¹ Tǝ taa ghǝ ɓintlǝ, mǝn varaŋsǝ ghǝ viin ladi tǝ jwaam shi tǝ mǝn varaŋsǝ yatl tǝ malamci attaura tǝ ɗebad balgham ghǝ Yahudawa. Tu tǝ naad Yesui, tǝ caa tǝ ken tǝ vǝrtǝ Bilatus. ² Bilatus ced tǝ tu ,"Kyan ghǝ kinǝ gung Yahudawa?"A suuɗa tu, "cik ɗaŋ kǝkoni." ³ Mǝn varaŋsǝ viin ladies cii kwaan kusǝŋsǝ ngǝtn a dul gam Yesu. ⁴ Bilatus ced tǝ ɗa,"Ki tǝ ngǝtn kon hŋ ŋaa? Yel ɗaŋ ca kon kusǝŋsǝ ngǝtn a dul gama. ⁵ Bed tǝ gii Yesu ɓok vii Bilatus ɗa hŋ, she ngǝrsshi kwasartǝ. ⁶ Ɗaŋ nin akili belak, Bilatus ɓaanɗǝŋ caa yi gǝǝm shi zaar won ɗaŋcigib jarum mǝn , zaar ghǝ jarum yo ɗaŋ caa kara ɗa. ⁷ Ɗa dan murghǝ shisher ghǝn raa wonɗa gib jarumes, nǝ nanboŋ a gib kǝ gya gi ɗaŋ tǝ nyomshi nǝ durghǝ shisher raa zaarsǝ mǝn.A ta yi nǝ murwon ɗaŋ ca cim tǝ tu Barabbas. ⁸ Gutuli zaarsǝ tǝ man a lǝǝb Bilatus she tǝ nɗatǝ karaghǝn tu tǝ fi shi mǝn ɗaŋ gyo ɗaŋ cayi fii. ⁹ Bilatus suu shiɗa tu, "Kya su mǝ gǝmki gung Yahudawa mǝni ya? ¹⁰ Duryo tu a yisǝŋǝi tu nǝ kashi ǝŋ da mǝn varaŋsǝ viin ladi tǝ lǝǝr Yesu ɗi ɓastǝ. ¹¹ Bed tǝ gi mǝnvaraŋsǝ viin ladies tǝ ca gutuli zaarsǝ ghai tu tǝ kaa tu tǝ gǝǝm shi Barabbas mɛni ɗa bamvies. ¹² Bilatus man sushj ɗa tu, "Ni ǝŋ ɗa ma fi tǝ gung Yahaudawai?" ¹³ Tǝ dlaar vii ɗatu, "ghǝmbalǝnti." ¹⁴ Bilatus wul shi tu," nǝ kuskǝ nghǝrshi gyo ɗaŋ a fio?" Bed tǝ gi tǝ ta daɗak ɗlaarghǝn vii ghai, "Ghǝmbalǝnti." ¹⁵ Bilatus ta ya suu tu tǝ mɓutar raa gutuli zaarshes mǝni,she a ta gǝǝm shi Barabbas mǝni.A voɗ Yesui nɗǝr vǝr shi tu tǝ ghǝmbalti. ¹⁶ She mǝn mandes tǝ ta nyolarti ɗa yatles tǝ nɗǝr tǝ ciim ɓuruk mǝn manɗǝ ɗi. ¹⁷ Tǝǝ caa tǝ luu gungdǝ mǝn tǝ ndǝr tǝ karghǝd tǝ yiɓka a daɗ gaam. ¹⁸ Ǝŋ da cii wurǝ tǝ tu, " cogn tǝ gagghǝ ɗa gung Yahudawa!" ¹⁹ Tǝ ɗutǝ shirǝŋa gaam tǝ ndǝr tǝ pyatsǝ tǝ nyognvi a cognken .She tǝ ta zubni a kenwos cii ryaa tǝ tu caa luu tǝ ni. ²⁰ Ɗaŋ tǝ ta ɓan ryaaghǝn neshii she tǝ dlii luu guŋnde shii tǝ sular tǝ goshii mǝn she tǝ nyolarti ɗa yatli tu tǝ tlǝn ghǝmbalti. ²¹ She tǝ caa sǝǝmbǝr won ɗaŋ ca latsǝni tu tǝ ́mɓi ghǝmbǝli Yesui.Sǝm mures tu Siman mǝn Kairawoni (Daa ghǝ gya Alizanda tǝ Rufus ). ²² She mǝnw mandes tǝ nyolar Yesui tǝ tlǝǝr ti a lǝɓ won wai Golgota (lǝǝb kǝ moɗ gaam ǝŋdi). ²³ Tǝ vǝrtǝ zhak darɗu dǝn ɗaŋ lǝǝ ghǝn tǝ mur ,bed tǝ gi a tlya . ²⁴ Tǝ ghǝmbal tǝ ɗu bwagha tǝ lǝŋsǝ wos nǝ durghǝ tu tǝ gi shi lǝǝkǝn ngǝrci luu yo ɗaŋ ko murghǝ mandǝ gyo ɗaŋ a ndara tǝ tu. ²⁵ Tǝǝ ta ghǝmbaltiǝ a tayi dwam mayi suutu. ²⁶ Tǝ daaɗ nghǝtn caaghǝn wos vii gami tǝ yan tu, "Gin nǝ gung Yahudawa ." ²⁷ Tǝ ghǝmbalti tǝ mǝrǝŋsǝ won mbǝtlǝm, ²⁸ gon a te napti wos,gon a te zari wos .Tǝ ta fi cik tu ngǝtnɗaŋ tǝ kon a vik cogn tǝ yugǝi. ²⁹ Mǝn laatsǝ ghǝn ciyi vyartǝ ciyi righǝɗ gaam ci yi wul tu, "Kyan ɗaŋ ka ɗya ka dluɗ vin ladi kǝ nɗǝr kǝ nali a mɓudkǝn mayi, ³⁰ vum gammai a shiiɗi ɗa ghǝmbales ɓa!" ³¹ Cik kǝn mǝnvaraŋsǝ vin ladies tǝ malamci attaures cii ryaa tǝ ni cii wul tu,"A vum gya goni bed tǝ gi a kǝǝm vuum gaamas hŋ. ³² Gaan gi ɗaŋ nǝ ɓorghǝnii gung mǝn Israilai tǝ shishiɗi ɗa hǝm ɓǝles, nǝ durghǝ tu mǝ yeli mǝ nɗǝr mǝ kabi." Mǝn yo ɗaŋ tǝ hǝmbalshi cim tǝ tǝ ryaa tǝ ɗaŋ. ³³ A dwaam li she ɓuruk yatles ta mɓi diɓi ,hal she ɗaŋ dwaam toknandam tafi . ³⁴ A dwaam toknandames she Yesu ta gǝǝm viŋ tya-tlya ,"Eloi eloi lama sabacthani?" Gyo ɗaŋ de wos tu ,cogntn-cogntn ni ca kǝ nyom taashi ɓasme?" ³⁵ Zaarsǝ yo ɗaŋ ci gha dlǝrghǝn ɗaɗan ɗaŋ tǝ wum cik she tǝ wul tu wumǝn cigha cimghǝn Iliya . ³⁶ She gon wasǝŋ ta vaatǝ tlǝŋ mɓi lǝtsǝmɓǝr caa a zhak darnɗu ɗǝn kǝ ndzaŋni ga adul shirǝŋ ta tǝ tu tǝ tlya .Mures wul tu, "Dlǝr sad mǝ yel yan Iliya wo man shirti. ³⁷ She Yesu gǝǝm riŋ tlya-tlya she a mǝshi . ³⁸ She lampiɗi yo ɗaŋ cayi gib vin ladita taari mbǝtlǝm a ngabɗi gami hal yatl. ³⁹ Ɗaŋ mǝnvar ghǝ mǝn mandes ,gyo ɗaŋ a dlǝr mɓiyir yel Yesu ghai tu a mǝs a tǝpi gin, she a wul tu, "Jom-jomi murin nǝ ŋaa ghǝ cogn. ⁴⁰ Gudi won ɗaŋ tǝ dlǝrɗi ɗonghai ǝn da ca yeldi ɗaŋ. A gibi wasǝŋ nǝ gya Maryamu Magadaliya,Maryamu (naaghǝ tǝ ŋaa yeshi yusufu),tǝ Salomi . ⁴¹ Ɗaŋ a ta yi Galili gudi gya gin ǝn da tǝ ta ya laab tǝ tǝfi tǝ laa mǝn.Gudi gya gon monda tǝ man cimshi hal Urshelima. ⁴² Ɗaŋ suutu tafi, durghǝ tu a ta yini dzaŋ ɓumtsǝ ghǝn ,yan cinidzaŋ ǝnda dzaŋ Wolgi . ⁴³ Yusufu mǝnArimataya a ta man ɗa ɗan . A tayi nambonŋ a gib kǝ mǝn balgham ɗaŋ caa sǝǝshi kǝǝm, gyo ɗaŋ a tayi gaghǝn yir nǝ guŋndǝ cogn .A shishi tǝ vǝrtǝŋ tlǝn tu Bilatus ced tǝ dli Yesu . ⁴⁴ Nghǝrshi ta kwatsar Bilatus ɗaŋ a wum tu Yesu a mǝshi , a cim mǝnvar mandǝ ced tǝ yan Yesu a mǝshi. ⁴⁵ Ɗaŋ Bilatus wum a mǝnvar mǝn manɗǝs tu Yesu a mǝshi ,she a vǝr dlei Yusufu. ⁴⁶ Yusufu a ɗiɓ pǝriɗi .A shirti ɗa hǝmbǝles karghaɗ ti tǝ pǝres she gǝǝm ti ɗa vii gires ɗaŋ tǝ com tǝ puus,she kuruŋ dǝrǝŋ dlǝpm tǝpm nɗaghen ɗa lǝǝɓ vik gires. ⁴⁷ Maryamu Magadaliya tǝ Maryamu naghǝYusufu ǝnda tǝ yel lǝǝb yo ɗaŋ tǝ gii Yesu ghai.