¹ A ga yatli gi a tli ɗatǝ yatl mǝǝri dǝn wos tǝ ta labtǝ. ² A kili gi ɗaŋ dzaŋ wolgi ta tuliɗi a ta nɗai viin ladi Yahudawa, nǝ durghǝ tu tǝ gid zaarsǝ ghai .Zarsǝ monɗa ɗaŋ tǝ wum ɗaŋ ca gid zaarsǝ ghai she akosarshis .Ci nɗǝr tǝ wul tu , "A tu kuub nghǝn gin ɗo?" " A tu yisǝnghǝn gin di te ɗo?" " Nǝ yisǝnghǝn yo ǝnghǝn cogn vertǝ cigyoz?" Nǝ nghǝn ghǝ kosar ghǝn yo nghǝn ca fi cigyo?" ³ Gini nǝ kuni Maryamui mǝrghǝ datkin viin ɗan cini yeskǝ Yakubu tǝ waachi Yosi tǝ Saminu hŋaan? A wusuŋ shi mǝna raa hŋ nǝ durghǝ Yesu. ⁴ She Yesu wul shi tu,"Mǝrghǝ shinghǝn ca yi tu luughǝn ɗatǝ dǝn tǝ yatl wos tǝ zaarsǝ wos hŋ. ⁵ A ta ya ɗya fi nghǝn kosarghǝn won ɗa hŋ.She tǝ ta ga taas a zaarsǝ njwaatn tǝ fud shi wa shi. ⁶ A na ni nghǝn kosarghǝn ɗan ca raa ɓastǝ hŋ. She a tli a mǝǝri yatl ǝn ɗa yi kuɓarshi. ⁷ She a ciim mǝǝri dǝn woshi dzub tliti mbǝlǝn ǝi a shinshi mbǝlǝŋ-mbǝlǝŋ a vershi varte a gaam kusǝŋsǝ mǝndǝŋsǝ, ⁸ a ndǝr fushi tu ɓak nǝ nghǝrwon nǝghe righǝn wan hŋ she shirǝŋ. Gon tǝ ɓi duuŋ hŋ tǝ taraŋ tǝ wurɓa a dliwos. ⁹ Bed tǝ gi caa kwate a caa luu mbǝtlǝŋ hŋ. ¹⁰ A wul shi tu, "Dǝn yo ɗaŋ kya nɗa ai tsǝɗǝn ɗa ɗan hal dzaŋ yo ɗaŋ ka dǝnes. ¹¹ Ɓuruk yatl daŋ kya tlǝ in ya kabki hŋ posǝn gudgud yasǝn wani tǝ gid tu ka ga yatleshi."ƙ ¹² She tǝ ta tlii ci yi ŋalar vik cogn zaarsǝ mǝn ci wul tu gaan kusǝŋsǝ nghǝn wani. ¹³ Tǝ nyolar gya mǝndǝŋsǝ monda ci nɗǝr ciyi ɓorshi miir mǝn tǝ fudshi wasǝŋsei. ¹⁴ Gung a wum vii gini nǝ duryo tu Yesu cini muryo ɗaŋ ta yisǝŋ ti ɓuruk ɗa lǝǝɓes. Gya gon ca wul tu nǝ ."Yohanna mǝrghǝ fighǝn babtismai ǝn ghǝn a shi shi a mǝn mǝsskǝn ca fi nghǝngh kwasarghǝn gi a bamvi wos. ¹⁵ "Gya gon ca wul tu ,"Nǝ Iliya " Saɗɗa gya gon ca wul tu nǝ namboŋ gon ɗaŋ nǝ mǝrghǝ shinghǝn cogn ɗaŋ a ta yi." ¹⁶ A kili gyo ɗaŋ gung Hiridus wum gi a wul tu, Yohanna gyo ɗaŋ ma dzak tǝ gaam mǝni a ǝŋ shishi." ¹⁷ Nǝ durghǝ yo ɗaŋ Hiridus a ta nghab Yohanna yetl jarum nǝ durghǝ Hirodiya gǝǝɗi kundashi Filibus. ¹⁸ Durghǝ yo tu Yohanna a fu Hiridus tu. " A nɗaraŋ gon tǝ kab gǝǝdi yeshi hŋ." ¹⁹ She Hirodiya a ta naɗɗi ɗa rai tu wo ɗuu Yohannai, bed tǝ gi a ta fi tǝ nghǝn won hŋ, ²⁰ yi tu Hiridus ca wum Yohanna .Yan ci a yisǝnghǝn tu Yohanna nǝ zaar mɓuni tǝ ɗzikǝn nǝ durghǝ gi Hiridus a su nghǝn won tǝ tu Yohanna hŋ, raa wos caa yi marai ǝŋ ya wum Yohanna ɗaŋ ca fushi vik cogn.Bed tǝ gi caa yi sǝǝ kǝǝm tǝ polghǝni tǝ wum tǝ. ²¹ Bed tǝ gi Hirodiya a tu dǝǝl woni ɗaŋ wo fi nghǝr won ɗaŋ ca su tǝ fi.A kili yo ɗaŋ ca ɓital nǝ dzaŋ ɓwaghǝn wos ǝn Hiridus a ga belak wos kai nǝ durghǝ yo tu mǝn varaŋsǝ yo ɗaŋ ca fi laa a balgham wos mǝn tǝ mǝn varaŋsǝ gya gon ɗaŋ ci gib Galili. ²² Nyi ghǝ Hirodiya a washi dlar mǝn, dlares pol gung Hiridus kai tǝ sǝmbǝrs wos .She gung wul nyes tu, "Ced ɓuruk ɗaŋ kya su ma fighǝ mǝn." ²³ Yi tu ma ŋaas puus tu nghǝrwon ɗaŋ kya cet mavǝrghǝ , ǝn yan tu kya sun kumɓe ghǝ guuŋdatn." ²⁴ She nyes ta nyoli sǝǝn ced naashi tu, "Ni ǝŋ ma kon mya su tǝ vǝrme?" A wul tu gaam ghǝ Yohanna mǝrghǝ baptismai." ²⁵ She a sutuɗi mwatlak ɗa gib viin byalakes a wul tu , "Mya su a vǝrǝm gaam Yohanna mǝrghǝ baptismai a dul pipii." ²⁶ Raaghǝ gung nyes a marai nyaŋ- nyaŋ,durghǝ tu a ɓyitǝ a raa wos a ken ghǝ mǝn varaŋsei,wo kǝǝm nyangas hŋ. ²⁷ She gung shin mǝrghǝ gaaghǝn yiri nɗǝr wul tu tǝ sǝǝn nger gaam Yohanna ɗi jarum . ²⁸ She a ta sǝǝn lǝr tǝ gammes mǝni ɗi a pipii she vǝr nyes, nyes ta vǝr nashi. ²⁹ Mǝǝri dǝnwos ɗaŋ tǝ ta wum vii gi tǝ ta man ɓi gimmɓǝli tǝ dlǝmti tǝ nɗǝr tǝ gii. ³⁰ Mǝǝri dǝn wosshes tǝ man a Yesu ǝn tǝ fu tǝ ɓuruk nghǝryo ɗaŋ tǝ fi tǝ nɗǝr kuuɓar. ³¹ She a fushi tu tǝ tlǝ a lǝǝb won ɗaŋ caa girǝnti tǝ ai jwanni, "Nǝ durghǝ tu zaarsǝ ca latsǝghǝn,tǝ tu dǝǝl ngha la hŋ nǝ durghǝ tu tǝ ci nghǝn cighǝn. ³² Tǝ ta nɗai ɗa gibkǝ jirgi zhes yaŋshi nghǝn wasǝŋ tǝ ta tlǝi a lǝǝɓ won. ³³ zZaarsǝ monda tǝta yelshi ɗaŋ cigha tlǝǝghǝn tǝ ta yisǝǝŋ shi wasǝǝŋ, ɗaŋ tǝ ta nyoldi ɓuruk a gibkǝ yatl wasǝŋ tǝ kitar a lǝǝbwon daŋ ta dlǝr ai in tǝ ta tuldi. ³⁴ A kili gi ɗaŋ yesu tuliɗi a ɓil zha ,ɗaŋ a yel zaarsǝ she a yel gwadǝ wasǝŋ nǝ durghe tu zaarsǝn cini ɗaŋ tǝǝmsa gyo ɗaŋ ci tǝ mǝrghǝ lyaghǝni hŋ. Shea ciken tǝ gidkǝn wasǝŋ nghǝn monda. ³⁵ Ɗanŋ suutu fi she mǝǝri dǝn wos tǝ man ɓastǝ tǝ wul tu, "lǝbǝn nǝ lǝǝb won ɗaŋ yi ni byakǝni nǝ durghǝ tu lǝǝb a latsǝi. ³⁶ Gǝǝm zaarsǝni nǝ tu tli a yatl a ɗaŋ yi mel ɓashi durghǝ tu tǝ ɗiib nghǝrwon ɗaŋ ta ci. ³⁷ Bed tǝ gi a sushiɗa tu ,vǝrǝnshi nghenghǝ cighǝni tǝci ɓa. She tǝ ta wul tǝtu ,Ma dya ma sǝn diib dugn di nǝ kǝ kuri nanɗam tǝ man cia? ³⁸ She a wul shi tu, "guruŋshi dunges kǝyirshi ci wuri? Tla yelǝn. "Ɗaŋ tǝ ta yeli,tǝ wultǝ tu yi gurungshi wubsǝ tǝ gyas gurunshi mbǝtlǝm. ³⁹ She a wul zaarsǝ ɓuruk tu tǝ tsidni a yar dyaki. ⁴⁰ Tǝ tsǝn dǝni -dǝni gya gon tashi nandam. ⁴¹ She a ɓi gurunshi duuunes shi nandam tǝ gyaas mbǝlem a yal gaami agǝǝm mɓuni wos kai a tsal gurunsǝ duun ŋasshi a vǝr mǝǝri dǝn wos nǝ durghǝ tu tǝ mɓǝl zaarsǝ mǝn ɓuruk ɗaŋ tǝ jwaam shi washi. ⁴² Ɓuruk wasǝŋ tǝ ta ci kǝmshi. ⁴³ Tǝ ta jwaam damvi duun ŋes tǝ gyaas shes bungli dzub tliti mbǝtlǝm . ⁴⁴ Zaarsǝ yo ɗaŋ tǝ ci duun tǝ gyaas shes zangu nandam. ⁴⁵ Kyad a ta wul mǝǝri dǝn wos tǝ ndai ɗa zhǝrgi zhes tǝ na latsǝ Betsaida ǝn ta tǝ labshi, yanes a dlǝǝri tu tǝ dlaa zaarsǝ monda ǝn ta tǝ tlǝ. ⁴⁶ Ɗaŋ a ghalai she a sǝn tai wuur nǝ durgh tu tǝ kara cogn. ⁴⁷ Ɗaŋ sutu fi, zhǝrges ciɗa dle- dle lari, yani ci gosɗi a danɗi nghǝn wos. ⁴⁸ Yani ɗaŋ a yelshi yatara a vushi wasǝŋǝi cighǝ mɓuŋni a righǝn.Ɗaŋ yi dwam wubsǝ kǝ taɓintlǝ a ta tli ɓashi cigha righǝn a dul ghǝ zha , ca ŋaal tǝ ɗashi ken. ⁴⁹ Kili gi ɗaŋ tǝ yeltǝ caa righǝn a dul ghǝ zha ca ga yirtu nǝ liiri. She tǝ ta ɗu kaghǝni . ⁵⁰ Kab wasǝŋǝi vǝrtǝ dushi wasǝŋǝi .Motlak a wul vii tǝ yaŋ shi a wul tu, "Vǝrtǝ tǝ ɗuki hŋ tlyaan mod! nǝ myan !vǝrtǝ tǝ ɗuki hŋ!" ⁵¹ A ta ndai ɗa giɓ zhǝrg zhes ɓashj ,yetares ɗaŋ a ta vushi raai adliiri . She ngǝrshes ta kwasarshi wasǝƙŋǝi monda ⁵² .Yanshes ca ta yisǝŋ nghǝrwon nghai hŋ a dulgaam duun ŋǝi a cikkǝn gaam wasǝŋ ta tlai monda . ⁵³ A kili gi tǝ ta dlari yatl kǝ Janairita tǝ ta nad zhǝrgeshi tǝ marangusa. ⁵⁴ Ca na nyolɗi ɗa gib zhǝrges zaarsǝ tǝ ta yisǝƙŋǝi tu nǝ Yesu. ⁵⁵ Zaarsǝ tǝ ta dla kitar tǝ sǝǝn lǝǝr zaarsǝ wasǝŋ ɗi a lǝb won ɗaŋ ca tsǝn nghai, ɗaŋ ca gon tǝ tlǝr shi a lǝmɓut tǝ ga Yesu mǝn,ɗaŋ tǝ wumi ci amaghǝn ɗi.