¹ Wa kalam ta yahwah jaa le yehu jena ta hanani aan baasha, gi kelim, ² Raghmi ana arufu inta min turab ana amulu inta ghaed(Reish) le shaab israel tai. Inta ruwa fi sika ta yerboan wa inta keli shaab israel tai amulu katiya ashan bi waja ana bi tala zalan min katiya tomon. ³ asuma ana bi masah baasha wa usura tou kulu wa ana bi amulu usura taki ze usura ta yeroboan jena ta nebat, ⁴ Ayi ahal ta baasha al mutu fi medina kilab bi akulu homon wa ayi zol al mutu fi ghabat teyor bi akulu homon. ⁵ Ashan mashakil ta baash haja al howo amulu wa gowa tou kan kulu katibu fi kitab ta akhbar alayam le muluk ta israel? ⁶ Wa ze judud tou howo mutu wa dofunu howo fi tirsa, wa elah jena tou biga melik fi makan tou(Makan ta abu tou) ⁷ Wa bi wasat ta al nebie yehu jena ta hanani kelima ta yahwa jaa aan baash wa usura tou, ashan kulu shar al howo amulu fi ena ta yahwah, ashan bi waja geliba ta howo wa bi zaalan min amal ta edan tou, zi usura ta yeroboam wa ashan kaman howo katulu kulu usura ta yeroboam, ⁸ Fi sita wa ishrinn sena(26) ta asa melik ta yahudiya elah jena ta baasha bada hukumu ala israel fii tirsas howo hukumu le mudat itniin sena. ⁹ Khadam tou zimri kan ghaed le nus ta arabat ta harib tou, amulu muamara deed howo wa elah kan fi tirsah, gi ashrab wa sekran fi biet ta arza, al kan ghard le usura fi tirsah, ¹⁰ Wa zimri ruwa, wa hajemu howo wa katulu howo, fi saba wa ishriin sena ta asa melik ta yahudiya, wa howo biga melik fi makan tou. ¹¹ Zaman zimri bada hukumu wa howo kan geni fi arshi tou, howo katulu usura ta baasha. Howo ma sibu ayi zol wele wahid min hajat(Mumtalakat) ta baasha ahal aw ashabi, ¹² Biga zimri demiru usura ta baash kulu, hasab kelima ta yahwah al howo kelim aan baasha bi wasat ta yehu al nebie. ¹³ Bi sabab ta katiya ta baasha kulu wa katiya ta jena tou al homon amulu wa leanu sibu (Wodi) Israel amulu katiya, ashan bi waja gelbah ta yahwah allah ta israel, wa bi zalan ashan tomon. ¹⁴ Wa ashan mashakil taniin ta elah wa hajat kulu al howo amulu kan ma katibu homon fi kitab ta akhbar al ayam ta muluk ta israel. ¹⁵ Fi al sabaa-wa ishriin sena ta asa melik ta yahudiya, zimri be hukumu le mudat saba ayam fi tirsah, wa jesh kan nezil fi (aw) kan geni fi Gibbeton, de kan mahal ta phalestineen, ¹⁶ Jesh al geni hinak de asuma gal, zimri amulu muamara wa katulu al melik, wa fi yom dak israel kulu alennu amri reish ta jesh, ashan bi kun melik le israel, ¹⁷ Omri ruwa min gibbeton wa israel kulu kan ma howo wa homon hasiru tirsah, ¹⁸ Wa zaman zimri ainu enu medina de shilu howo ruwa fi biet juwa al ghasir ta al melik wa wala nar fai mahal de wa nar de haragu howo wa howo mutu, ¹⁹ De kan ashan katiya al howo kan amulu shar fi ena ta yahwah, ashan bi wodi israel le katiya, ²⁰ Wa ashan mashakil taniin ta zimri wa al khiyana al howo amulu hal howo ma muktub fi kitab ata akhbar al ayam ta mukuk ta israel? ²¹ . Biga shaab ta israel bad gesimu le itniin, nus ta shaab ruwa wara tibni jena ta jinat, ashan bi amulu howo melik, wa nus de ruwa am omri, ²² Lakin shaab al ruwa ma omri kan agwa min shaab al kan ruwa ma tibni jena ta jinat, yala tibni mutu wa omri biga al melik. ²³ Omri bad hakumu ala israel fi wahid wa ishriin sena ta asa melik ta yahudiya, wa howo hukumu itnashar sena. Howo kan gi hukumu min tirsah le mudat sita sena, ²⁴ Howo ishteri jebel ta samariga min shemar bi itniin wazina ta fedaa. Howo abinu medina fok fi jebel wa semi nadi isim tou. Medina samariya ashan isim ta shamar, saidu ta jebel akan awel, ²⁵ Biga omri amulu shar fi ena ta yahwah wa amulu hajat al batal shedid aktan min kulu nas al gedam howo, ²⁶ Ashan howo amulu kulu hajat al kan yerobaom jena ta nebat amulu. Ruwa fi kulu sikat wa bi katiya tou al howo sibu israel amulu ashan gelba ta yahwah bi waja, allah ta israel wa howo bi zalan min asnam tomon al ma indu ghiema. ²⁷ Ama ashan mashakil taniin ta omri al howo amulu wa gowa al kan howo wori, hal homon ma katibu fi kitab ta akhbar al ayam ta muluk ta israel, ²⁸ Wa omri kan mutu zi judud tou wa kan dofunu howo fii samariya wa ahab jena tou biga melik fi makan tou. ²⁹ Fi tamaniya wa teletiin sena ta asa melik ta yahudiya, ahab jena ta omri bada hakumu ala israel. Ahab jena ta omri hukumu ala israel min samariya itniin wa ishriin sena, ³⁰ Ahab jena ta omri kan amulu shar fi ena ta yahwah, aktar min kulu muluk al kan gedam howo. ³¹ Wa zi ahab ainu amulu katiya zi ta yeroboam jena ta nebat haja aadi, wa howo shilu mara tou izabel beniya ta etabaal, melik ta sidonianeen, howo ruwa wa abidu baal wa dengiri tehet le howo, ³² Howo abinu mazbahale baal fi biet ta baal al howo kan abinu fi samariya. ³³ Ahab amulu amud ta sawari. Ahab kan amulu aktar ashan bi waja geliba ta yahwah, allah ta israel, wa bi zalan aktar min kulu muluk ta israel al kan gedam howo. ³⁴ Fii zaman ta hukum ta Ahab, hiel al min bethel abinu ariha. Hiel amulu asas ta medina bi tama ta hayata abiram jena tou al bikiir, wa segub, jena tou al sukeir mutu fi zaman al kan howo gi abinu abuab ta medina, ashan howo kan hafisu kelima ta yahwah al howo kan wonusu bi wasat yeshu jena ta nun