¹ Hasa ana ge zeker itakum, ya akwana, be injeel al ana weri le itakum, al itakum lego wa al itakum sabet fugo. ² Be wasat ta injeel khalisu itakum, iza itakum sabet guwei fi kalam al ana eshero le itakm, ele kan itakum ameen saket. ³ Leano ana wede le itakum ze al awel wa al muhem wa de al ana lego kaman: gali Massih mutu ashan khataya ta nina hasab ma fi kutub, ⁴ dofuno huwo, wa Allah gaumo huwo fi yom nemira talata hasab ma fi kutub. ⁵ Al Mssih zaher le Buturus, wa bad dak le itnashar; ⁶ bad dak huwo zaher le akter min khamsa alif akwana fi zaman wahid. Keter min humon lesa hay, laken baad min humon nom. ⁷ Kaman huwo zaher le Yakub, kaman le talamez kulu. ⁸ Aker ta tuo, huwo zaher le ana, ze le jena al weledo fi zaman al galad. ⁹ Ashan ana yao asgar rosul. Ana ma be istahik ashan be nade rasul ashan ana kan azedu kenesa ta Allah. ¹⁰ Laken be neima ta Allah ana bega ze ma itakum iyno, wa neima tuo al fugu ana ma sakit. Bedel de, ana yao ishtakal sheded min humon kulu. Wa de ma ana, laken de neima ta Allah al fi ma ana. ¹¹ Fi de kulu iza kan ana aw humon, yao anna besher wa yao itakum amin. ¹² Hasa iza kan be besheru Al Massih gom min mutu, kef guzu min itakum be kelimo gali mafi geyama ta amowat? ¹³ Wa iza mafi geyama ta amowat, be maana Massih ma gom; ¹⁴ wa iza Al Massih ma gom, manatu tebshir ta nina kalam sakit wa iman takum kaman kalam sakit. ¹⁵ Kaman, anna be kun shuhuden al kadaben ann Allah, leano anna ge wori shehada ne eno Allah gomo Yesua min mutuwa kalam de huwo ma amulu. ¹⁶ Leano iza geyama mafi, wa Al Massih ma gum; ¹⁷ wa iza Al Massih ma gomo, iman takum kalam sakit wa itakum lesa fi kateya. ¹⁸ Kaman delen al mutu fi Al Massih humon woduro. ¹⁹ Iza kan raja tanna fi Massih bes ashan haya de, anna yao akter nas al azu rahama. ²⁰ Lakin hasa Massih, huwo yao awel semar ta delen al mutu, al Allah yao gaumu huwo min mutu. ²¹ Leano kan mutu ja be wasat ta insan, kaman be wasat ta insan ja geyama ta amuwat. ²² Ashan fi adam nas kulu mutu, kaman fi al Massih kulu nas be hai. ²³ Lakin kulu wahid be rutba tuo: Massih, huwo yao awel semar, wa delen taba Massih humon be kun hai fi zaman al huwo be ja. ²⁴ Wa bad daak bekon nehaya ta alam, zaman huwo be selimu mamlaka le Allah al Abb, bad ma huwo wogifu kulu reasa wa kulu sulta wa guwa. ²⁵ Leano huwo lazim be geni melik lahadi huwo be kutu addu ta tuo kulu tehet kura tuo. ²⁶ Akhir addu al be demiru yao mutu. ²⁷ Fa ketab be kelim" Huwo kutu kulu haja tehet kura ta tuo." Lakin kan kelimo" Huwo kutu kulu haja," huwo wadeh be ino Allah ma fugu. ²⁸ Kan kulu haja bega fi iden ta tuo, bad daak al Ibn be nefsa ta tuo be kun tehet Allah al wodi kulu haja ashan be kun tehet ta tuo, ashan Allah be kun kulu haja fi kulu zaman. ²⁹ Kan geyama min mutu mafi, ze nas tanin be kelimo, be mana ino mafi daya le nas ashan be lego mamodeia bedel delin al mutu? ³⁰ Le anna be kutu nufus tanna fi khatar kulu zaman? ³¹ Kulu yom haya tai fi khatar! kede itakum arufu be ino huwo hagiga, leano itaum be arufu godor shono ana gi iftakhir be itakum, ashan haja al Massih Yesua Rabuna ta anna amplp le itakum. ³² Kan Allah ma be ja gaomo del al mutu, kan keda shakela tai ma haiwanat ta gaba al fi Afsus huwo khosara." Kede anna akulu wa ashrab, leano anna bukora be mutu." ³³ Kede ma kabasu itakum:" Doreia ma nas al batalin be karabo neia ta amolo haja al kowes." ³⁴ Fekir takum kuwas! ish takum adel! matakum istemir fi kateya. Ashan fi nas min itakum humon kalis ma indo marafa ta Allah. ana be kelimo ashan fadiya be gobodu itakum. ³⁵ Lakin fi tanin be kelimo" Delen al mutut kef humon be gum, wa humon bi tala be yato jesem?" ³⁶ Itakum beledin! haja al ita zara ma be bada gum ele kan mutu. ³⁷ Haja al ita zara ma yao jesem al tala, leano huwo kan bezra. Huwo be ja tala gemeh aw ai haja tani. ³⁸ Lakin Allah be wodi jesem al Huwo dero, wa le kulu bezra ma jesem tuo. ³⁹ Ma kulu jesem sawa. Fi shekil wahed le insan, wa fi ta haiwan, wa ta ter, wa ta samaga. ⁴⁰ Wa fi kaman jesem ta sam wa jesem ta ard. Lakin mejid ta jesem ta sam shekel tuo barao wa mejid ta al fi ard huwo barao. ⁴¹ Fi mejid wahed ta shames, wa mejid tani ta gamara, mejid tani ta nejum. Wa kulu nejema mejid tuo barao min tani. ⁴² Kaman fi geyama ta amwat. Al gi dufuno be mutu, lakin al be gumo ma gi mutu tani. ⁴³ Be zarao ma mumajad , be gum mumajad. bi zarao deif, bi gum be gowa. ⁴⁴ Bi zarao jesem adi; bi gum jesem ruhi. Kan fi jesem adi; kaman fi jesem ruhi. ⁴⁵ Kaman katebu, " Insan al awel Adam bega jesem hai." Lakin Adam al akher huwo ruh al gi wodi haya. ⁴⁶ Lakin al ruhi ma ja awel lakin al ...tabeie...wa bad daak al ruho. ⁴⁷ Insan al awel min ard wa salao min turab. Insan al tani min sama. ⁴⁸ Kulu del al salao min turab humon ze Adam, huwo yao al salao min turab, wa kulu del al tabe le sama humon ze Massih, insan al min sama. ⁴⁹ Ze ma weledo anna fi shekel ta insan al min turab, anna kaman be shelo sura ta insan ta sama. ⁵⁰ Hasa ana be kelimo, akhwani, jesem wa dom ma be wariso mookut ta Allah. Wele del al be kalasu be wariso al ma be kalasu. ⁵¹ Asoma! Ana gi wori le itakum sir: Anna kulu ma be mutu, lakin anna kulu be gairu. ⁵² Anna be gero fi lahza, fi ramsha ta ina, fi akhir kore ta buruji. Leano buruji be kore, wa nas al mutu be gum be shekel al ma be karabu, wa anna be gero. ⁵³ Ashan jesem al be karabu lazem be lebeso al ma be karabu, wa al indu nehaya be lebeso al ma indu nehaya. ⁵⁴ Fi zaman jesem al bekarado lebesu al ma be karabo, wa al indo nehaya lebeso al ma indo nehaya, bad daak be temo kalam al katebo," Mutu abulao ma nusra." ⁵⁵ "Mutu, weno nusra taki? Mutu, weno shuk taki?" ⁵⁶ Shuk ta mutu yao kateya, wa guwa ta kateya yao ganun ta Rabana. ⁵⁷ Lakin shukuran le Allah, huwo wode le anna nusra be wasat ta Rabana Yesua al Massih! ⁵⁸ Ashan keda akwana tai al mahbuben, wogif takum guwe wa ma mujahjehen. Ishakal takum daiman le Rabana be neya, ashan itakum arufu shokul takum fi Raban ma kusara.