¹ Iza kan ana gi wonosu kulu lugat ta nas wa ta malaika. Lakin ana ma indo muhaba, ana be kun ze jeres aw ter al gi kore. ² Law ana indo maoheba ta nubua wa fahemu kulu asrar wa kulu marafa, wa ana indo kulu iman ashan be hariku jebal. Lakin ana ma indo muhaba, ana kalam sakit. ³ Iza kan ana wodi kulu hajat al ana indo le akel ta masakin , wa ana wodi jessim tai ashan be haragu. Lakin ana ma indo muhaba, ana ma indo fayda ⁴ Muhaba indo subur wa kwais. Muhaba ma bi hasido wa arufa nefsa. ⁵ Ma indo takabur. Wala bi jere wara maslaha ta tuo. Ma be zalan guwam, wele bi hafizo kalamat al fi geliba. ⁶ Ma bi tala farahan fi haja al batal. Lakin bi afrah fi kalam al hagiga. ⁷ Muhab bi kati kulu haja, sedegg kulu haja, daaymen indo raja, wa bi ithamal kulu haja. ⁸ Muhaba ma indo nihaya. Kan fi mawhiba ta nubuwa, hwuo be kalaso. Kan fi ta alsina, bi gata. Kan fi mawhiba ta maarafa, bi kalaso. ⁹ Leano anna arufu juzu wa nubuwa tanna juzu. ¹⁰ Lakin kan al kamil ja, de al ma kamil bi shelu bara. ¹¹ Zaman ana jena, ana gi wonosu ze jena, fekir ze jena, itsaraf ze jena. Lakin zaman ana bega kebir, ana sebu amulu hajat ta iyal sukerin. ¹² Fa hajat de anna gi ayno ze fi miraya ger mubashir, lakin zaman bi ja ta wosa be wosa. Hasa ana arufu juzu, lakin baad daak bi ja zaman ana be arufu huwo kamil, ,ze ma Huwo arufu ana kamil. ¹³ Lakin has talata de yao be fadolu: iman, rajaa, wa muhaba. Lakin kebeer ta tumon yao muhaba.