¹ Enna asuma gali fi zena fi nus takum, shekel ta zena al zatu mafi fi nus ta Umam. kabara de gali zol min itakum gi num ma mara ta abu tuo. ² Itakum mutakabereen! Bedel ma itakum be kun haznanen? Zol al amulu kalam lazem kede shelo min nus takum. ³ Salakun ana mafi fi jesed laken fi fi ruhu, ana hakimu le zol al amulu kalam de, ze kaano ana fi nus takum. ⁴ kan itakum lemo sawa fi isem ta Rabana Yesua, wa ruhu tai ma itakum sawa be guwa ta Rabana Yesua, ana hakimu zol de bederi. ⁵ Ana hukumo zol de be eno kede selimo huwo le shetan ashan jesem de kede demiro, yala ruhu tuo be kaliso fi yom ta Rabana. ⁶ Dala takum de ma kowis. Itakum ma arufu be ino khamira suker be khamero ajen kulu? ⁷ Nedifu nufus takum min khamira al gedemyala itakum be geni ajen al jeded, ashan itakum eash al ma fogo khamira. ⁸ Leano Massih, khuruf ta Fis... tanna, kan selibu. Kede enna ihtafel be Eid, ma be khamira al gedem , khamira ta tasrofat al batal wa sharr. Laken , kede inna ihtafel be eash al ma fogo khamira be neya al kowes wa hagiga. ⁹ Ana katibu le itakum fi juwab tai be ino matakum isharik ma nas ta zena. ¹⁰ Ana kulu kulu ...ma gasid nas ta zena al fi allam, aw nas al tammen.., aw harameia, aw nas al gi abedo asnam, ashan geni beid min humon be der itakum be tala bara min allam. ¹¹ Laken ana gi katibu le itakum kede itakum ma ishtariko ma ayi zol al gi nadi aku laken huwo gi ish fi zena, aw tamaa, aw gi abedo sanam, aw ta shetema, aw sukurji, aw harami. Hata akel matakum akulu ma shekel zol de. ¹² Leano ana muno ashan be hukomoa del al bara kenisa? Bedel ma, itakum yao be hukimo del al fi kenisa? ¹³ Laken Allah huwo yao be hukomo delin al bara kenisa." Tala min nus takum zol al sharir."