¹ Fi zaman al kan Abijah weled ta Jeroboam tala ayan. ² Jeroboam kelim le mara towo,”arjuk gum wa mesil nefsak,ashan ita mabi lahisu ze mara tai,wa ruah le Shiloh, ashan Ahijah al nebi huwo hinak;huwo yau al kelim an ana,gal ana bija Melik fok nas del. ³ Shilu maak ashara esh ,ma cake,wa jug ta asel ,wa ruah le Ahijah.Huwo bi weri le ita shunu yau bi hasil le jena de.” ⁴ Yala mara ta Jeroboam amulu ze kelimu, hia ruah le Shiloh wa ja fi bed ta Ahijah. Hasa biga ma gi ainu; huwo fagidu nasar towo ashan ajuz. ⁵ Yahweh kelim le Ahijah,”Shuf, al mara ta Jeroboam gi ja le ita ashan fetish irshad min ita an jena towo ,huwo ayan.kelim ze de le hia , ashan wokit kan hia ja ,hia bi mesil ze mara tani.” ⁶ wokit ahija asuma sot kura ta hia wokit hia wosulu fi baab, Huwo kelim, taal juwa,mara Jeroboam.le ita gi mesil ze zol tani al ma ? ana rasulu ma kabara saap. ⁷ ruah,wori le Jeroboam gal Yahweh ,Allah ta Israel ,kelimu,ana arfa ita min nus ta nas ashan amulu ita kaaid fok nas tai israeliin . ⁸ Ana sheretu al mamlaka min bara min usra ta Daud wa ana wodi le ita , lisa ita ma geni ze abit tai Daud ,al hafisu wasaya tai wa taabi ana ma kulu gelba towo ashan amulu shunu al saah fi ena tai. ⁹ Bel ax, ita amulu al shar, aktar min del al kan gidam itu. ¹⁰ ashan kida, Shuf, ana bi jibu karisa fi usra taki ; ana bi gata bara min ita aiya jena weled fi Israel,kan al hur wala abid wa ana bi shilu usra ta Jeroboam ze zol al gi haragu hurara ta bagara lahaidi inte. ¹¹ Aiya zol al taabi le Jeroboam alkan mutu fi medina bi akulu ma kelib ,wa aiya wahid alkan mutu fi gaba bi akulu ma tuyur ta sama ,fa ,ana, Yahweh yau kelim. ¹² Yala gum ya mara ta Jeroboam ,wa rija wara le bed taki;wokit kan kura taki dakalu fi medina ,al jena Abijah bi mutu. ¹³ kulu Israel bi kore le huwo wa dofunu. Huwo alwahid min usra ta Jeroboam albi dofunu,ashan bes fi huwo,kulu min usra ta Jeroboam kan fi haja alkuwes ligo ainu ta Yahweh ,Allah ta Israel. ¹⁴ kaman Yahweh bi arfa fok Melik ta Israel al bi gata usra ta Jerobiam fi yom dak.alela de yau yom dak hasa. ¹⁵ Fa Yahweh bi hajimu Israel ze asira gi hizu fi juwa moyo,wa huwo bi amuta humon min irik bara min ardi alkuwes al huwo wodi le judud tomon. Huwo bi shetitum wara min bahar Euphrates,lianu humon amulu hamud ta Asherah wa kutu Yahweh tala zalan. ¹⁶ Huwo I istakna min Israel ashan katiya ta Jeroboam, al katiya al huwo amulu wa alhuwo kudu Israel le katiya.” ¹⁷ Yala mara ta Jehoboam ruah, wa ja le Tirzah. Wokit hia wisil le bed al jena mutu. ¹⁸ Kulu israeliin dofunu wa kore le huwo, bes ze alkelimu le humon ma kelima ta Yahweh al huwo kelim be wasat kadam towo Ahijah al Nebi. ¹⁹ Ze fi mushkila tani kastan an Jeroboam ,kef huwo shakil wa kef huwo hokum ,shuf,humon katibu fi kitaab ta ahdath ta muluk ta Israel. ²⁰ Jeroboam hakimu le muda ethnen wa isriin sena wa baad dak naimu tehed ma judud,Nadab weled towo ja melik fi mahal towo. ²¹ Hasa Rehoboam weled ta melik Suliman kan gi hakimu Yahuza.Rehoboam kan wahid wa arbein wokit huwo tala Melik,wa huwo hukumu sabatashar sena fi orshelim, al medina al Yahweh iktar bara min kulu gabail ta Israel al huwo bi kutu isim towo.Uma towo isim Naamah mara min Ammonitiin. ²² Yahuza amulu haja al sherir fi ena ta Yahweh;humon zeilu huwo ashan yegir min katiayaat al amulu.aktar min aiya haja al abuhatum amulu. ²³ Humon Kaman abinu le nufusum mahalat al fok amida ta hajer, wa hamut ta Asherah fi aiya jebel wa fi tehed aiya shejera al akdar. ²⁴ Kaman hinaak sharmata al bataal fi ardi.Humon amulu nefsu haja al afanaat ze uma al Yahweh demiru kan fi gidam ta nas ta Israel. ²⁵ de hasil fi sena alkamis ta Rehoboam al Shishak melik ta Masir ja did Orshelim. ²⁶ Huwo shilu kulu al maal min bed ts Yahweh , wa al maal fi bed melik. Huwo shilu kulu haja; huwo shilu kulu dahap al Suliman amulu. ²⁷ Melik Rehoboam amulu daragat min nehas fi bidal humon wa wokilu fi yeden ta Kaaid ta huraas,al gi harisu baab bed ta melik. ²⁸ Huwo hasil gal wokit melik dakalu bed ta Yahweh, al huras bi arfau mahum; yala humon bi rija wara fi bed hirasa. ²⁹ Ze fi modu taniin an Rehoboam,wa kulu al huwo amulu,humon ma katifu fi kitaab ta ahdath ta melik ta Yahuza? ³⁰ kan fi mashakil tawali bein Rehoboam wa Jeroboam. ³¹ yala Rehoboam kutu tehed ma judud tomon wa dofunu mahum fi medina ta Daud. Uma towo isim kan Naamah al mara min Ammonitiin. Abijah weled towo ja melik fi mahal towo.