¹ Wa ana, ya akwani, ma be akeder wunoso le itakum ze nas al ruhiyen, lakin ze nas l jesediyen, ze iyal al sukerin fi al massih. ² Ana kan akilu itakum leben, ma akil al guoyi, leano itakum kan ma jahizen; wa hata fi zaman al hasa itakum ma jahizen ³ Leano itakum lesa gi amulo hajat ta jesed. Iza kan fi gera wa hasada fi nus takum, itakum sai ma ge esh hasab hajat ta jesem, wa duru hasab fihem ta insan? ⁴ Iza kan wahe be kelim," Ana ma Bulis," wa tani," Ana ma Abollos," itakum sai ma be esh ze nas ta jesed? ⁵ Abollos huwo muno? Bulis huwo muno? Huwomon kudam al be wasat tuwomon itakum amen, al kulu wahed min huwomon Rabana wedel musoleya. ⁶ Ana zara, Abollos kubu moya, lakin Allah saido ashan be raba. ⁷ Ashan keda, la zol al zara wele de al kubu moya huwomon mohem . Laken Allah huwo yao wode ashan be raba. ⁸ Al zara wa al kubu moya huwomon wahed, wa kulu zol min huwomon belego ojura ta tuo hasab shokol ta tuo. ⁹ Leano nina kulu eshtakalen le Allah. Itakum zera ta Allah, buniyan ta Allah. ¹⁰ Hasab naem ta Allah al wede le ana ze zol al endo khebra ta abeno, ana kutu asas wa tani de ge abeno fugo. lakin kede kulu zol almolo hesab tuo kae huwo ge abeno. ¹¹ Ashan mafi zol be kutu asas tani ele wahed al kutu, al huwo, Yesua Al massih. ¹² Eza fi zol abeno fogo sasa de be dahab, fida, hujar al gali, khashab, aw gesh, ¹³ shokol ta tuo be zaher, leano fi yom dak be ja zaher. leano be zahero fi nar. Nar be jereo jawda ta shokol ta kulu wahed. ¹⁴ Kan shokul ta zol fadulu, huwo bi ligo ujura; ¹⁵ lakin kan shokul ta zol harago, huwo bi taab laki huwo bi nefsu bi kalisu, lakin be wasat nar. ¹⁶ Intum ma arufu inu intum bet ta Allah wa roho ta Allah be ish fi intum? ¹⁷ kan zol demiru bet ta Allah, Allah bi demiru zol de. Laano bet ta Allah huwo mukadaas, al huwo yau intum. ¹⁸ Kede zol ma kabasu nefsa tuo. Kan zol fi nus takum fekir huwo neget fi zamn de, kede huwo tala ''beled'' ashan huwo bi kun neget. ¹⁹ Laano neget ta dunia huwo balada le Allah. Laano maktub, ''Huwo bi gobodo humon fi shokul neget tuomon. ²⁰ ''wa tani mara Rabuna arufu gali fekir ta zol al neget huwo battel.'' ²¹ Ashan keda matakum dala ma nas! Laano kulu hajat huwo le itakum, ²² iza kan Bolis, aw Abollos, aw Butros, aw al alam, aw haya, aw mutu, aw hajat ta alela, aw hajat ta mustakbaal. Kulu hajat takum, ²³ wa itakum le Mesiiah, wa Mesiiah huwo Allah.