¹ Farisawa tǝ jwaamshi a Yesu tǝ gya mǝn dlyaɗkǝn tǝ dlamɗi Urshelima ² She tǝ yel tu mǝrighǝ dǝn Yesu caa cighǝn duŋ taas nǝ mǝki, tu taa coɓ taas hŋ. ³ (Dur yo tu Farisawa tǝ Yahudawa ɗeɓaɗ caa cii ngǝtn cighǝn hŋ she caa coɓ taashi mbun-mbun nǝ dur yo tu caa ɗakɗ nǝ ngǝtn yo ɗaŋ mǝnvaraŋsǝ wasǝŋ caa fi. ⁴ Yan Farisawa caa dlapmɗi kasuwa, ana ciɓ tǝ coɓ shi washi ǝnnda tǝ ci ngǝtn cighǝn. Ngǝtn ghǝ fighǝni gya gon ɗaŋ caa ɗyaar shi,ɗaŋ gya copkǝn koɗ-zhak tlyaghǝn, shaŋndi, tǝ gya koɗ tǝ vin cighǝn ngǝtn cighǝn.) ⁶ Beɗ tǝ gi a wul shi tu,'' Ishaya ɓanndǝŋ a yi wul vi nǝ dur ryaghǝn lǝɓ wasǝŋ, ata dyaaɗ ɗa tu mǝnin caa luu mǝni a vi. Beɗ tǝ gi raa wasǝŋ yi di ɗoŋghai tǝ myani. ⁷ Mbuughǝni ɓemmi ghǝ caa fimmǝn, caa giɗ nǝ ni zarsǝ. ⁸ Kaa ungǝtn yo ɗaŋ Cogn kon kǝ ɗlai kǝ ngaɓ kǝ zarsǝiv'' ⁹ A ndǝr wulshi tu, ka ci tǝ nyangas kǝn mborki Cogn tǝ gaa kǝ zarsǝi! ¹⁰ Musa ndǝr wul tu, 'luun mǝn ɓwaghǝniwan, hal gyo ɗaŋ yaver dagos tǝ nagos wo mǝs nǝ ni shaŋtaŋ.' ¹¹ Beɗ tǝ gi ǝŋ zaar ya wul mǝn ɓwaghǝn wos tu, ɗyaɓaɗ ngǝtn yo ɗaŋ a ndara a tu was nǝ gaaghǝni ''(tu ma vǝr Cogn von)'' ¹² Nǝ durghǝ gi kaa vǝr tǝ dǝl tǝ fi kuskǝ ngǝtn mən ɓwaghən wos mən hŋ. ¹³ Kǝ sular mborki Cogn a bamvi ngətn won hŋ, nə durghə ngər yo ɗaŋ kə vəshi. yan a caa kya fii ngərshi gya gon monnda cik.'' ¹⁴ A ndǝr wul mǝnes ɗaŋ tǝ jwaamshi tu, ''sǝn kǝǝm ɓasǝm a wumi, Ngǝtn yo ɗaŋ yi ɓədlǝŋ ɗaŋ ya nda zaar wo ngaɓ tǝ malari hŋ. ¹⁵ Nǝ ngǝtn ɗaŋ caa nyolɗi a vi zaar ǝŋ malar tǝ. ¹⁶ Mur ghǝ wumngǝn kǝǝm tǝ wumi.'' ¹⁷ Ɗaŋ Yesu galǝɓ jwaamngǝneshi, a ndai dǝn ,mǝri dǝn wos tǝ ceɗ tǝ tu, tǝ fuushi gaam ves. ¹⁸ She Yesu wulshi tu, ''kya yisǝŋ gwan ngǝtn won hŋaa? kaa yisǝŋ tu ngǝtn yo ɗaŋ caa nda a zaar yani ǝŋ caa malar tǝ hŋaa! ¹⁹ Nǝ dur yo tu a nda a giɓ raawos hŋ, beɗ tǝ gi a nɗani a vwa wos a nyintii ɗi.'' Tǝ vi gin, Yesu sular ngǝtn cighǝn ndarara ɗeɓaɗ ²⁰ A nǝr wul ngǝtn yo ɗaŋ yi gha giɓ raa zaar yani ǝŋ caa tǝ. ²¹ Nǝ dur yo tu ngǝtn yo ɗaŋ yi a zaar yi ɗi a giɓ raa wos, kusǝŋsǝ gya ɓitalghǝn mari -mari mblǝllǝ, mǝǝr, ɗuughǝn zaar, ²² ngalghǝn guɗi tǝ mǝn monci, ginɗǝ, kuskǝ raa mbitǝ gaam,kashi caaghǝn vi. ²³ Ɗeɓaɗ ngǝtn kushi gya gin caa nywalɗi a giɓ kǝ raa ǝnnda caa malar zaar. ²⁴ ̀Ɗaŋ a shishi ɗuun she a tli ce Taya tǝ Sidon.A ndai dǝnwon tu tǝ ca suu gon tǝ yisǝŋ lǝɓ yi ɗaŋ ci ghai hŋ, beɗ tǝ gi a dya waɗ tǝ hŋ. ²⁵ Beɗ tǝ gi gǝɗwon ɗaŋ mǝnɗǝ a nda nyiwos a wum dur Yesu she a man kyaɗ man zuɓni a ken wos. ²⁶ Gǝɗes ŋaa mǝn Girka a yatl Fomishiya. A kara tǝ tu tǝ nyolar mǝnɗǝŋǝi ɗaŋ caa vuu raa nyi woshi mǝn. ²⁷ She a wul gǝɗes tu, ''gayi tǝ vǝr ngǝtn cighǝn mǝri gham. Nǝ ngǝtn yo tu a ndara tǝ vǝr ngǝtn cighǝn yo ɗaŋ nǝ kǝ mǝri kaɗaŋshi hŋ.'' ²⁸ Gǝɗes sutǝɗa tu, ''yi cik daa dǝn. Kaɗaŋshi ta cini nghǝtn cighǝn yo ɗaŋ caa vunɗa ɗi mǝri ǝŋ. ²⁹ A wul tǝ tu, ''ɗaŋ wul cighǝi, ka ɗya ka tlǝi nǝ yo mǝnɗes a gǝm nyi wai.'' ³⁰ Ɗaŋ a sutǝ dǝn a tleŋ tu nyes a mbuɗkǝn a danndi, mǝndes a nyoli a nyes ³¹ She a sutǝ nyoliɗi ɗa giɓ yatl kǝ Taya a kǝnɗi yatl kǝ Sidon te dǝllǝ zyak Galilii a te yatl kǝ Dikafolis. ³² Tǝ lǝǝr tǝ bǝnndǝŋ mǝnɗi ɗaŋ caa wul vi hŋ, tǝ kara tǝ tu tǝ gaa taas ɓastǝ. ³³ She a nyolar tə ɗi a dlǝk zarsǝ a laŋshi, ɗaŋ a pyatsǝ nyogn she mbi taas tintǝ kǝǝm tǝ risǝŋ wos mǝn ghai. ³⁴ A yal gami, a sǝǝ a wultǝ tu, ''Ifatha'' yan ci tu ''ɗǝrǝi!'' ³⁵ Ɗa ɗani kyaɗ a sular tǝ wumngǝn kǝǝm wos mǝni, ngǝtn yo ɗaŋ a kaaɓ tǝ risǝŋ mǝni gǝmtii ngaɓ wulghǝn vi ndarara. ³⁶ Yesu ca shi yir tu, tǝǝ fuu gon hŋ. Beɗ tǝ caghǝn yir yo ɗaŋ a ca shi ca ndǝr tǝ fuu zarsǝ ko ɗo. ³⁷ Ci ɓashi kwassarghǝn tu, a fi ngǝtn monnda ɗaŋ yi ndarara, a caa bǝnɗǝŋ caa wum kǝǝmi, mǝn yo ɗaŋ caa wul vi hŋ, caa wulghǝn vi