¹ A mbuɗkǝnes, zarsǝ monnda tǝ tayi jwaamshi, tǝ ta yir ngǝtn cighǝn ɗaŋ ta ci hŋ. Yesu ta cim mǝri dǝnwos wulshi tu, ² ''mya yel gwanɗǝ zarsǝn nǝ duryo tu, ta ngalei tǝ myan nǝkǝ mbuɗkǝn mayi ghǝnin taa ci ngǝtn hŋ. ³ Ǝŋ myaa wulshi tu tǝ tlii dǝn ɗaŋ taa ci hŋ, taa tlǝn naai a datǝpm, gya gon wasǝŋ tǝ dlapmɗi ɗonghai.'' ⁴ Mǝri dǝnwos tǝ suɗa tu, ''ɗo ǝnnda ma tu dugnngai monnda a ndǝǝri gin ɗaŋ wo kǝǝmvzarsǝ yo?'' ⁵ Ɗugn wuri ǝŋ kǝ yiire? ''ceɗ shi, tǝ wul tu, ''wattsǝmai'' ⁶ A caa gutuli zarshes tǝ tsǝtnni yatl. She mbi dugn wattsǝmayeshi, a nyar ghai, she tsaalishi washi a vǝr mǝri dǝn wos tǝǝ ɓǝǝl shi mǝn,tǝǝ taa ɓǝǝl zarshes mǝn. ⁷ Tǝ ta man yir gyaas njwaan saɗɗaɗa ɗa kaari ata nyarghai, ndǝr caa mǝri dǝnes ghai ɗa ɗa. ⁸ Ɗaŋ tǝ ci kǝmshi , tǝ ta ɗa ngersaŋshes ɗaŋ tǝ ta naa,hal buŋli varaŋshi wattsǝmai. ⁹ Tǝ ta yi zarsǝ zaŋngu wuɓsǝ Ɗadan a ta gǝm shi wasǝŋǝi. ¹⁰ Swaaɗ ata ndai gha zhirgi zha tǝ mǝri dǝn wos, tǝ ta tlii ŋaa yatl kǝ Dalmanuta. ¹¹ Ɗaŋ farisawa tǝ nywalɗi, she tǝ taa nda sughǝɗkǝn yer tǝ yani.Tǝ taa ya ŋaal tu tǝ giɗ shi ngǝtnwon ɗaŋ yi gami dur yo tu tǝ diiɓ tǝ. ¹² A ta sǝǝ a zhipti wos she wul shi tu, ''ni caa usuli gin caa ŋaal tǝ shi ngǝtnwane? Ngǝtn won ɗaŋ ta giɗ usuli gin hŋ, mya fuuvki naa jom-jomnin.'' ¹³ Ɗani ata gashi wasǝŋǝi, man ndai gha zhirgi zhes ɗa, tlii ate laŋshi gǝrǝŋ zhes. ¹⁴ Ɗaŋnin, laa mal mǝri dǝnwoshes a mbighǝn dugn.Dugn yo ɗaŋ tǝ tavyyir ɗa giɓ zhirgi zhes ta latsǝ namboŋ hŋ. ¹⁵ A sǝǝɗ shi vii a wul tu, ''ɗaŋnin ɗa nǝ yisti farisawa tǝ kə Hiridushi.'' ¹⁶ Mǝri dǝnwos tǝ ta nda wulghǝn vii tǝ dlǝŋsǝ wasǝŋ, ''mǝ yir bdugn hŋ ǝŋ a caa.'' ¹⁷ Yesu ata wulshi tu, ''ni a caa kya wul vii tǝ dlǝŋsǝ wan a dulgam dugn ɗaŋ kǝ yir hŋe? hal ɗaŋnin ka yisǝŋ hŋaa? Hal ɗaŋnin kii tǝ yisǝŋngǝn hŋaan? ngǝrshi diɓ ki raa mǝni yaan? ¹⁸ Ki tǝ yir, kyaa yaal hŋaa? ki tǝ kǝǝm kya wum hŋaa? kya mbital ki hŋaa.? ¹⁹ kili yo ɗaŋ mǝ ta tsal dugn nandam a giɓ zarsǝ zaŋngu nandam, kǝ nyom ngyersaŋshi buŋli-buŋli wuri?'' tǝwul tu,dzuɓ tliti mbǝtlǝŋ.'' ²⁰ Ɗaŋ mǝ ta tsal dugn wattsǝmai a giɓ zarsǝ zaŋngu wuɓsǝ, kǝ ta nyom ngyersaŋshes buŋli wuri? tǝ ta wul tu, '' wattsǝmai.'' ²¹ A ta wul shi tu, ''hal ɗaŋni kǝ yisǝŋ hŋaa?'' ²² Tǝ man Betseda. zarsǝ ɗanes tǝ ta lǝǝr tǝ dwaan won mǝnɗi tǝ rata Yesu tǝ tintǝ. ²³ Yesu ta ngaɓ dwaaneshi a taas, nyolar ti ɗa ŋaa yatles. Kili yo ɗaŋ a pyatsǝ nyognvi a yir wos she ga taas ɓastǝ, ceɗ tǝ tu, ''kya yel ngǝtiya?'' ²⁴ A yal gami, wul tu, ''mya yel zarsǝ caa yaal ɗaŋ tu nǝ gwas cagha righǝn'' ²⁵ A man gaa tǝ taas man a yir ɗa, mures tavɗǝrǝ rir woshi, yaal ghǝn wos ta sutǝɗi, a ta yel koni taŋ-taŋ. ²⁶ Kyaɗ Yesu ta gaatǝ tǝ tli ɗa tǝ dǝn wos wultu, ''Ɓak nda giɓ yatli hŋ.'' ²⁷ Yesu tǝ mǝri dǝn wos tǝ ta ndai mǝri yatl Kaisariya kǝ filibi. A datǝpm a ta ceɗ mǝri dǝn wos, ''zarsǝ caa wul tu ''mini nuu?'' ²⁸ Tǝ ta suɗa tu, ''Yohanna murghǝ baɓtima. gya gon tǝ wul tu, ''Iliya, gya gon ɗa tu, nǝ nambŋ a giɓ kǝ mǝn shinngǝn Cogn.'' ²⁹ A ceɗ shi tu, ''kyaani kya wul bgwan tu minǝ nuu? Biturus wul tu, ''kyan ǝŋ ki Ɓorghǝn kǝ Cogn. ³⁰ Yesu ta caa shi yir tu, ''ɓak tǝ fuu gon a dulgashi hŋ. ³¹ A ta ndashi kuɓarghǝn tu yi ciɓ ŋaa zaar tǝ tlyaa forǝm aa ngǝtn monnda, mǝn varaŋsǝ yatl tǝ mǝnvaraŋsǝ yisǝŋngǝn ngǝtn ɗaŋ Musa dlyaaɗ ta nyaŋngas tǝ, ta ɗuti, tǝ mbuɗkǝn mayi wo shishi. ³² A kon gin gǝri-gǝri. She Biturus jalaati a laŋshi she motsartǝ. ³³ Beɗ tǝ gi Yesu yal mǝri dǝn wos gha ndǝr caa yir Biturus tu, ''ɓǝǝlghǝ tǝ myaan Shetan! kyaa gaa raa a ngǝtn yo ɗaŋ cinǝ kǝ Cogn hŋ, beɗ tǝ gii she ngǝtn yo ɗaŋ nǝghǝ zarsǝ. ³⁴ '' Ɗaŋni a ciim zarsǝ tǝ mǝri dǝnwos a lǝɓ namboŋ wulshi tu, ''ɓuruk gyo ɗaŋ caa suu tǝ laaɓm, a na ciɓ tǝ nyaŋngas gamas, tǝ mbi ghǝmbǝli woshi tǝ laaɓm. ³⁵ Nǝ dur yo tu ɓuruk muryo ɗaŋ caa suu tǝ gaa raa woshi nǝ durghǝ myan tǝ vii wusni, wo ga tǝ ni. ³⁶ Nǝ mbuni nii ghǝn tǝ zaare ǝŋ ya tu ɓuruk dǝŋǝi a bamvi raa wosei? ³⁷ Nǝ nii ghǝn zaar wo vǝr a bamvi raa wosei? ³⁸ Ɓuruk gyo ɗaŋ yaa ci ndzutatn tǝ vetn a usuli kǝ mbǝllǝ gin nǝ yuŋngǝn tǝ kusǝŋsǝ ngǝtn, ŋaa zaar wo ci ndzuun wos a kili yo ɗaŋ yaa man tǝ zhimghǝn Daagos tǝ kǝ gya zhipti mǝn shinngǝn wos!''