¹ Kan zol indo mushkila ma tani, hal huwo rudu ashan bi ruwa fi mahkama ta ma mumineen, bedal gidam ta nas ta Allah al kudosin? ² Itakum ma arufu gali nas ta Allah al kudosin yao gi ja hukumo alam? Kan itakum gi ja hukumo alam, itakum ma be akeder hilu hajat al sukerin de? ³ Itakum ma arufu gali anna bi ja hukumo malaikat? Hal huwo ketir le enna ashan be hukumo fi gadaya ta haya? ⁴ Kan itakum bi akider hilu gediyat ta haya, malu itakum bi sibu shekil mashakil de hilu ma nas al ma indo asl fi kenisa? ⁵ Ana be kelimo zede ashan fadiya kede gobodu itakum. Mafi zol hakim fi nus takum be akider hilu gediya al beyin akwana? ⁶ Belaks, akw bi wogif did akw fi gedam ta nas al mumineen! ⁷ Kon ino itakum bi shilo baad takum le mahkama de fadiya. Huwo bi kun afdal le ita ashan nas bi amolo galat le ita wa kabaso ita min shilo humon le mahkama. ⁸ Lakin itakum zato gi amolo galat wa gi kabaso, wa itakum gi amolo le akwankum. ⁹ Hal itakum be arofu gali nas al ma nedifeen ma bi woriso molokot ta Allah? Matakum sedegu kalamat al kedib. Nas ta zena, al gi abido asnam, nas al gi kasuro halifa ta zawaj, ibadat al fugu zina, del al rodo zina ma nas al fi shekil tuo, ¹⁰ haramiya, nas ta tamma, sukurjia, kadabin, wa al gi shil hajat ta nas be guwa- mafi zol min humon be woriso Molokot ta Allah. De kan hajat al juzu min itakum kan gi amolo. ¹¹ Lakin Allah nedifo itakum, khasisu itakum le nefsa tuo, itakum bega abrar fi gedam tuo fi isim ta Rabana Yesua al Massih wa be Ruhu ta Allah ta tenna. ¹² Kulu haja halal le ana," lakin ma kulu indo fayda." Kulu haja halal le ana," lakin ma bi hukomo ana be humon." ¹³ Akil le batna, wa batna le akil," lakin Allah bi demiro humon kulu. Jissim ma le zina. lakin le Rabana, wa Rabana le jissim. ¹⁴ Allah al gaumo Rabana , Huwo kaman bi gaumo anna be guwa ta tuo. ¹⁵ Itakum ma arufu gali ajsam takum adda ta Massih? Hal ana bi shelu adda ta Massih wa limo sawa ma ta zena? ma bi hasil! ¹⁶ Itakum ma arufu gali zol al limo ma zaniya humon bega jessim wahid? Ze ma kitab bi kelim," Itnen bi kun jessim wahid." ¹⁷ Lakin de al limo ma Massih bi kun ruhu wahid ma Huwo. ¹⁸ Jere beid min zena! Kulu katiya al zol be amulu huwo bara min jessim , lakin zol ta zena gi amulu katiya did jessim ta tuo. ¹⁹ Hal itakum arufo gali jessim takum yao haikel ta Ruhu al Kudus, al gi geni fi itakum, al itakum lego min Allah? Hal itakum be arufu be ino itakum ma le nefsa takum ? lakin le Rabana. ²⁰ Leano beyo itakum be taman. Ashan keda mejidu takum Allah be jessim takum wa fi ruhu, al huwo ta Allah.