¹ Yesu mbii yir a yel zarsǝ mǝn tuughǝn gya gyo ɗaŋ caa gǝm baiko wasǝŋ a giɓ lǝǝɓ gaaghǝn wurɓes. ² A yel naakui gǝɗbwon ɗaŋ turwos a mǝshi caa gǝmngǝn anini mbǝtlǝm. ³ Durghǝ gi a wul tu, ''Mya fuuki naa jom jomni, naakui gǝɗin ɗaŋ turwos a mǝshi a gǝm ngǝtn yobɗaŋ a moɓ gwasǝŋǝi ɗeɓaɗ. ⁴ Ɓuruk gya gin tǝ vǝrmi ngǝtn vǝghǝn a giɓ kǝ monnda wasǝŋ. Beɗ tǝ givgǝɗin ɗaŋ turwos a mǝshi.. a giɓ kui wos, a vǝrni ɗebaɗ ngǝtn yobɗaŋ yir a tsǝnngǝn wos. ⁵ Ɗaŋ yo ɗaŋ gya gon tǝ wul vi vin lades, yo ɗaŋ tǝ ɓumtsǝtǝ tǝ puus zǝn zǝni tǝ vǝrghǝ mari mari, a wul tu, ⁶ A dulgam ngǝrshi gya gin ɗaŋ kya yekǝn, dzaŋ ta man ɗaŋ puus won namboŋ wo naa a duuli kamshi ɗa ta paɗ tǝ tǝ gǝm yatk hŋ.'' ⁷ Durghǝ gi tǝ ceɗ tǝ, tǝ wul tǝ tu, ''Malǝm, dzaŋ gyo ǝnnda ngǝrshi gya gin ta fiye? Yesu suɗa, ''Ɗaghǝnɗa tǝ morki hŋ, ⁸ Duryovtu monnda taa man tǝ sǝmatn, caa wul tu, Nǝ Myan yan, tǝ cik.. Dǝǝles yi mel. ' Ɓak kaaɓǝn shi hŋ. ⁹ Kili yi ɗaŋ kyaa wum manndǝ tǝ shisherghǝn raa, vǝrtǝ tǝ ngaɓki hŋ, durghǝ tu yi ciɓ ngǝrshi gyaa gin taa fi keni, beɗ tǝ gi ɓanngǝni wo man swaaɗ kyaɗ hŋ.'' ¹⁰ A ndǝr wul shi tu, ''Yatl wo shisher yatl mǝn, tǝ guŋndǝ wo shisher guŋndǝ. ¹¹ Ta fi dǝllǝ zhighǝɗkǝn yatl, a lǝɓ mari mari ta fi kusuŋ tǝ giir. Ta fi dǝlkǝŋsǝ ngǝtn vǝrtǝ tǝ dǝllǝŋsǝ ngǝtn giɗkǝn ɗi gami tsogn. ¹² Beɗ tǝ gi ǝnnda ngǝrshi gya gin kaɓ, ta ngaɓ ki waani tǝ fiirki forǝm, ta vǝrki a vin ladi Yahudawa tǝ jarum, tǝ lǝǝr ki a ken guŋsǝ goɓnoni nǝ durghǝ sǝmatn. ¹³ Wo naa ki mǝni nǝ dǝǝl yo ɗaŋ ka tlya zha gamawan. ¹⁴ Nǝ durghǝ gi mbiin a raa wan ɓak a ɓumtsǝn ngǝtn yo ɗaŋ ka suɗa hŋ, ¹⁵ nǝ duryo yo tu ma vǝrki vi tǝ saghaɗkǝn gyo ɗaŋ mǝn nyaŋngaskǝn wan ta ɗya dlǝǝlarghǝn ko tǝ tsal hŋ. ¹⁶ Beɗ tǝ gi mǝn ɓwaaghǝn, tǝ gya yestǝ wan, tǝ mǝn giɓdǝn, tǝ tlaa gya gon waani. ¹⁷ Ko nuu wo nyaŋngaski nǝ durghǝ sǝmatn. ¹⁸ Beɗ tǝ gi mbitǝ gam waan won wo datsǝ hŋ. ¹⁹ Tǝ dumngǝn vwa waan ka tu raai waani. ²⁰ A kili yo ɗaŋ kya yel Urshelima nǝ ngirǝŋngǝn tǝ mǝn naaɗkǝn miis, a yisǝŋ tu kwaaɓkǝn wos a naa mel. ²¹ She mǝn yo ɗaŋ ci Yahudiya tǝ kiir tǝ tai dul wuur, mǝn yo ɗaŋ ciɗ dkei yatli tǝ tlii, ɓak tǝ gaa mǝn yo ɗaŋ ciɗa giɓ yatli tǝ ndaɗi ɗa guɓi hŋ. ²² Duryo gya gin nǝ dzaŋngǝ surghǝn, nǝ durghǝ tu ɗeɓaɗ ngǝrshi gya gin ɗaŋ tǝ dlyaaɗǝn tǝ yughǝi. ²³ A girshi yaŋshi mǝn ŋaavwaa tǝ yaŋshi mǝn yo ɗaŋ caa vǝrghǝn maam a dzaŋngi gya gii! Nǝ durghǝ tu ɗani dǝllǝghǝ matsǝghǝn ɗa yatli, tǝ tkiiti yer a dulgam zarsǝ gya gin. ²⁴ Ta ndaaɗ gha sǝɓǝr yo ɗaŋ ta twaa veshi pel pel tǝ tlǝǝr shi washi nǝ buŋngǝn ɗeɓaɗ yatl, mǝn ɗǝgn ta daɓtǝ Urshelimai, hal gha kili yo ɗaŋ mǝn ɗǝgn ta yughǝi. ²⁵ Ta yel ngǝtn giɗkǝn a giɓ a giɓ dzaŋ, tǝ giɓ lǝpm, tǝ giɓ caar,btǝ dulghǝ ɗǝgn. A ɗǝgn.. yatl ta tlya matsǝghǝn, ta vuui nǝ durghǝ dlaarghǝn vi dǝllǝghǝ zha tǝ tlǝrǝŋ zha. ²⁶ Ɗani mǝn monci gya gon ta fi ɗaŋ taa mǝshi nǝ vǝrtǝ tǝ ɓitalghǝn ngǝtn yivɗaŋ ta ndaaɗ ɗǝgn mǝnnɗi.bNǝ duryo tuvvartǝ gaami tsognvon wo zhighǝɗi. ²⁷ Ɗani ta yel ŋaa zaar a shighǝnɗi a giɓ kurvon tǝ vartǝ tǝ zhimngǝn nǝ ŋaa nyi hŋ. ²⁸ Beɗ tǝ gi kili yo ɗaŋ ngǝrshi gya gin caa nda fighǝn, shishin a dlǝǝrǝnni a mbii yir gaami, duryo tu vuumngǝn waan a tuliɗi mel.'' ²⁹ Yesu fuushivyer vi, ''yalǝn a gwas gwam, tǝ ɓuruk gwas. ³⁰ Kili yi ɗaŋ paatsǝ wasǝŋ caa nda dǝǝlghǝn, kya yeli tǝ gamawan kǝ yisǝŋǝi tu kili gǝmngǝn waa tari a naaɗi mel. ³¹ Cikkǝn, kilibyo ɗaŋ kyaa yel ngǝrshi gya gin caa nda fighǝn, kǝ yisǝŋǝi tu guŋndu Cogn a naa mel. ³² Jomi, mya fuuki, wusuli gin wo laatsǝ hŋ, she ɗeɓaɗ ngǝrshivgya gin caa fi. ³³ Tsogn gaami tǝ yatl tǝ laatsǝ beɗ tǝ gi vetn wo laatsǝ hŋ. ³⁴ Beɗ tǝ gi ɗaghǝnɗa nǝ gamawan, duryo tu a gaa laaɓkǝn raa wan mǝn hŋ tǝ ngǝtn tlyaaghǝn zha darndu tǝ tlyaaghǝn kusǝŋsǝ wugn, tǝ vuughǝn tsǝtngǝn yaawon, duryo tu dzaŋǝi wo yetl ki gaam gaɓak ɗaŋ ngǝtn ngaɓkǝn. ³⁵ Durghǝ tu wo man a gaam ko nuu ɗaŋ caa sǝǝghǝn abyir ɗeɓaɗ ɗǝgn. ³⁶ Beɗ tǝvgi tsǝtnvgwaan ko kilivgyo, kiyi kara Cogn duryo tu a ɗya ty tlyaghǝn ɗaŋ ka dal ɓuruk ngǝrshi gya gin ɗaŋ tǝ fi, tǝ yo ɗaŋ ka dlǝǝr a ken ŋaa zaar.'' ³⁷ Tǝ dzaŋ a ta ya zhiɗ giɓ vin ladi, tǝ kaviɗ a ta ya nyol tlǝn tsǝtn a dulghǝ puus kǝ Zaitun. ³⁸ Ɗeɓaɗ zarsǝ tǝǝ ta ya man tǝ taaghǝ ɓintli tǝ wum tǝ giɓ vin laɗi.