¹ Ɗaŋ tǝ ta tulidi Urshelima, myel tǝ Befataji tǝ Betanya,ɗaŋ yi wur Zaitun, a shin mǝǝri dǝn wos mbǝtlǝm ² she a wulshi tu, "Tlǝn a ŋaa yatl won taghǝlui tǝ myani. Ǝŋ kyana nda kayel ŋaa zwaki ɗaŋ nǝ nɗadkǝn, gon ayi taghai h ³ ŋ tǝrǝŋ ti a lǝǝrǝm mǝn di. Ǝŋ gon ya ced ki tu, 'Ni ca kya fi cighǝie'? Wulun tu "Daadǝn caa nŋal,wo nŋaala hŋ wo sular tǝ di ɗun.' " ⁴ Tǝ tlii tǝ tu ŋaa zwaki nǝ nɗadkǝn a vik datǝpm,myel tǝ kenɓil she tǝ tǝrǝŋ ti. ⁵ Gya gon tǝ tayi a dlǝǝrghǝn ɗa ɗan, tǝ wulshi tu "Ni ǝŋ kya fi, kya tǝrǝŋ nǝ ŋaa zwakiya?" ⁶ Tǝ ta fushi ɗaŋ gi ɗaŋ Ɗaadǝn fushi washi, she mǝnes tǝ ta gashi tǝ tlii. ⁷ Mǝǝrǝ dǝn wos mɓǝtlmes tǝ ta tlǝǝr tǝ ŋaa zwakes mǝndi tǝ gǝmtǝ lǝŋsǝ mǝngai, ɗaŋ Yesu tǝ ta ŋai. ⁸ Zarsǝ monda tǝ ta tatl gya lǝŋsǝ wasǝŋ ɗa tǝpii, gya gon tǝ dzaak patsǝɗi a dǝǝl tǝ man shin ɗa tǝpii. ⁹ Gya gon cigha ken wos tǝ gya gyo ɗaŋ caa laɓtǝ kar tǝ ngub wulghǝn tlya ̱tlya tu, "Hosana! mɓuni nǝ kǝ gya gyo ɗaŋ a man gib kǝ sǝm Daadǝn. ¹⁰ Mɓuni nǝ kǝ guŋdǝ yo ɗaŋ ca manl nǝ kǝ dawopm Dauda ! Hosana nǝ nǝghǝ games!" ¹¹ She Yesu ta nɗai Urshelima she a tli dǝn ghǝ cogn paŋ lǝb ɗeɓad. Ɗaŋni,dzaŋ a ndai, a ta tli Betani tǝ dzub-tliti mbǝtlǝmes. ¹² Ɗaŋ lǝb tlai,ɗaŋ tǝ sushi ɗi Betanya kusuŋ a ta ngabti. ¹³ Ɗaŋ ci ɗi ɗonghai a yel gwas gwam ɗi ɗaŋ citǝ paci, a tli duryo tu wo tu guri ghai she atu ghai hŋ de tu a yin kili yo ɗaŋ ca gur hŋ. ¹⁴ A ta wul gwamess tu," Gon wo ci guri wa ɗa hŋ."She mǝǝri dǝnwos tǝ ta wumi. ¹⁵ Tǝ ta tuli Urshelima, a ta nɗai dǝn cogn sǝn nɗa katkǝn mǝn ɗiɓkǝ tǝ mǝn ɗiɓarghǝn ɗa dǝn cognkes.A ta sughǝd gya dakci viin kǝ mǝn fighǝn kwaɓkǝn wurɓa tǝ gya lǝb tsǝnghǝn mǝnyo ɗaŋ ca ɗiɓar kumridǝn. ¹⁶ A ta gaa gon tǝ kǝǝm tǝ ɓi ghǝn yo ɗaŋ ta ɗiya tǝ ɗiɓari ɗa dǝn cogkes hŋ. ¹⁷ A gid shi ghai wulshi tu,"Nǝ dlyaadkǝn hŋaa, 'Ta cim dǝnan tu nǝ dǝnghǝ karaghǝn cogn nǝ yatl ɗeɓadɗa? Bed tǝ gika sular a naai nǝ tuur mǝrǝŋsǝ." ¹⁸ Ɗaŋ gya dǝlǝŋsǝ Pǝris tǝ mǝn kwaaghǝn ngǝtn yo ɗaŋ Musa dlyaɗ tǝ tǝpm yo ɗaŋ ta ɗuutǝ. Tǝ cik tǝ ci vǝrtǝ duryo tu zaarsǝ tǝ ta yi ɗa ɗan monda ɗaŋ nghǝn yo ɗaŋ ca kosarshi ¹⁹ .Ko sutu gyo ca nywal tǝ ga yatleshi. ²⁰ Tǝ ɓiltdi ɗaŋ ci a latsǝghǝn,she tǝ yel gwas gwames a kuŋyi. ²¹ Bitrus a ɓital a wultu ,"Mallam ! yelli! gwami ɗaŋ kǝ laŋti akuŋǝi." ²² Yesu ta sushi ɗa wulshi tu, '' tǝ caan raa a cogn.'' ²³ Tǝ cik , mya fu ki tu ,ɓuruk gyo ɗaŋ ya wul pus tu shishi ɗuun a ɗaɗtn a dǝǝllǝk gǝrǝŋ zha, ɗaŋ raa wos a tsal hŋ ,bed tǝ gi ya caa raa ai cik kǝn wo nai tǝcik kən cogn wo fi . ²⁴ Tǝ cik mya fu ki ,ɓuruk nghǝn yo ɗaŋ kya kara ,kǝ caa raa ai tu ka tuyi ,cik kǝn wo naa nǝ gwan. ²⁵ Ko a kili gyo ɗaŋ ka kara Cognvon dlan loŋsǝ mǝnyo ɗaŋ ta fiki kusuŋsǝ nghǝn mǝn ,tǝ cik Daawan wo dlaa ki loŋsǝ kusuŋsǝ nghǝn wan mǝni hŋ. ²⁶ Dagwaan ɗaŋ ci gami wo dlaaki kusuŋsǝ wan mǝni ɗaŋ" ²⁷ Daŋ tǝ sushi Urshalima .Yesu ci ngha righǝn ɗǝncogn .she dǝǝlǝŋsǝ Pǝris .tǝ mallaci mǝn gid nghǝn yo ɗaŋ Musa dlyaad ,tǝ mǝn varaŋshi yatl,tǝ man ɓastə. ²⁸ Tǝ wul tǝ tu ,"Tǝ vartǝ nu nghǝn kya fi ghǝshi g gya gin ngaiyo? Ko nuughǝn a taaghǝ vartǝ fighǝn wasǝŋo? ²⁹ She Yesu wulshi tu, " Maa ced ki a sumɗa tǝ cik ma fu ki ko tǝ vartǝ ghǝ nuu ǝŋ mya fi laaghǝ gin ngaiyo. ³⁰ Baɓtisma ɗaŋ Yohanna a taya fi yin ɗi gami ko nǝ kǝ zaara? sumɗa. ³¹ She tǝ naa a wulghǝni addlǝŋ-wasǝŋ tu, "Ǝŋ mya wultu a ɓwaɗi gami .wo wul tu ."Ni ghǝn,a ca ǝŋ ɗa kǝ ca raa ɓastǝ hŋ? ³² Ǝŋ mya wul tu a ɓwaɗi a zaar tta kurmi tǝ pus ' tǝ cik ca ci vǝrtǝ tu zaarsǝ ta yisǝŋ tu Yohanna nǝ zaar shinghǝn cogn.Tǝ wul Yesu tu ta yisǝŋ hŋ ³³ .She Yesu wul shi tu "Ma fu ki hŋ tǝ vartǝ yo ɗaŋ mya fi la gya gin gai."