yahuah Allah taki, ashan kede nina ma mutu. Lianu nina kalas zidu le kulu katiat tanina batal/saar de fi asalu le melik le nufustanina .'' ²⁰ Samuel juabu, ''Ma ta kum kafu. Itakum kalas amulu kulu batal de, lakin matakum rija wara min Yahuah, lakin kadim Yahuah ma kulu gelba takum. ²¹ Ma takun rija wara fogo hajat farik al maindu faida au bi ankisu itakum, ashan umon ma indu ayisokol. ²² Le al ajli azama/kebir isimtao, Yahuah ma bi aba nas tao, ashan uwo kalas Yahuah rudu le amulu itakum nas le nefsatao. ²³ Ze le ana, beyit kede uwo min Ana le amulu katia dit Yahuah be wogifu le salawat le itakum. Belaks kida, Ana bi deriskum al teriga al yau kuwes wa sah. ²⁴ Bes kafu Yahuah wa kadim uwo fi hak ma kulu gelba takum. Iktabiru al hajat azim/kebir uwo kalas amulu le itakum. ²⁵ Lakin kan itakum musirin fi amulu saar, kulumin itakum wa melik takum bi demirukum.''