¹ Baad Suliman kalasu bana bed le Yahweh wa kasri melik, wa baad huwo kalasu kulu al fi niya towo ashan amulu, ² Yahweh zahir le Suliman mara althani,ze ma kan huwo zahir lo fi Gibeon. ³ Yala Yahweh kelim le huwo,” Ana asuma salawat wa talabat ta rahma al ita amulu le ana.Ana kasisu bed de,al ita abinu le nefsi ,ashan kutu isim tai hinak lel abad. Ena tai wa gelba tai bikun hinak kulu zaman. ⁴ ze le ita ,iza kan ita douru gidam ana ze Daud abu taki ma gelba istigama wa adil, iktaramu kulu al ana amiru ita wa hafisu gawaniin wa wasaya, ⁵ yala ana bi asisu kursi ta mamlaka taki fok kulu Israel lel abad ,ze ana waadu Daud abu taki gal, al jil minita ma bi yafshal ashan kun fi kursi ta Israel .’ ⁶ lakin iza kan ita gelibu bara,ita au aulad taki,wa ma hafisu gawaniin tai wa wasaya tai al ana kutu gidam takum, wa iza kan ita ruah abidu aaliha tannin wa dengiri tehed le humon, ⁷ yala ana bi gatta Israel bara min ardi ana wodi le humon; wa bed de al ana kasisu fi isim tai,ana bi tahiru bara min eina tai, wa Israel bi kun mithal le hagara wa haja ta fadiha fi wasad kulu alnas. ⁸ Al haikal de gondur ta wasaka, wa aiya zol al gi abir min jambu sadma bi amulu wa bi safir . Humon bi asalu, ‘ le Yahweh amulu de fi ardi de wa bed de ? ⁹ Taniin bi juwabu ,ashan humon sibu Yahweh ,Allah tomon ,aljibu humon bara min Masir,wa humon fetish rabunaat taniin wa dengiri tehed le humon wa abidum. De yau Yahweh jibu kulu damar de fi humon.” ¹⁰ Ja fi nihaya isriin sena al Suliman kalasu abinu ethnen mabna del ,al Haikal ta Yahweh wa Kasri al Melik. ¹¹ Hasa hiram ,al melik ta Tarasisi, huwo ferishu Suliman ma loha wa ashjar cypress, ma dahap – kulu al niya ta Suliman deiru – melik Suliman wodi le Hiram isriin mudun fi ardi ta Gelil. ¹² Hiram ja min Tarasisi ashan ainu al mudun al Suliman wodi lehu, lakin huwo ma moksut. ¹³ yala Hiram kelim,” de yatu min no ta medina ita wodi le ana ya akui ? Hiram semi hum ardi kabul, lahaidi yom allela ¹⁴ Hiram rasulu le melik 120 wogiya dahap. ¹⁵ De ya adad guwa ta omal al Suliman kutu le abinu Haikal ta Yahweh wa kasri towo, al Millo, heta ta Orshelim,wa Hazor,wa Meigiddo, wa Gezer. ¹⁶ Faraon melik ta Masir ruah wa shilu Gezer, Huwo haragu wa katulu al Kananiin al fi medina.yala Faraon wodi medina de le binia towo, mara ta Suliman,ze haidya ta iriss. ¹⁷ yala Suliman rijah abinu Gezer wa Beth Horon al tehed, ¹⁸ Baalath wa Tamar fi gabah fi ardi yahuza, ¹⁹ wa kulu makazin al medina al hu masik, wal medina ma karlo towo wa medina ma rujal hasin ma kulu al hu gi mana ashan bana fi Orshelim, fi lebnon,wa fi kulu ardi al tehed seitara towo ²⁰ Ze le kulu nas al sibu ta Amoritiin ,al Hittitiin, al Perizzittiin,al Hivitiin wa al Jebusitiin al ma min nas ta Israel ²¹ al ma gadiru ashan demiru kulu Suliman amulum guwa le shokol,lahaidi yom allela. ²² ashan kida, Suliman ma amulu guwa ta shokol min Israel. Bel ax , humon jesh wa kadamiin towo ,dubat, wa kutaba wa kiyadad ta kuwaat al jesh . ²³ Del Kaman al kutaba al bi diru wa ragip munu fi sokol al suliman wodi lo 550 minum al bi ragip nas albi amul shokol. ²⁴ Binia ta Faraon harik min medina Daud le Bed al Suliman bana le hia, baad dak suliman bana Millo ²⁵ Talata marrat fi kulu sena Suliman bi gedim zebiha wa zebiha salam fi mazbah al hu bana le Yahweh, bi haragu bakur mahum fi mazbah kan fi gidam Yahweh.yala huwo kemilu al Haikal wa hasa hu gi istakdimu. ²⁶ Melik Suliman bana tof ta sufun fi Ezion Geber, al gerib ma Elath fi sawahil ta bahar al ahmar ,fi ardi ta Edom. ²⁷ Hiram rasulu kadamiin le sufun ,al captain al bi arif bahar al ahmar , ma kadamiin ta Suliman. ²⁸ Huma ruah le Ophir ma kadamiin ta Suliman. Min hinak humon jabu wara 420 wogiya ta dahap le melik Suliman.