¹ De yau kef nas kede ayenu le nina, ze kadamiin ta Mesiiah wa wukala ta asrar ta Allah. ² Fi de azo wakil de kede kun amiin. ³ Lakin le ana huwo haja soker ashan bi hukumu ana be itakum aw be mahkama ta insaan. Laano ana ma bi hukumu nefsa tai. ⁴ Ana ma arufu aye hukum amulo deed ana, lakin de ma bi mana ana berii. Rabuna huwo yau bi hukumu ana. ⁵ Ashan kede ma takum alinu hukum an aye haja gabili zaman, gabili ja ta Rabuna. Huwo bi jibu hajat al dusu fi duluma le nur wa bi beino niaat ta gelba. Bad dak kulu wahid bi ligo shokur tou min Rabuna. ^{6 7} Hasa, ya akwan,ana nefiz kalam de fi nefsa tai wa Abollos le fayda takum, ashan itakum be alemu maana ta kalam al kelimu," Mata ruwa beid min haja al katebu." Huwo zede ashan mafi zol be arufa nefsa le tani gali huwo yao arufu. Fi yatuo fereg beano itaa wa nas al taneen? Fi shunu le ita al ita ma ligo majani? Iza ita lego majani, malu ita gi arufa nefsa ze kaano ma wedi le ita? ⁸ Itakum ligo kulu hajat al itakum daero! Itakum bega ganiyaneen! Itakum bega gi hakimu- wa de beyed min enna! neseya, Ana betmana le itakum ashan be hakimu, ashan enna be hakimu ma itakum sawa. ⁹ Fi fikra tai Allah kutu enna rusul ashan bi zaher ze fi aker ta saaf fi maokeb wa ze zol al hakimu be mutu. Ena ta alam - malikat wa insan bega le enna. ¹⁰ Enna beledeen be sabab ta Al Messih , laken itaum hukama fi al Massih, Enna deyefin, laken itaum indo guwa. Nas gi ihtarem itakum, laken gi alisu enna. ¹¹ lahade fi zaman de enna jeyanen wa atshanen, enna ariyanen, gi lego daak, wa mafi makan ta num le enna. ^{12 13} Enna be ishtaka shedid, shokol ma iden tanna. Kan gi alisu enna, enna gi bareku. Kan fi taab enna be istahamal. Kan kelimu lena kalam batal, enna gi wonosu be adab. Nas bega kutu wa lesa gi ayino enna ze wasaka ta alam. ¹⁴ Ana ma gi katebu hajat de ashan be amulu fadeya le itakum , laken ashan be adelo itakum ze iyal tai al ana hebu. ¹⁵ Leano hata kan itakum endo ashara alif min nas al gi arshedo itakum fi Al Massih, itakum ma entdo abohat keter. Leano ana yao abu takum fi Al Massih bewasat ta injeel. ¹⁶ Ashan keda ana gi shejao itakum ashan be dawro wara tai. ¹⁷ De yao sabab ana rasulo le itakum Timatayo, jena tay al mahbob wa al ameen fi Rabana. Huwo be zekero itakum derib tai fi Al Massih, ze ma ana derisu humon fi kulu makan wa kulu kenisa. ¹⁸ Hasa juzu min itakum bega mutakabereen, humon gi amulu ze ka ano ana ma be ja le itakum. ¹⁹ Laken ana be ja le itakum gerib, iza kan Rabuna rudo. Yala ana ma bes be asuma kalam ta delin al mutakabereen, laken ana be ayno guwa tuomon. ²⁰ Leano molokut ta Allah ma be kalam laken be guwa. ²¹ Itakum dear yato? Kede ana ja le itakum ma sott wele muhaba wa ruhu al kowes?