¹ Fi sena tamantashar ta melik Jeroboam weled ta Nebat,Abija bada hukumu Israel. ² Huwo hukumu le muda talata sena fi orshelim. Isim umu Maakah .hia kan binia ta Abishalom. ³ Huwo douru fi kulu katiya al abu towo amulu gidam ma gabli zaman towo; gelba towo ma wodi le Yahweh Allah towo ze gelba ta Daud ,jidu towo kan. ⁴ Mahma kan ,fa ashan Daud, Yahweh Allah towo wodi le huwo lamba fi orshelim ashan bi arfa fok weled towo baad huwo ashan bi gowi Orshelim ⁵ Allah amulu de ashan Daud amulu shunu al saa fi eina towo; fi kulu ayam ta haya towo,huwo ma gelibu bara min aiya haja alhuwo amiru huwo,ille bes fi modu ta Uriah al Hittite. ⁶ hasa kan fi mashakil bein Rehoboam wa Jeroboam fi kulu ayam ta haya Abijah. ⁷ Ze fi modu ta Abijah, kulu all huwo amulu ,ma katifu fi kitaab ta ahdath ta melik yahuza? Kan fi harib bein Abijah wa Jeroboam. ⁸ Abijah naimu tehed ma judud towo,wa humon dofunu fi medina ta Daud. Asa weledu ja tala melik fi mahalu . ⁹ Fi isriin sena ta Jeroboam melik ta Israel, Asa bada hakimu fok Yahusa. ¹⁰ Huwo hukumu wahid wa arbein sena fi orshelim. Isim ta haboba towo Maakah,binia ta Abishalom. ¹¹ Asa amulu shunu al sa fi eina ta Yahweh,ze Daud jidu towo amulu. ¹² Huwo taalau sharamit min ardi wa taalau kulu asnam al judud towo amulu. ¹³ Wa huwo Kaman taalau Maakah haboba towo min geni melka ,lianu hia amulu afaana ta humud Ashera .Asa kata tehed sanam wa haragu fi jedel ta kidron ¹⁴ Lakin mahalat al fok ma shilu bara. Ashan kida kan , gelba ta Asa kulu-kulu wodi le Yahweh kulu ayam ta hayatu. ¹⁵ Huwo jibu fi bed ta Yahweh kulu hajat al kasisu ma Abu,wa hajatu al kaas al kan kasisu al kan amulu min fida wa dahap wa afash. ¹⁶ Kan fi harib bein Asa wa Baasha al melik ta Israel, fi kulu ayamum. ¹⁷ Baasha melik ta Israel, amulu be unf did yahuzah wa bana Ramah, ashan huwo mabi rudu aiya zol sibu au dakalu fi ardi ta Asa melik ta Yahuza, ¹⁸ Yala Asa shilu kulu fida wa dahap sibu fi makaziin fi bed ta Yahweh, wa makazin ta bed kasri melik .Huwo kutu fi yeden ta kadamiin towo wa rasulu le Ben-Hadad weled ta Tabrimmon weled ta Hezion ,melik ta Aram,al aish fi Damascus .huwo kelim, ¹⁹ “keli yekun ahad bein ana wa ita, ze kan bein Abui ma Abuk . shuf , ana rasulu le inta hadiya ta fida wa dahap .kasuru ahad taki ma Baasha melik ta Israel, ashan huwo bi sibu ana barau.” ²⁰ Ben-Hadad asuma le Asa wa rasulu kiyadad ta jesh towo, wa humon hajimu mudun ta Israel. Humon hajimu ljon ,Dan,Abel- beth Maakah ,wa kulu kinnereth,sawa ma kulu ardi ta Naphtali. ²¹ hu ja kan wokit Baasha asuma de,huwo wogif bana Ramah wa ruah wara le Tirzah. ²² yala melik Asa alinu le kulu yahuza. Mafi zol afu. Humon arfau hujar wa lohaat ta Ramah al Baasha kan gi abinu medina .yala melik Asa istakdimu muat ta bina ashan abinu mau Geba ta Benyamin wa Mizpah. ²³ Ze fi modu ta Asa ,kulu guwa towo,kulu al huwo amulu,wa mudun al huwo bana ,kulu hal ma katifu fi kitaab ta ahdath ta muluk ta Yahuza?lakin fi zaman huwo ajuz huwo kan ayan fi kura towo. ²⁴ yala Asa naimu tehed ma judud towo wa dofunu humon fi medina ta Daud abu. Jehoshaphat weled towo ja melik fi makanu. ²⁵ Nadab weled ta Jeroboam bada hukumu fok Israel fi sena althani ta Asa melik Yahuza ;huwo hukumu Israel le muda ethnen sena. ²⁶ Huwo amulu sunu yau al sherir fi eina ta Yahweh wa douru fi sika ta Abu, wa fi katiya towo,abu huwo kudu Israel le katiya. ²⁷ Baasha weled ta Ahijah,ta usra ta Issachar, amulu muamara did Nadab;Baasha katulu huwo tehed fi Gibbethon,al taabi le Falastin, le Nadab wa kulu israeliin kan hasiru Gibbethon. ²⁸ fi sena al nimra talata ta Asa melik ta Yahuza,Baasha katulu Nadab wa ja tala melik fi makanu. ²⁹ wokit huwo melik,Baasha katulu kulu usra ta Jeroboam.huwo ma sibu aiya min jil ta Jeroboam gi nefes ; fi teriga de huwo demiru kaat ta melkiya ,bes ze Yahweh kelim ma kadam towo Ahija al Shiloniti. ³⁰ fa katiya ta Jeroboam al amulu wa wodi Israel le katiya,fi zalan al zeilu Yahweh,Allah ta Israel. ³¹ Ze fi muowadi taniin an Nadab, wa kulu al huwo amulu,hal ma katibu fi kitaab ta ahdath ta muluk ta Israel? ³² Kan fi harib bein Asa wa Baasha melik ta Israel fi kulu ayamum. ³³ Fi sena nimra talata ta Asa melik ta yahusa,Baasha weled ta Ahijah hukumu Israel fi Tirzah wa huwo hukumu arba wa isriin senawat. ³⁴ Huwo amulu shunu al shar fi eina ta Yahweh wa douru fi sika ta Jeroboam wa fi katiya abu huwo wodi Israel le katiya.