¹ Zaman ana jaa le itakum, ya akuana tai, ana ma jaa be kalam al nedif awo be hikma fi zaman al kan be weri hagiga ann Allah al kan ma beino le itakum. ² Leano ana aba ashan be arufo haja tani fi zaman ana fi nus takum ele Yesua Al massih, wa huwo al kan selibo. ³ Wa ana kan ma itakum fi zurof, wa fi houf, wa fi mashakil ketir. ⁴ Wa resala wa tebshier tai kan ma fugo kalam ta hikma. Lakin, kan be guwa wa musada ta Ruho, ⁵ ashan eman takum kede ma kun fi hikma ta insan, lakin fi guwa ta Allah. ⁶ Hassa anina be wunoso hikma fi nuss ta nas al kubar, lakin de ma hikmata dunia, awo ta hukam ta zaman de, al be kalasu. ⁷ Lakin, anna ge wunoso hikma ta Allah fi nus ta hagiga, hikma al duso Allah kan jahizu bederi le mejid ta nina. ⁸ Hikma al mafi ruwasa ta dunia arufo, leano iza kan huwmon arufo, huwmon kan ma selibu Rabuna ta mejid. ⁹ Lakin ze ma maktub," hajat al enna ma iyno, wele adana asuma, ma jaa fi fikra, al Allah jahizu le del al hedu huwo. ¹⁰ De hajat Allah beyno le nina bewasat ta Ruho. Leano Ruho be fetisu kulu haja, hata hajat al fi huwa Allah. ¹¹ Ashan muno be arufu fikra ta insa ele ruho ta insan nefsu? Kaman, mafi zol arufu hajat al fi juwa Allah ele Ruho ta Allah. ¹² Lakin anina ma lego ruho al fi dunia, lakin Ruho al min Allah, ashan anina be arufu hajat al wede le nina majani min Allah. ¹³ Anin be wunoso ann hajat fi dunia al hikma ta insan ma be akeder deriso, lakin haja al Ruho be deriso le nina. Ruho be tarjemo kelimat ta ruho bewasat hikma ruhiya. ¹⁴ Zol al ma ruhi ma be lego hajat ta Ruho ta Allah, ashan huwo ze haja beled le huwmon. Huwo ma be akeder arufo ashan huwmon ma indo ihsas ta ruho. ¹⁵ Huwo al wahed al be hukumo kulu hajat ruhiyan, lakin huwo ma be hakimu ma nas tanin." ¹⁶ Leano munu yao arufo fikra ta Rabuna, al huwo be akeder wodi le huwo tuojihat? " Lakin anina indu fikra ta Al Massih.