¹ Hasa, fi kalam ta akel al gedemo le asnam: Anna arufu gali anna indo marafa. Marafa be jebu takabur, lakin muhaba gi abeno. ² Kan fi zol fekir gali huwo be arufu haja, zol de huwo lesa ma be arufu haja. ³ Lakin kan zol hebo Allah, Allah be arufu zol de. ⁴ Fa fi kalam ta akulu akel al gedemo le asnam: Anna kulu be arufu ino sanam al fi alam de huwo kalam sakit wa mafi ile Allah al wahed. ⁵ Hata kan fi al gi nadi aliha, kan fi sama wele fi ard( ze ma fi "aliha kete wa "rabunat" keter, ⁶ lakin le anna fi Allah wahed, al abb, al kulu hajat tala min Huwo wa anna gi ish le Huwo, wa wahed Rabana, Yesua al Massih, al be wasat ta tuo kulu haja (fi) maojud, wa be wasat ta tuo anna fi ⁷ Lakin marafa de ma kulu zol indo. Fi nas bederi kan gi abido sanam, wa hasa kan humon akulu akel al gedimo le sanam gi geni ka ano humon lesa gi abido sanam. Demir ta tumon gi karado ashan huwo daif. ⁸ Lakin akil ma be kutu anna kwasin aw batalin gedam ta Allah. ⁹ Lakin amulu hisab taki be ino hureya al ita indu kede ma kun sabab le aku taki al daif fi iman ashan be waga. ¹⁰ Kan fi zol aino ita al indu marafa gi akulu fi haikel ta asnam. De ma be sheja huwo al iman tuo deyef ashan be akulu haja al gedemo le asnam? ¹¹ Ashan maraf taki le hagega an sanam ita gi demiro de al deif, aku taki al Massih mutu ashan huwo. ¹² Be keda itakum be amulo kateya did aku taki wa be jarahu demir tuo al deif, wa de kateya gedam ta Yesua. ¹³ Ashan keda, kan akel be kutu aku tai be waga, ana tani ma be akulu laham tani, ashan ana ma be kun sabab le waga ta aku tai.