¹ Dzaŋ gin on Yesu a fu mǝǝri dǝnwos vi yo ɗaŋ wo gid shi tu, a ndara ci yi kara Cogn a ko kili gyo,laa tǝ ɗuushi hǝŋ. ² A wultu, "Murghǝ ɗǝǝlghǝn vi won ta yi ɗa, a yatl won , ɗaŋ ca ci vǝrtǝ Cogn von hǝŋ,caa mbi gon nǝ ngǝtn won hŋ. ³ Ɗa yatli ɗaŋ gǝdwon ɗa ɗan ɗaŋ turwos a mǝshi, gyo ɗaŋ a ta man a murghǝ dɗǝǝl ghǝn vies , caa kara tǝ tu, 'som ɗa akab ghǝtan mǝni ɗaŋ tǝ mwabmi !' ⁴ Keni a nyaŋngas, bed tǝ gi ɗa kari , a wultu a raa wos tu,'Bed ɗaŋ tu mya ci vǝrtǝ Cogn von hŋǝi , ⁵ mafi taas ɗa tu mǝ yeli tu, a tu ngǝtn yo ɗaŋ caa karai, nǝ suryo tu manghǝn woshi ɗa dulitǝ nɗam mǝni a dli hǝŋ." ⁶ She Daaghǝ dǝn wultu, " Wummǝn ghǝn yo ɗaŋ kuskǝ murghǝ ɗǝǝlghǝn vi wul. ⁷ To zaarsǝ ɗaŋ Cognvon bwaashi, caatlǝǝrtǝ ngwarghǝn mǝn dzaŋ tǝ kavid, wo fishi ngǝtn mǝn ɗa giiri hŋaa? ⁸ Mya fuuki , wo fishi ngǝtn mǝn ɗa giiri, motl -motl ma . Bed tǝ gi ŋaa zaar ya sutǝɗi , wo man tu murghǝ caa gǝn raayi ɗǝgha?" ⁹ Yesu man fuushi vi gkn ɗa a dukgam zarsǝ gya gi ɗaŋ caa mbi gama wasǝŋ tu cinǝ zarsǝ taŋ-taŋ , ciyi kyamas zarsǝ ɓuruk , ¹⁰ a wul tu, "Zarsǝ won mbǝlǝm ci ɗa, ɗaŋ tǝ tlǝdǝn Cogn von tǝ kara tǝ. Gon a gibi wasǝŋ , nǝ mǝn Farisawa won, kashes nǝ murghǝ kabkǝn zhakka. ¹¹ She Farisiwa a shishi dlǝrni,a ngub karaghǝn Cogn, ca wul tu ," Cognvon ,mǝ nyar ghǝ mǝn , mini ghǝn ɗa gya gon hŋ , mǝrǝŋsǝ ,mwabkǝn zarsǝ nǝ tlyaghǝni mǝn labkǝn guɗi .Mi ghǝn ɗsŋ murghǝ kabkǝn zhakka hŋ. ¹² Mya ngab vi tǝ mbǝlǝm a ko mbudkǝ watsǝmai gyo ,mya ndǝr mǝ dǝni dzub nǝ koni ɗaŋ mya tu.' ¹³ She murghǝ kabkǝn zhakkas a dlǝǝr gos ɗi ɗongai a kǝǝm mbi yir gaami hŋ bed , nǝ raaghǝ jiɗaŋ yir, yi vod gǝǝb wos yi wul tu, Cognvon yel gwanndan, myan murghǝ kuskǝ ghǝn! ¹⁴ Yesu wul tu, mya fuuki tu, yan murghǝ kbkǝn zhakkas ǝŋ a suutǝ ɗa tǝ dǝn ,ci nǝ murghǝ kuskǝ chǝn hŋ a ken ghǝ Cogn von , ɗaŋ kamshi murigi hŋ. Yan tu ɓuruk muryo ɗaŋ ya luu gamashi , ta sular tǝ ngǝtn won hŋ . Bed tǝ gi, konu ɗaŋ ya mbi gamas ,nǝ chǝnwln hŋ,ta luuti. ¹⁵ Gya gon tǝ lǝǝ mǝǝri wasǝŋɗi nǝ duryo tu Yesu tǝ gǝmshi mbuni mǝn . Ɗaŋ mǝǝri dǝnwos tǝ t'yel cig , she tǝ ngub shi dlwaaghǝn yer. ¹⁶ Bed tǝ gi Yesu cim mǝrghǝ mǝǝes ɗi , awulshi tu , gaan mǝǝri tǝ man ɓassǝm. Ɗaghǝn shi ghai hŋ. Ɓanndǝŋ ,guŋdǝ Cogn von nǝ gwaasǝŋ. ¹⁷ Jom- jomi, mya mya fuuki ɓuguk , muryo ɗaŋ ysla kab guŋdǝ Cognvon ɗaŋ kǝ ŋaa-ŋaa hŋ, wo kǝǝm nda ɗa gibi hŋ ¹⁸ Mǝn var Yahudawa won a ced Yesu, a wultu, " Mallǝm , murghǝ mbuni, mafi wuri ghǝnda ma tu rai nǝ byede?" ¹⁹ Yesu ced tǝ a wul tu , 'Ni ǝŋ a caa kǝ cim tu murghǝ mbune? She Cogn von gǝtn wos. ²⁰ Kyan de kayisŋ ngǝtn yo ɗaŋ de ci waari.Alaab guɗi hŋ , a ci mǝr hŋ ,A̵ tlya zha mberni mǝn hŋ .A luu gya Daagwatǝ naagwa ." ²¹ Mures wul tu , "Ɓannɗǝŋ ɗaŋ minǝ ŋaa ,ma dyaarɗa nǝ ghǝrshi gya gin ɓuruk. ²² Tǝ wumghǝn cig she Yesu wultu ,"Ngǝtn ɗa namboŋ ɗaŋ a naaghǝ mǝn ɗaŋ kafi. Ɗibar koni ɗsŋ kǝ yir , aɓǝǝl gya nakui mǝn , ka tu ghǝn gaami tsoŋ, ǝŋ nda a man laabm ɗi. " ²³ Tǝ wum ghǝn vi gin ,she mures raa wos ta malari,dur yo tu mures cinǝ murghǝ tughǝn na vik lei hŋ. ²⁴ Ɗaŋ Yesu yel raa maraghǝn wos,she a wul tu," Wo naa tǝ ɗakkǝn nǝ na vik lei hŋ, ɗaŋ mǝn tughǝn tǝ tundaghǝn a guŋndu Cognvon! ²⁵ A mob swaaɗi ɗaŋ Rakumi tǝ nda a giir alura ɗaŋ murghǝ tughǝn tǝ nda a guŋdu Cogvon." ²⁶ Zarsǝ ɗaŋ tǝ wum vi gini, tǝ ced tǝ tǝ wul tu," Ǝŋ yan yi cig , nǝ nu ghǝn wo tu vumghǝni yo? ²⁷ Yesu wultu,"Ngǝtn yo ɗaŋ a ɗak zaar nǝ ghǝ ndzaŋraŋ ,wo ɗak Cognvon hŋ." ²⁸ She Bitrus wultu, "Ya ghǝni, maa ga dǝnsǝ womɗi mǝ laabkǝ." ²⁹ Yesu wultǝ tu, " Ma yisǝŋǝi cig ,myandǝr mǝ fuuki tu, gon won ɗaŋ wo gaa dǝnwosa,nǝ gǝdwosa ,nǝgya na ŋaa wosa, nǝ mǝn ɓwaaghǝn wosa ,nǝ mǝǝri wosa,nǝ durghǝ guŋdǝ Cognvon, ³⁰ ǝŋ ndatǝ na tu a tu monda a dǝghǝn hǝŋ, rai kǝ ndok-ndoki a ɗǝghǝn ɗaŋ ca maghǝnɗi." ³¹ She Yesu tlǝǝrshi yaŋ shi dzubtliti mbǝlǝŋeshi avik laŋshi tǝ namboŋ , a wul shi tu, "Yanghǝni mya tlǝni Urshelima, lǝb yo ɗaŋ koni ɗaŋ mǝn shighǝn Cogn tǝ dlyaad a dulgam ŋaa zaar wo nai jomi. ³² Ta vǝrti a taas mǝn yo ɗaŋ cinǝ Yahudawa hǝŋ, ta ryaa tǝ,ta fiir tǝ forǝm, tǝ nɗǝr tǝ pyatsǝ tǝ nyogn vi. ³³ Ta vodtǝ tǝ ɓobtsǝ,tǝ ndǝr ta ɗuti ,bed tǝ gi a dzaŋi kǝ mayes wo shishi. ³⁴ Bed tǝ gi mǝǝri dǝnes tǝ ngab gaam vies ɗaŋ Ysu wul hŋ ,tǝ waadshi dek vies mǝni ,yan aca tǝ ngab gaam vies hŋ. ³⁵ Ɗaŋ Yesu na mel tǝ Jeriko, she dwaan won ghǝnin, cigha tsǝtn ghǝn a vik datǝpm, cigha karaghǝn ngǝtn. ³⁶ Ɗaŋ a wum zasǝ monda cigha laatsǝghǝn ,she a ced tu ko nǝ ni ǝŋ caagha fighǝne? ³⁷ Tǝ wul tǝ tu, "Wui, Yesu mǝn Nazaraɗi ǝŋ cigha laatsǝghǝnio. ³⁸ She dlaar vi tlya -tlya awul tu, " Yesu ,kuni Dauda ! yel gwaadan." ³⁹ She gya gon ɗaŋ ciɗa keni tǝ dlwaatǝ yer tu tǝ mwali, a ciken tǝ ngwarghǝn tlya-tlya, "Kuni Dauda yel gwanndan." ⁴⁰ She Yesu dlǝǝri, tǝ lǝǝr tǝɗi ɓastǝ . Yesu ced tǝ tu, ⁴¹ "Ni ghuŋ kya suu mǝ fighǝ mǝne ?" She dwaanes a suɗa ,a wul tu , "Daaghǝdǝn ,mya suu mǝ yaali." ⁴² Yesu sutǝ ɗa, a wultu,"Kab yalghǝn wa. Caaghǝn raa wa a fudkǝi. ⁴³ Kyad ɗa ɗan ,a yaali, a laab Yesu, cigha zhimghǝni Cognvon . Ɗaŋ zarsǝ tǝ yel gi, she ɓuruk tǝ luu Cognvon.