¹ Al rojul Allah ja min Yahusa ma kelima ta Yahweh le Bethiel . Jeroboam kan wagif fi mazbah ashan haragu bakur. ² Huwo kore fi mazbah ma kelima ta Yahweh:”Masbah, masbah! De yau shunu al Yahweh kelim ,Shuf,weled bi weledu ismu bi semi Josiah fi usra ta Daud,wa fi fogo huwo bi haragu zebiha al gusus ta mahalat al fok de al hasa gi haragu bokur fi ita . fi ita humon bi haragu udam ta insan.” ³ Yala rojul Allah wodi alama fi nefsu yom dak bigul,de yau alama al yahweh kelim:shuf, al mazbah bi gesimu heta-heta ,wa al rumad alfogo bi kubu bara.” ⁴ wokit al Melik asuma shunu al rojul Allah kelim ,huwo kore did al mazbah fi Bethiel ,Jeroboam tala yeden towo min masbah ,”amsuku huwo.” Yala al yeden al huwo midu did rojulAllah , jamaid huwo ma akder rija wara le nefsu. ⁵ (al mazbah gesim heta-heta wa alrumaat alfogo kubu bara min mazbah ,ze bes alama al kelimu ta Yahweh ma rojul Allah.) ⁶ Melik Jeroboam juwabu wa kelim le rojul Allah,”asalu maaruf ta Yahweh Allah taki,wa seli le ana ashan yeden tai birija kuwes tani.” Yala rojul Allah seli le Yahweh ,wa yeden ta melik rija kuwes le huwo tani. Huwo biga bes ze alkan ma gabli. ⁷ Al melik kelim le rojul Allah,”taal maana fi bed ashan neshitu nefsak wa ana bi wodi le ita Hadiya.” ⁸ al rojul Allah kelim le Melik,”mahama kan ita wodi le ana nus mumtalakat taki ,ana mabi ruah maak,wele ana bi akulu akil wala ashrub moyo min mahal de. ⁹ ashan Yahweh amiru ana ma kelima towo,”ita mabi akulu esh wala asrub moyo ,wala rija min nefsu sika ita ja mahuwo .” ¹⁰ yala rojul Allah ruah be sika tani wa ma rija bed ma nefsu sika huwo ja mahuwo le Bethiel. ¹¹ Hasa kan fi Nebi ajus aish fi Bethiel,wa wahid min aulat towo Kaman wori le huwo alkelima al rojul Allah kelim le Melik ¹² Abu tomon kelim le huwo ,”be yatu sika huwo ruah bo? Hasa aulat towo ainu al sika al rojul Allah ruah bo. ¹³ yala huwo kelim le aulat towo “ fiku le ana humar tai .” yala humon fiku humar wa huwo sugu le mahal de. ¹⁴ al Nebi al ajuz ruah wara rojul Allah wa ligo huwo gaid tehed shejera. Wa huwo kelim le huwo,”ita yau rojul Allah al ja min Yahuza?.” Huwo juwabu ,”ana.” ¹⁵ Yala al nebi al ajuz kelim le huwo.” Taal bed ma ana ashan akulu akil.” ¹⁶ al rojul Allah juwabu,”Ana mabi rija maak ,wele ana bi akulu akil wala asrub moyo maak fi mahal de. ¹⁷ li anu amiru ana be kelima ta Yahweh, “ita mabi akulu akil wala ashrub moyo hinak ,wala rija ma nefsu sika ita ja mahu.” ¹⁸ Yala al Nebi al ajuz kelim, ana Kaman nebi ze ita ,wa al Malaika kelim le ana ma kelima ta Yahweh, bi gul ,’jibu huwo wara maak fil bed taki ,ashan huwo bi yakul akil wa ashrub moyo.”lakin huwo kan gi kabasu le rojul Allah. ¹⁹ Yala rojul Allah rija wara ma Nebi al ajuz wa huwo akulu akil fi bed towo wa asrab moyo. ^{22 20} Ze humon geni fi Tabeza ,al kelima ta Yahweh ja le Nebi al nadi huwo wara, ²¹ wa huwo kore le rojul Allah al ja min Yahuza ,gal,”Yahweh bi kelimu ,ashan ita ma tii kelima ta Yahweh wa ma hafizu wosiya towo gal Yahweh Allah taki wodi le ita, 22 lakin ita ja wara wa akulu akil wa asrub moyo fi mahal al Yahweh wori le ita mabi akulu wala asrub moyo ,jutha taki mabi dofunu fi turba ma abuhat taki.” ²³ Baad huwo akulu akil wa asrubu moyo ,al nebi fiku humar ta rojul Allah ,al rajil al ja wara mahu. ²⁴ wokit al rojul Allah ruah, Ased limu mahu fi sika wa katulu , wa jutha towo sibu fi sika. Yala al humar waagif jambo,wa Ased waagif jambu jutha. ²⁵ Wokit rujal bi gatta wa ainu jutha sibu fi sika, wa al ased waagif jambu jutha,humon jaw a wori fi medina al Nebi al ajuz aish. ²⁶ wokit al Nebi aljibu huwo asuma ,huwo gal,” de rojul Allah al kalifu kelima ta Yahweh.ashan kida Yahweh wodi huwo le Ased, al sheretu huwo heta-heta wa katulu ,be ze kelima ta Yahweh anziru.” ²⁷ yala alNebi al ajuz kelim le aulat towo gal,”fiku humar tai,”wa humon fiku. ²⁸ Huwo ruah wa ligo al jutha sibu fi sika ,wa al humar wa ased waagif jambu jutha .al ased ma akulu jutha ,wala hajimu humar . ²⁹ Al Nebi arfa fok jutha ta rojul Allah,naimu al jutha fi humar,wa jibu wara.huwo ja le medina towo ashan ahzin wa dofunu huwo. ³⁰ huwo dofunu al jutha fi turba towo,wa humon ahzin fogo, bi gul, “ah ya akui! ³¹ Yala baad huwo dofunu huwo ,al nebi al ajuz kelim le aulat towo gal,wokit kan ana mutu ,dofunu takum ana fi turba al rojul Allah dofunu fogo.naimu udam tai jambu udam towo. ³² be risala al huwo kararu be kelima ta Yahweh ,did al mazbah fi bethiel wa did kulu biut al aal fi mudun ta Samaria,bi hasil.” ³³ Baad de Jeroboam ma rija min sika ta amulu shar,lakin huwo istemir fi iktaru gusus le mahalaat al aali min kulu noo nas. Aiya wahid al bi yekdim hu bi ruga ze gesis. ³⁴ Mushkila de ja katiya le Usra ta Jeroboam wa amulu usra towo demiru wa masahu min wash al ardi.