¹ Wokit melka ta Sheba asuma kabara an melik Suliman kusus isim ta Yahweh, Hia ja ashan jeribu huwo ma as –ilaat. ² Hia ja le Orshelim ma toof towil, ma jumaal shahinu ma boharat ,dahap,wa hujar al lamalama(kerima) .wokit hia wosulu,Hia wori kulu al hia indu fi geliba ta hia. ³ Suliman juwabu kulu as-ilaat.Kan mafi haja al hia asulu al melik ma juwabu le hia. ⁴ wokit Melka ta Sheba ainu kulu hikma ta Suliman, wa kasri al huwo bana, ⁵ Al akil al fi tarbeza towo, al tertip ta kadamiin towo ,shokol ta kadamiin towo wa malabith tomon ,wa Kaman del algi amsuk kubaya ta melik, wa uslub al huwo gi gedim bo zebiha mahruk fi bed ta Yahweh,kan mafi nefes fi hia . ⁶ Hia kelim le Melik,” Huwo hagiga, al tagarir al ana asuma fi ardi tai an kelimaat wa hikma taki. ⁷ Ana ma amin fi al ana asuma lahidi ana ja hini,wa hasa uyun tai ainu.wele nus al wori le ana ! Fi hikma wa ginaa ita futu al tagarir al ana asuma. ⁸ Godur shunu nasawiin taki mubarikin , wa kef kadamiin taki mubarikin al daiman gi wogif gidam taki ,ashan asuma min hikma taki. ⁹ Keli Yahweh Allah taki mejidu, al indu niya fi ita, ashan kutu ita fi kursi ta Israel. Ashan Yahweh hibu Israel lel abad,Huwo amulu ita Melik, le ita ashan amulu adala wa hak! “ ¹⁰ Hia wodi le melik 120 gudran dahap wa kemiya min bokur wa hujar al kerima. Mafi kemiya ta bokur ze de al melka ta Sheba wodi le Melik Suliman wodi le huwo tani mara. ¹¹ Al sefina ta Hiram ,al jibu dahap min ophir,Kaman jibu min Ophir kemiya min kashap bokur wa hujar kerima. ¹² Al melik amulu kashap bokur ma amida ta Haikal ta Yahweh wa le kasri ta Melik, wa rababa wa sufafir ta muganiin. Mafi kemiya ze de ta kashap bokur jibu au ainu tani mara laidi yom allela. ¹³ Melik Suliman wodi le Melka Sheba aiya haja al hia bid mana ,aiya haja al hia asalu,ziyada le shunu Suliman wodi le hia min hadaya al hia wodi. Yala hia raja le ardi towo ma kadamiin towo. ¹⁴ Hasa al wozin ta dahap al ja le Suliman fi sena kan 666 gudran ta dahap, ¹⁵ bara min dahap al tujar gi jibu. Kulu muluk min Arabia wa hagumat fi beleit kan jibu dahap wa fida le Soulman. ¹⁶ Melik Suliman amulu miten daragat kubar amulu min dahap.Sutumia shekel ta dahap fi wahid daraga . ¹⁷ Huwo Kaman amulu tultumia daragat dugu be dahap talata mina ta dahap; fi aiya wahid ; al Melik kutum fi fi kasri Gabat lebnan. ¹⁸ Biga Melik amulu kursi kebir min kashap wa dugu ma dahap nedif. ¹⁹ kan hinak selim sita le kursi Melik ,wa wara ta kursi indu wara al mudawar. Kan fi fogo mahal ta kutu yeden. Kan fi mahal yeden fi kulu tijah ten ta kursi , wa ethnen ased wagif jambu yeden ta kursi . ²⁰ ethnashar usud wagifin fi selim wahid gusad aiya katuwa ta selim. Kan mafi kursi ta Melik ze de fi aiya mamlaka. ²¹ kulu kubayat ta shirap ta melik Suliman kan dahap ,wa kulu kubayat ta shirap fi kasri Gabat Lebnan kan dahap ,mafi alkan fida ,ashan fida kan iktebiru ma indu kima fi zaman ta Suliman. ²² Al Melik indu fi tof ta sufun min Tarasisi ,sawa ma tof ta Hiram .wahid mara baat talata sena humon gi jibu dahap ,fida ,wa sunun fil, wa Kaman gurud wa makakuwat. ²³ yala Melik Suliman futu kulu Muluk al fi aalam fi ganiyan wa fi hikma. ²⁴ kulu aalam gi fetish wujud ta Suliman ashan asuma min hikma towo al Allah kutu fi gelbu. ²⁵ le del al zuru jibu fida,wa dahap,wa malabis , daragat,wa bokur,wa Kaman hasasin ,Hamir ,sena baad sena. ²⁶ Suliman limu kulu karlo wa rujal Hasin. Huwo indu 1,400 karlo wa 12,000 rujal hasin al huwo kutu fi medina karlo wa mau fi orshelim. ²⁷ Al melik indu fida fi orshelim ketir ze hujar fi wata.huwo amulu loho ketir bes ze shejera zeitun al fi wata nezila. ²⁸ Al hasin al melik Suliman indu kan gi jibu min ²⁹ Masir wahid ma sutumia Shekels ,wa hasin ma 150 shekels. Ketirin min de kan biu min kulu muluk ta Hittitiin wa Aram.