¹ Ana mbuɗkǝn mbtlǝŋ belaŋ kǝ tlǝghǝnni tǝ belakduŋ gi ɗaŋ yis ghai hŋǝi, tǝ fi mǝnvaraŋshi pǝris tǝ mǝnvaraŋsǝ yisǝŋ ngǝtn ɗaŋ Musa dlyaaɗ tǝ ŋaal tǝpm yo ɗaŋ ta tu nǝ mǝri tǝ ngaɓYesui ghai. ² Ci gha wulghǝn wos tu, ''Beɗ tǝ gi a kili belaŋ gin hŋ dur yo tu ma shesher raa zarsǝ mǝn.'' ³ Yesu ci Betanya dǝn gya Saminu ɗaŋ cinǝ ndomtsə, ci ɓastǝ turgǝn ngǝtn cighǝn mǝn, she gǝɗwon ghǝnni ɗaŋ a mbi ŋaa byaaŋ miir zhoǝni dlǝrǝŋ-dlǝrǝŋ kaɓ kǝ wurɓa monnda a kaɗ tǝ mǝn a gaam wos. ⁴ Mǝn yo ɗaŋ ci tǝ gya Yesu a ta tliishi ghai, cigha gǝs kǝ vi wulghǝn tu, ⁵ ''Gin nǝ miir zhoǝni dlǝrǝŋ-dlǝrǝŋ na wurɓa monnai, a moɓ ɗaŋ ci ɗiɓari tǝ ɓǝǝl wurɓas gya naakui'' mǝn hŋa? maraghǝn wurɓa gin nǝ kǝ ni'' ⁶ Yesu wulshi tu, ''tǝ ga tǝ kas. ni a caa kya gomsaŋte? ⁷ ǝŋ yan ki yi tǝ raa vǝrghǝn ngǝtnwon gya naakui, ki ciinshi ko dzaŋgyo,beɗ tǝ gi myan ma na tǝ kyaani ko dzaŋ gyo hŋ. ⁸ Gǝɗin a fi ngǝtn ɗaŋ laa wo mal zarsǝ ɓastǝ hŋ nǝ dur yo tu a ndǝr datǝpm ghǝ giighǝnni. ⁹ Jom-jomi mya fuu kii kaɓ lǝǝɓ yo ɗaŋ ta wul vik wusni ghǝ Cognvon a ɗǝghǝn, laa wo mal zaarsǝ a ngǝtn won ɗaŋ a fim mǝn hŋ. ¹⁰ Tǝ wumghǝn cik, Yahuza Iskaryoti, namboŋ a giɓkǝ dǝllǝŋsǝ mǝn shinmgǝn wos a kir tlǝ gha dǝllǝ ghǝ pǝris duryo tu tǝ vǝr ti ɓashi. ¹¹ Ɗaŋ mǝnvaraŋshi pǝris tǝ wum cik a ta polshi nǝ ŋaanyi hŋ, tǝ ta ga tu ta vǝr wurɓa Yahuza. Kyaɗ a nguɓ ŋalghǝn datǝpm wo ɗaŋ wo vǝr Yesu mǝnes. ¹² A mbuɗkǝn kǝ ke ni kǝ belak ghǝ dugn gi ɗaŋ yis gha hŋǝi, tǝ belak kǝ vaghǝn daguɓzhi ghǝ tlǝghǝn, mǝri dǝnwos tǝ wul tǝ tu, ''Maa dǝǝr lǝɓ jwaamngǝnnes te ɗo kǝ belak ghǝ tlǝghǝnneso? ¹³ A shin mbǝtlǝŋ a giɓ kǝ mǝri dǝn wos tu, ''tǝǝ nda giɓ dǝllǝ yatl, kaa tu morwom ɗaŋ a mbi zhaɗi gha penndi, kaɓ dǝn yo ɗaŋ ya nda ghai laaɓǝn tǝ. ¹⁴ Wulǝn murghǝ dǝnni tu, malǝm a wul tu, ''vin nǝ jwaamnngǝn ghǝ belak ghǝ tlǝghǝni tǝ mǝri dǝnatn yi teɗo?'' ¹⁵ Wo zhiɗ ki dǝllǝ ghǝ suumi nǝ ndǝrghǝn.She a ndǝǝrmi koni mǝn ɗa ɗan. ¹⁶ Ɗaŋ mǝn shinngǝn wos tǝǝ shi ɗa giɓ dǝllǝ yatles, tǝ tu koni daŋ gi daŋ a fuushi washi. Ɗanngǝn tǝ ndǝr koni nǝ ghǝ belak kǝ tlǝghǝni ghai. ¹⁷ Ɗaŋ suutu ta fi, a ta tlǝi tǝ dzuɓ tliti mbǝtlmes. ¹⁸ Ɗaŋ cigha tsǝtnngǝn, cigha cighǝn ngǝtn cighǝnes, Yesu wulshi tu, ''taŋ-taŋ mya wul ki tu, gon ɗaŋ migha cighǝn cimtǝ ɗuun, wo sum kaar mǝni. ¹⁹ Tǝ vui, tǝ cǝɗ tǝ namboŋ-namboŋ tu, nǝ myani hŋaa?'' ²⁰ Yesu sushiɗa tu, ''gon a giɓ dzuɓ tliti mbǝtlǝmmǝn ɗaŋ mya caa ghǝn taas koɗ namboŋ cimtǝ. ²¹ ŋaa ghǝ zaar wo tli ɗaŋ gyo ɗaŋ nǝ dlyaaɗkǝn a dul gamashi, beɗ tǝ gi dashi ɗaŋ a vǝrti tǝ ngwar nǝ gamashi, wo moɓ gyo daŋ cii ɓwa tǝ hŋ beɗ. ²² Kili yo ɗaŋ cigha cighǝn ngǝtn cighǝn, Yesu mbi duuŋ a gǝm mbuni ghai, a tsalii a vǝrshi, ca wulghǝn tu, ''gin nǝ dlietn. ²³ A ndǝr mbi kolaaɗ, a nyar ghai, a vǝrshi, tǝ tlya tǝ koɗi. ²⁴ A wul tu gin nǝ voraŋatn kaɓkǝ mbighǝn ɗa raai ɗaŋ tǝ paas nǝ zarsǝ monnda. ²⁵ Jom-jomi mya fuuki ma man tlya zhak darndu dǝn ɗa hŋ,she dzaŋgi ɗaŋ ma tlya kǝ muuri a giɓkǝ guŋdǝ Cognvon. ²⁶ Dzaŋ tǝ waa ngil luughǝn Cogn mǝn, tǝ tlii wuur zaitun. ²⁷ Yesu wulsji tu, ''kaɓwaan kaa nga yasǝŋ kǝ ndǝ kǝ ndaɗi nǝ durratn, yini dlyaaɗkǝn tu, 'ma ɗuu murghǝ lyaghǝn tǝmsai, tǝmsas taa basaŋǝi. ²⁸ Beɗ tǝ gi, ǝŋ mya shishi, ma ndaki ken mǝ tul ki Galilii keni.'' ²⁹ Biturus wu tǝ tu, ǝŋ ɗeɓaɗ wasǝŋ caa ndaɗi myan ma ndaɗ hŋ.'' ³⁰ Yesu wul tǝ tu, taŋ-taŋ mya fuu ghǝ, kǝnnda gǝmghǝn vii daturshi kǝ ɓintli, ka wul tu ka yisǝŋ mǝ hŋ tǝpm mayii. ³¹ Beɗ tǝ ga Bitrus wul ɗa tu, ''ko yan taa tla mi wopi cimghǝ ma ci vii a yisǝŋngǝn hŋ'' ɗeɓaɗ wasǝŋ tǝ mbi ɗa raai cik. ³² Ɗaŋ tǝ tuli lǝɓwon ɗaŋ ca cimtǝ tu Getsamani, Yesu wul mǝri dǝnes tu,na tsǝɗǝn ɗuun duryo tu ma tlǝ kara Cogn. ³³ A mbi Biturus tǝ Yakuɓ tǝ Yohanna. she tǝ nguɓ tǝ wumghǝn a vughǝni laɓ-laɓ. ³⁴ A wulshi tu, ''raatn cigha buŋghǝn dan kutu ma mǝshi. Na ɓuɓǝnmǝ ɗuun a tsǝdǝb gwaam.'' ³⁵ Ɗaŋ Yesu ɓǝttǝ ghai ken njwaan ndaɗi yatl a kara Cogn, ³⁶ ca wulghǝn tu, Daagǝn ko ni ka ɗya ka fii, mbim buŋghǝnin mǝni, beɗ tǝ gi paŋ mbitalghǝnetn hŋ, she gwai. ³⁷ Ɗaŋ a sutǝ ɗi a tlǝn tushi cigha kuci, a wul ''Biturus tu, Siman kini a kucya? ka ɗya ka tsǝtn gwaam kǝ ŋaa dǝǝl hŋaa? ³⁸ Tseɗǝn gwaam, karan Cogn duryo tu tǝ dyiɓ kii hŋ. Yi cik tu zhipti varatn ca suughǝn, beɗ tǝ gi dlietn a tsaal.'' ³⁹ A suu tǝ kaar ɗa-ɗa a kara Cogn, ca kwaan ngǝtn yo ɗaŋ ayi kwaan keni. ⁴⁰ A sutǝ ɗa a man tushi cigha kuci duryo tu kucia ɗǝǝmshi washi ɗaŋ tǝ ɗya tǝ wul tǝ vii hŋ. ⁴¹ A sutu ɗa kǝmayi, a wulshi tu, ''kini gha kuci saɗɗa? ki gha ngaghǝn laa! afii cik, kiles a tuliɗi ta vǝr ŋaa zaari a taas ghǝ mǝn kusǝŋsǝ ngǝtn fighǝn. ⁴² Shishin mǝ tlǝnni, muryo ɗaŋ a vǝr vetn a tuliɗi mel. ⁴³ Kyaɗ, ɗaŋ aa daɓ dlǝpm vii hŋ, Yahuza, a giɓ kǝ dzuɓ tliti mbǝtlmitǝ zaasǝ ɗaŋ ta jwaamshi tǝ yir dǝllǝŋsǝ sǝɓǝr na-ngole. mǝn varǝŋsǝ pǝris tǝ mǝnvaraŋsǝ mǝn yisǝŋngǝn ngǝtn ɗaŋ Musa dlyaɗ tǝ mǝnvvaraŋsǝ gya gyo ta shishi ɗi. ⁴⁴ Muryo ɗaŋ a vǝrti a kaŋ vi tǝ yaŋshi tu, ''gon ɗaŋ ma tiin tǝ tǝ laɗvi yan cinǝ mures, ngaɓǝnti a tlǝǝr tǝ a ganti. ⁴⁵ Ɗaŋ Yahuza tuliɗi, a man gha Yesu a wul tǝ tu, ''malǝm'' she tintǝ tǝ laɗvi. ⁴⁶ mǝnes tǝ ngaɓti, tǝ tlǝrti. ⁴⁷ Beɗ tǝ gi gon agiɓkǝ mǝn dlǝǝr ghǝn ɗa ɗan, a dli ɗǝllǝkǝ sǝɓǝr wos ɗi a kǝɓ mon ghǝ dǝllǝ ghǝ pǝris ghai, dzak tǝ ghai hal ngyer tǝ kǝǝmi. ⁴⁸ Yesu wulshi tu, kǝǝ nywaal ɗi ɗaŋ kutu kya ngaɓni mǝǝr tǝ dǝllǝŋsǝ sǝɓǝr tǝ na-ngole tu kya ngaɓni myaniya? ⁴⁹ Kili yo ɗaŋ mi gha giɗkǝn waan ghai vin ladi, ko dzaŋ gyo kǝ ngaɓm hŋe? Beɗ tǝ gi tǝ na cik nǝ duryovtu tǝ yungar ngǝtn yo ɗaŋ vik Cog kon. ⁵⁰ Ɗa ɗan, kaɓ mǝnyo ɗaŋ tǝ ta yi tǝ gya Yesu tǝ ta gatǝ tǝ kiiri ⁵¹ Kun tlǝɓǝr won ɗaŋ cinǝ tǝ lǝŋsǝ a dli, a laaɓtǝ tǝ ta kǝɓ ti, ⁵² yan de a gashi lǝŋses mǝn a kiiri nǝ muli ⁵³ Kyaɗ ɗa ɗan tǝ ta tlǝr Yesui a dǝllǝ pǝris ɗaŋ ta jwaan mǝn varaŋsǝ yatl kaɓ tǝ ɗǝllǝŋ pǝris tǝ dǝllǝŋsǝ zarsǝ tǝ mǝnvaraŋsǝ mǝn yisǝŋngǝn ngǝtn ɗaŋ Musa dlyaaɗ, tǝ man jwaamshi ɓastǝ. ⁵⁴ Biturus a laaɓ shi kaar-kaar hal tǝ tuli dǝn gya pǝrishe. A tsǝtn tǝ mǝn yaalghǝn ɗa nǝ dǝn Cognvon cigha buuskǝn wuɗ. ⁵⁵ Ɗaŋ mǝnvaraŋsǝ pǝris tǝ balgham Yahudawa tǝ yaal tǝ yel mǝniyo ɗaŋ taa wul tu ta yel tǝ ndǝr tǝ wum Yesu a fighǝn kusǝŋsǝ ngǝtn dur yo tu tǝ ɗuuti ɗa, Beɗ tǝ gi tǝ tu ngǝtn ghǝ konghǝn hŋ. ⁵⁶ Kǝ monnda tǝ tlya zha mberni, beɗ tǝ gi, vii wasǝŋ a man lǝɓ naŋboŋ hŋ. ⁵⁷ Gya gonɗa tǝ shishi tu tǝ man tlya zha mberni a dul gaamas tǝ wul tu, ⁵⁸ ''Mǝǝ wum tu, yo dluɗ dǝn ghǝ Cogn ghǝi ɗaŋ zarsǝ tǝ ta naali, tǝ ndǝr tǝ naal gon a mbuɗkǝn mayi nǝ naal ghǝn zaar hŋ beɗ, ⁵⁹ Kaɓ tǝ cik vi wasǝŋ ta man namboŋ hŋ. ⁶⁰ Ɗǝllǝ pǝris a shishi dlǝrni a dlei wasǝŋ aceɗ Yesu a wul tu, kitǝ ngǝtn won ɗaŋ ka kon a dulgam ngǝtn yo ɗaŋ mǝnin tǝ kwaan a dul gaama? ⁶¹ Beɗ tǝ gi a mwal tǝ saɗ, she dǝllǝ pǝrishes a man cǝɗ tǝ ɗa tu, Kyan kinǝ Daadǝn murghǝ luughǝnniya? ⁶² Yesu nǝ mya kaa yel ŋaa zaar a tsǝtnngǝn a taaghǝ zari murghǝ vartǝ, hal ma cigha maghǝnɗ a giɓ kǝ kurvon. ⁶³ Dǝllǝ ghǝ pǝrishes a dlatǝ gya lǝŋsǝ woshi a wul tu ''nǝ ni kǝnnda mya ŋaal mǝ wumi a dul gamawos ɗe?'' ⁶⁴ Kya wumghǝn ngǝtn ghǝ kyamaskǝn ɗaŋ a kon kǝ yel gwaan wuri? kaɓ wasǝŋ tǝ ngyer tǝ vi mǝn tu a ndara tu tǝ ɗuuti. ⁶⁵ Gya gon tǝ nguɓ tǝpyatsǝghǝn nyogn vi, tǝ naɗ tǝ yiri tǝ voɗ tǝ caa ceɗ tǝ tu, ''nughǝn a voɗkǝo?'' mǝn laaghǝ dǝn Cogn beɗ tǝ voɗ tǝ a kwanga. ⁶⁶ Biturus ci didlǝŋ giɓ dǝnnes, ŋaa gǝɗ won ɗaŋ ca fi laa dǝllǝ ghǝ pǝris mǝn a man ɓastǝ ⁶⁷ Ɗaŋ a yel Biturus ca wuɗ buuskǝn,a yaal yel tǝ saɗ awul tǝ tu, ''Kyan ma ki tǝ mǝn Nazaraɗǝn Yesu''. ⁶⁸ Beɗ tǝ gi a ci vi ghai, a wul tu, ''ma ɓitalǝm nǝ ngǝtn yo ɗaŋ kya kon hŋ ma kǝnnda mǝ yisǝŋ'' Ɗaŋ a nyoli ɗi balgham. ⁶⁹ Nyi ɗaŋ ca fi laa ɗa dǝni, a yel tǝ a wul mǝnǝ gya gi ɗaŋ ca dlǝrghǝn ɗa tu, murin beɗ cigha giɓi wasǝŋ. ⁷⁰ Beɗ tǝ gi a ci vi ghai saɗɗa. A ngalaa hŋ, gya gi ɗaŋ cigha dlǝrghǝn ɗa ɗani tǝ wul Biturus tu, shaŋtaŋ ki namboŋ a giɓi wasǝŋ dur yo tu kini mǝn Galilii. ⁷¹ A nguɓ mbolghǝn gamas mǝn, ca ŋas puus wul tu, ''ma yisǝŋ dashi yo ɗaŋ kya wul vii a dul gamas hŋ.'' ⁷² Kyaɗ, geri gǝm vii kǝ mbǝntlǝmi, Biturus ɓital vi yo ɗaŋ Yesu ta fuu tǝ tu, ''anda geri tǝ gǝm vi kǝ mbǝtlǝmi, ka wul tu, ka yisǝŋmǝ hŋ tǝm mayi.'' She a nguɓ ngwarghǝn nyaŋ-nyaŋ.