¹ Suliman shilu talatashar sena ashan bana kasri towo. ² Huwo bana alkasri gaba lebnan .al tulu miya dhuraa ,wa waasi towo kamsin dhuraa , wa fok towo teletin dhuraan . alkasri bana ma arba kat ta loho ma amida ta cedar fi hamud . ³ Al bed amulu raas towo ma loho al gi geni fi raas ,kulu raas de bi sabitu ma amida ,kan fi kamsa wa arbein loha ,kamistashar be saf. ⁴ Fi tala urud fi saf ,aiya wahid lo subak wa kulu subak gusad al tani fi talata urud de . ⁵ kulu abuab amulu murabaat ma urud wa subak gusat subak altani fi talata tertip. ⁶ Kan fi kaah tulu 50 dhurran wa teletin urud ma segif fi gidam hamud wa raas. ⁷ Suliman bana alkaah ta kursi mahkama ,al kaah adala .kan kaati ma loho min tehed lahidi segif ⁸ Al bed ta Suliman al huwo aish fogo, fi tija al tani fi Kasri ,kan salau be nefsu teriga. Huwo Kaman abinu bed ze de le binia ta Faraon al huwo zoju zemara. ⁹ Al bunian de jemilu ma hujar al gali , hujar algatau ma munshar wa jeribu ma mitir wa salau tamum fi kulu tija .Hujar del stakdimu kin fi asas lahaidi fok wa Kaman min bara lahaidi fi mahkama . ¹⁰ al asas banau ma hujar alkubar wa gali kalis ta tamaniya wa ashara dhuraan fi godur ¹¹ fok kan hujar al kerima lamalama gatau fi tul ,wa loho fi urud ¹² al mahkama al kebir hauli kasri indu talata sotur ta hujar al gatau wa Kaman sotur ta loho ze dewaan ta haikal ta Yahweh wa segif ta haikal . ¹³ Melik Suliman rasulu min Huram wa jibu min Tyre. ¹⁴ Huram huwo jena ta armala min gebila ta Naftali; abu kan rajil min Tyre ,huwo rajil sinai fi nihas.Huram huwo Malian ma hikma wa marafa wa maharat an kef bi istakal ma nihas .huwo ja le Suliman ashan istakal ma nihas le melik. ¹⁵ Huram libisu ethnen hamud ta nihas ,kulu wahid 18 dhuraan fok wa 12 dhuraan mudawar . ¹⁶ Huwo salau ethnen yafta dugu ma nihas ashan kutu fi fok amida. Al tul yafta de kan kamsa dhuraan. ¹⁷ Shokol ta silsila ta genzir ashan bi kutu fi yafta wa jemilu fok fi amida ,saba le kulu yafta . ¹⁸ yala Huram salau magat fi fok ta aiya hamud ashan jemilu yafta. ¹⁹ al yafta fi fok hamud jemilu ma zuhuraat ,arba dhuraan fok . ²⁰ al yafta fi fok amuden del Kaman zaid gerib ma fok towo mitten kaat sotur haulu. ²¹ Huwo gomu al amida fi gidam ta Haikal .Al hamud fi yomin semi Jakin, wa al fi shimal semi Boaz. ²² fi fok ta amida kan tejmil ze zuhur. De yau teriga al hamud de amulu bou. ²³ Huram salau kazana min hadit , ashara dhuraan min fok le tehed .Tul towo kan kamsa dhuraan ,wa kazana de kan teletin dhuraan modawar. ²⁴ Fi fok huwo kutu gefis ,ashara fi kulu dhuraan dugu sawa ma kasana de fi hadid wahid “ al Bahar de isim towo “ wokit maun salau ²⁵ Al bahar wogifu fi 12 teran , talata gi ainu le shamal ,talata gi ainu le garib ,talata gi ainu le junub, talata gi ainu le sherik ²⁶ “al bahar de fi fok tomon ,wa kulu danabat tomon fi nus .al bahar de kan tegil fi urud ze yeden ,wa fok towo tabugu ze gubaya ,ze zuhur jemil .al bahar de gi hafisu moyo ta alf safiha. ²⁷ Huram salau ashara sibiya ta nihas. Aiya sibiya kan arba dhuraan towil wa arba dhuraan urud wa tul talata dhuraan . ²⁸ Al shokol ta sibiyat ze de .Humon indu sajat bi wogif wasad frame , ²⁹ wa fi sajat kan resim ta usud ,teran, wa Malaikat. Fok wa tehed usud wa Teran kan sokol al dugu . ³⁰ fi aiya sibiya indu arba lasatik wa arba rukun wa indu musaid be tehed le maun. Al musaid kan salau ma baad gusad tani ³¹ al kuta towo mudawar ze bidalat dhuraan wa nus urud ,wa ma taj al fok wahid dhuraan, fi fatha nahitu wa kan muraba ma mudawar. ³² Al arba lasatik be tehed wa sasi ta lasatik wa bed towo kulu fi sibiya .al tul ta lasatik kan dhuraan wa nus . ³³ al lasatik dakilu ze ta karlo .betowo ,sasi, sokobsobar, kulu salau min hadid ³⁴ kan fi arba mahal masga fi arba rukun ta aiya sibiya ,fi fi jisim sibiya be nefsu. ³⁵ Fi fok sibiya de fi haja mudawar nus dhuraan juwa , wa fi fok ta sibiya gi sabitu sajat yala lesegum. ³⁶ fi tehed ta musaid wa saj Huram nehitu sura malaika, usud, wa shejera bala al kati misaha al fi , wa kulu haulu . ³⁷ Huwo salau ashara sibiyat del be nefsal teriga. Kulu humon salau fi nefsal galib , humon indu nefsal tul, wa sawa. ³⁸ Huram salau ashara maun min nehas .wahid maun bi shilu moyo arbein safiha. Kulu maun kan arba dhuraan wa kan fi kulu maun wahid gusat sibiya . ³⁹ hu salau kamsa sibiya fi tijah junub ta haikal wa kamsa gi iteji shamal ta haikal . hu amulu “al bahar” fi zawiya shergi , gi ainu le junub ta haikal . ⁴⁰ Huram salau maun au tawa ta rushu .yala huwo kalasu kulu shokol al huwo amulu le Melik Suliman fi Haikal ta Yahweh: ⁴¹ al ethnen hamud ,wa tawa – ze yafta al kan fi raas amida ,wa ethnen shokol tejmil kati ethnen tawa ze yafta alkan fok amida . ⁴² huwo amulu zakrafa fi tawa ze ta yafta ethnen kulu . ⁴³ Al ashara sibiyat ,wa ashara maun fi sibiya . ⁴⁴ Huwo salau al maun kebir semi “ al bahar” ma ethnashar teran tehedtu; ⁴⁵ wa Kaman gurmat ,maun wa Kaman hajat taniin .Huram sanaum min nihas ,le Melik Suliman , le haikal ta Yahweh. ⁴⁶ Al melik jadaum fi ordon ,fi tiin fi wata bein Sukkoth wa Zarethan. ⁴⁷ Suliman ma wozinu kulu afash ashan kan ketir kaalis ashan bi wozinu ,lianu wozin ta nihas mabi akder wosinu . ⁴⁸ Suliman amulu kulu fershaad ta bet ta Yahweh min dahap ,wa zuhur ,lambaat ,kulu min dahap. ⁴⁹ Mahalat ta kutu lampa, hamisa fi yemin and hamisa fi shemal, fir gidam ta udor bed, kan salau mind dahap, wa suhur, lamper a wogifu fi hajat al salau min dahab. ⁵⁰ Suliman Kaman amulu kubabi ,lambaad ta wala , maun ,maalik ,kawanin bokur kulu kan amulu min dahap al safi ; huwo indu tarbas min dahap amulu be juwa ( al huwo yau mahal al mukadas kaalis ). Wa Kaman fi abuaab al kebir fi kaah ta haikal