¹ De keshif ta ruasa ta aela shaab Israel, kada ta alaf wa miat, Kaman dubat ta jeish al bi akdim melik be turuk muktelifa. Ayi gism ta jesih bi akdim shahar baad ahahar lahadi nihaya ta sena. Ayi gism indu arba wa ishirin alf rajil. ² Zol al mosoul le gism ta shahar al awel kan joshabem weled ta zebsiel. Fi gism bitowo kan arba wa ishirin rajul. ³ Huwo kan wahid min usur ta perez wa mosoul le kulu dubat ta jesih fi gism al awel. ⁴ Al mosoul le gism ta ashahar al tani kan Dodai, min ashir al ja min Ahoa. Miklot kan fi rutba al tani, fi gism bitowo kan fi arba wa ishirin alf rajul. ⁵ Kaed ta jeish fi shahar nimira talata kan Benaia weled ta jahoiada, al gesis wa kaed fi gism bitowo kan fi arba wa sihirin alf rajul. ⁶ De benaia al kan kaed ta teletin, wa fok teletin. Ammizabad weled towo kan fi gism towo. ⁷ Kaed ta jesih fi shahar nimira arba kan asael aku ta joab, zebadia weled bitowo kan biga kaed baad huwo. Fi gism towo kan indu arba wa ishirin alf rajul. ⁸ Kaed ta shahar nimira kamsa kan shamhut, min usra ta izra, fi gism towo kan indu arba wa ishirin alf rajul. ⁹ Kaed ta shahar nimira sita kan ira weled ta ikkesh, min tekoa, fi gism towo kan indu arba wa ishirin rajul. ¹⁰ Kaed ta shahar nimira saba kan helez al boloni, min nas ta Ephraim. Fi gism towo kan indu arba wa ishirin rajul. ¹¹ Kaed ta shahar nimira tamania kan sibbekia al min hushati, min ashir al tala min zera, fi gism birowo kan indu arba wa ishirin alf rajul. ¹² Kaed ta shahar nimira tisa kan abiezer ta anathoti, min gebila ta Benjamin. Fi gism towo kan indu arba wa ishirin alf rajul. ¹³ Kaed ta shahar nimira ashara kan maharani min medina ta netopa, min ashira al ja min zera. Fi gism bi towo kan indu arba wa ishirin rajul. ¹⁴ Kaed ta shahar nimira hidashar kan benaia min medina ta piraton, min gebila ta efraim. Fi gism bitowo kan indu arba wa shirin alf rajul. ¹⁵ Kaed ta ahahar nimira etnashar kan heldai min medina ta netopa, min ashira al ja min othniel, fi gism bitowo kan indu arba wa ishirin rajul. ¹⁶ Del yau kan kiyadat ta gabael ta Israel; le gebila ta Rauben, Eliezer weled zichri kan reis. Le gebila ta simeon, shephatia weled ta maaka kan reis. ¹⁷ Le gebila ta lawi, hashabia weled ta kemuel kan reis, wa zadok kan kud usura ta Harun. ¹⁸ Le gebila ta yahuza, elihu, wahid min akwana ta daud, huwo kan reis. Le gebila ta isakar, omri weled ta Michael kan reis. ¹⁹ Le gebila ta zabulun, ishmaia weled ta obadia kan reis. Le gebila ta naftali, jerimot weled ta azriel kan reis. ²⁰ Le gebila ta ta efraem, hosha weled ta azazia kan reis. Le nus gebila ta manasi, joel weled ta pedaia kan reis. ²¹ Le nus gebila ta manasi fi gilad, iddo weled ta zachariya kan reis. Le gebila ta benyamin, jaasiel weled ta abner kan reis. ²² Le gebila ta Dan, Azrael weled ta jeroham kan reis, de yau kan ruasa ta gabael ta Israel. ²³ Daud kan ma hashibu del al umur tomon min ishirin sena le tehet, ashan yahwa kan waadu bizidu adad ta Israel ze nujum fi sama. ²⁴ Joab weled ta zeruia kan bad idu nas, lakin kan ma kalasu. Zalan kan waga fogo Israel le kalam da. Adad de kan ma katibu fi akbar ta ayom ta melik Daud. ²⁵ Azmauet weled ta Adiel kan mosoul le kazaen ta melik. Jonothan weled ta uzzia kan mosoul ta makazin fi mazari, fi mudun, wa fi kura, wa fi abraj ta taamin. ²⁶ Ezri weled ta kelub kan mosoul le muzarein, ma del al kan bi kuruju wata. ²⁷ Shemei al Ramati kan mosoul le mazra ta karma, wa zabdi al shipphmr kan mosoul le simar ta teen wa mashak ta kamr. ²⁸ Baal – Hana min Jeder kan mosoul le asjar ta zeitun wa ta sikamor al kan fi aradi al tehet, wa mosoul ta makazin ta zeit kan Joash. ²⁹ Al mosoul le hawasha ta haywanat al fi Sharon kan shitrai min Sharon, wa mosoul ta hawasha ta hyiwanat al fi wadiyan kan shaphat weled ta Adlai. ³⁰ Mosoul ta jimal kan abil al al ismaili, wa mosoul ta hamir abu nusuan kan Jehdeia min meronot. ³¹ Jaziz al hagriti kan mosoul le abgar. Kulu mouzifin del kan mosoulin le momtalakat ta melik Daud. ³² Yonatan, kal ta Daud kan mushir mostashar, zema huwo kan raji hakim wa katib. Jeniel weled ta Hakmani kan gi ayinu wa awolad ta melik. ³³ Ahithophel kan mastashar ta melik, wa Hushai min nas ta arkit kan mostashar al kas ta melik. ³⁴ Mansab ta Ahithophel kan wodi le Jehoiada weled ta Benaia, wa Kaman ma Abiathar, Joab kan kaed ta Jeish ta melik.