¹ Ana ma dero kede duso min itakum, ya akwani, be ino abuhata ta anna humon kulu kan tehet sehab wa humon kulu kan gata bahar. ² Amedu humon kulu taba Musa fi sehab wa fi bahar, ³ wa humon kulu akulu akel raohi wahid. ⁴ Humon kulu ashrab shrab raohi wahid. Fa humon kan ashrab min hajer raohi al kan gi ruwa wara humon, wa hajer de kan Massih. ⁵ Lakin Allah kan ma murtah be keter min humon, wa sheteto jusas ta tumon fi beriya. ⁶ Hasa hajat de mesal le nina, ashan kede enna ma fetesu wara hajat al batal ze ma humon mulu. ⁷ Matakom abedo asnam, ze ma kan baad min humon gi amulu. Ze ma katebu," Shaab humon geni tehet ashan be akulu wa ashrab, wa huon gum fok le leeb." ⁸ Kede enna ma amulu zena, ze ma keter min humon amulu. Fi yom wahid, itnen wa talatin alf nas mutut be sabab ta tuo. ⁹ Wele kaman jerebu Massih, ze ma keter min humon amulu wa demero humon be dabayb. ¹⁰ Kaman kede itakum ma negneg, ze keter min humon amulu wa kan demero humon ma malika ta mutu. ¹¹ Hajat de hasel le humon ze mesal le enna. Katebo ashan be anzeru enna - enna awkat al nehaya ja le enna. ¹² Ashan keda ai zol al be fekir gali huwo sabit kede huwo amulu hesab ta tuo gali kede huwo ma waga. ¹³ Kulu tajarub al gi ja le itakum de ta bashar. Lakin Allah amen. Huwo ma be sebu jeribo itakum aktar min guwa takum. Ma kulu tejriba huwo be jahizu teriga al itakum be akder tala min fugu, ashan itakum be akede ithamal tejriba. ¹⁴ Ashan keda, nas tai al ana hibu, jere takum bead min abedo asnam. ¹⁵ Ana gi wonuso le itakum ze nas al indo marafa, ashan itakum be hakemo haja al ana kelimo. ¹⁶ Kubaya ta baraka al enna be bariku, huwo yao ma sherika fi dom ta Massih? Eash al enna be bariku, huwo yao ma sherika fi jesem ta Massih? ¹⁷ Leano fi wahid eash al kasuru,enna al keterin bega jesem wahid. enna kulu shelu wahid geta ta eash al kasuru sawa. ¹⁸ Aino talum le nas Israel. Delin al be akulu zabayh humonm ma yao be sharik fi terbeza? ¹⁹ Ana gasid shuno? Be ino snam ma indo kema? Aw akel al be gedemo le sanam indo kema? ²⁰ Lakin ana be kelimo fi hajat al wasanieen gi daba, humon gi gedimo le sheyatin wa ma le Allah. Ana ma der itakum be ishtarik ma shayateen. ²¹ Itakum ma be akeder ashrab kubaya ta Rabana wa kubaya ta shayateen. Itakum ma b akeder ishtariku fi terbeza ta Rabana wa terbeza ta shayateen. ²² Wele anna be fetesu gera ta Rabana? Hal anna indu guwa futu Huwo? ²³ Kulu haja halal." lakun ma kulu haja be anfa." Kulu haja halal," lakin ma kulu haja be abino. ²⁴ Kulu zol kede ma aino wara maslaha ta tuo. Lakin le maslaha zol al tani. ²⁵ Itakum be akedr akulu kulu haja al gi beyo fi suk, bedon suaal al be kutu demir taki be geni ma murtah. ²⁶ Leano" ared wa kulu haja al fugu ta Rabana." ²⁷ Kan fi zol al ma mumin nadi ita le akulu laham, wa ita indu neya shan be ruwa, akulu ai haja al gedemu le ita bedon suaal al be kutu demir taki be geni ma murtah. ²⁸ Lakin kan fi zol kelimo le ita," Haja de gedemo zebeha le ilah," mata akulu, ashan zol al wori le ita, wa le raha ta demir. ²⁹ An gasid demir ta zol al wori le ita, ma ta taki. Leano malu hureya tai be hakemo ma demir ta zol tani? ³⁰ Kan ana wodi shukur le Allah ashan akel, malu nas gi wonusu batal ann ana fi haja al ana wodi shukuran fugu? ³¹ Ashan keda, kan itakum gi akulu aw ashrab aw gi amolu ai haja, amolu takum le mejed ta Allah. ³² Matakum kutu hajer fi gedam ta Yahudeen aw le Yonaneen, aw le kenisa ta Allah. ³³ Ana gi hawel ashan be ardi kulu nas fi kulu hajat. Ana ma be fetisu maslaha tai, lakin ta nas kulu. Ana gi amulu ze de ashan humon be legu kulasa.