¹ Yesu wul mǝǝri dǝnwos tu, "Murwon ɗa nǝ murghǝ tuughǝn ɗaŋ citǝ murghǝ shinghǝn wos, she tǝ tlǝr vii wos tǝ wul tu murghǝ shingǝnes caa malar tǝ tuughǝn wos mǝn. ² She murghǝ tuughǝnes a cimtǝɗi wultǝ tu nǝ vii muri ni ngǝtn mya wum adul game? Lǝr ɓotso laa yo ɗaŋ kafi.Durghǝ tu ka man naa ni murghǝ fighǝn latn ɗa hŋ. ³ She murghǝ shinghǝn woshes a wul araa wos tu ,mafi wuriɗaŋ murghǝ dǝnetn wo kaɓ laas shi a taasate? Yaghǝni mitǝ tlyaghǝn kǝ kitn gii ghǝn hŋ. Ma wum dzuun nǝ kara ghǝn ngǝtn. ⁴ Mayisǝŋ ngǝtn won ɗaŋ mafi ǝŋ ya nyolarmi a laatn, zarsǝ ta kabmi a dǝnsǝ wasǝŋ.' ⁵ She mures a cim ko namboŋi wasǝŋ gyo ɗaŋ mutghǝ dǝnwos caa laɓ tǝ wutɓa , a wul kǝ kenes tu, wuri murghǝ dǝnetǝn caa laɓke? ⁶ Awul tu,' shalaŋ miir kuri ,she a sutuɗa,tu tagarda ghǝnin motlak tsǝtni dlyaad tashi nandam." ⁷ A wul gon ɗa ,"Wuri ngǝn caa labke? A wul tu kerkenn kuri kǝ tsǝǝr alkama . A wul tǝ tu ngab tagartawa ngǝni a dlyaad tashi tantan. ⁸ She murghǝ dǝnes a nyaar mures mǝn ɗaŋ cinǝ kuushi nǝ durghǝ saghaɗ kǝn wos .Yan tu Mǝǝrimǝn ɗǝgn tǝ mob mǝǝri lǝb yali saghadkǝn a ysǝnghǝn wasǝŋ. ⁹ Mya fuuki tu ngabǝn kamdǝ kǝ tughǝn tǝ ghǝ jom-jomihŋ. Nǝ dughǝ tu ya ɓani tǝ kabki wania dǝnsǝ wasǝŋ kǝ mɓed -mɓedi. ¹⁰ Gyo ɗaŋ cinǝ zaar mbuni a ngǝtn ŋaa jwatn, nǝ zaar mbuni a ngǝtn vari ;gyo ɗaŋ cinǝ murghǝ jom -jomi hŋ a ngǝtn jwatn nǝ murghǝ jom- jomi hŋ angǝtn vari. ¹¹ Ǝŋ kya fi ngǝtn mbuni tǝ tuughǝn zaaryo ɗaŋ cinǝ mbuni hŋ, Nuughǝn wo kabkǝ mǝni tǝ tuughǝn na jom -jomme? ¹² Ǝŋ kyaa fi ngǝtn mbuni tǝ wurba gya gon hŋ, Nuughǝn wo verki wurɓa won ɗaŋ nǝgwano? ¹⁴ Farisawa gya gyi ɗaŋ caa suuwurɓa tǝ ta wum ghershi gya gini, tǝ ta kyamastǝ. ¹⁵ She a ta wulshi tu, " Kyani ghuŋ kyaa su a gid a ken zaarsǝ tu kini zarsǝ mbuni ,bed tǝ gi Cogn ayisǝŋ raa wani. Ngǝtn yo ɗaŋ zarsǝ caa luutǝ nyaŋ-nyaŋ nǝ ghǝn ghǝ nyaaŋ aken Cogn. ¹⁶ Mborki ghǝ Musa tǝ tagarda mǝn shinghǝn Cogn tǝ tayi gha laa she ɗaŋ Yohanna man. A ngubɗi a kili gin tǝ ta ŋaalar vii wusni kǝ guŋdǝ cognvon , konu cigha vaaghǝn wos tǝ nda ɗa gibi. ¹⁷ Bed tǝ cig, wo mob swaad tsogn tǝ yatl tǝ ɓani , ɗaŋ ko ɗokǝn namboŋ kǝ mborki Musa tǝ lab zha. ¹⁸ Ɓuruk gyo ɗaŋ ya gǝm gǝɗi woshi akab gin da ,a fini mbǝllǝ, muryo ɗaŋ a kab gǝd yo ɗaŋ cinǝ gǝm ghǝni caa fiinǝ mbǝllǝ. ¹⁹ Murwon ciɗa ,ɗaŋ ca caa lǝŋsǝ kǝna ɗuughǝn gǝǝɓi ,citǝ wurɓa cigha tsǝtn gǝn wusni ko dzaŋgyo. ²⁰ Caa gaa murwon ɗaŋ cinǝ nakui a kenɓǝlǝŋ wos ,ɗaŋ sǝm wos tu Liazarugyo ɗaŋ ɓuruk dlii wos nǝ wushi. ²¹ Yanes caa su tǝ ci ɓubti ghǝn cighǝn gyo ɗaŋ caa shiɗi a dakci mures .Hal kaɗaŋshi caa man nǝ ɓadkǝn wushes. ²² Ɗaŋ ciɗa she nakuiyes ta mǝshi, zhipti ghǝ shighǝnCogn tǝta man mbiti tǝ tlǝrti a gǝǝb Ibrahin . Murghǝ tughǝnes ma a ta mǝshi tǝ gii ti. ²³ ciɗi nyemri caa tlyaaghǝn forǝm, she ambi yir a yel Ibrahim ɗi ɗonngai tǝ Liazaru a taas wos . ²⁴ She a cim a wul Daa Ibrahim,yel gwanndan a shin tǝcaa ŋaa taas wos a zha tǝ diim risǝŋan mǝni, durghǝ tu mya tlyaghǝn forǝm gibkǝ wuɗɗǝn. ²⁵ Bed tǝ Ibrahim a wul tu, 'Kuni ,ɓitalghǝ a tsǝtn wa kǝ ɗǝgn kaa ta ci tuughǝn wa ,ka kaɓ ghǝn ndarara.bed tǝ Liazaru gos she buŋghǝni. Bed tǝ gii ɗaŋngǝni tsǝtnghǝn wusni kǝn cighai , kyan nguŋ kigha tlyaghǝ forǝm . ²⁶ Nǝ gii ngǝtnwos hŋ, giir adlei wopm cimki shoŋ-shoŋ durghǝ tu gya gon ɗaŋ vaa suu tǝ dlaar ɓaski tǝ kǝǝm hŋ. Yan tu gon wo kǝǝm dlaarɗi ɓasmk hŋ' ²⁷ She murghǝ tughǝnes a wultu 'Mya karaghǝ Daa,Ibrahim ,shin tǝ dǝn a gyaa murghǝ ɓwaaghǝnen - ²⁸ duryo tu mi tǝ yestan nandam,tǝ tlǝ tǝ tlǝn sǝǝd shi vii tu, tǝ man alǝb forǝmǝn hŋ.' ²⁹ Bed tǝ gii Ibrahim wul tǝ tu, ci tǝ gya Musa tǝ mǝn shighǝn Cokes ,gaa tǝ wumshi. ³⁰ She murghǝ tughǝnes a suɗa tu, Yei Daa, Ibrahim, ǝŋ gon agib mǝn mǝskǝn ya tlǝ ɓashi ta kab nɗadkǝn wasǝŋǝi. ³¹ Bed tǝ gi Ibrahim wultǝ tu, 'Ǝŋ yaan hal ta wum Musa tǝ mǝn shinngǝn Cikes hŋ, gin ya shishi a mǝn mǝskǝni ma wo tlyashi raa mǝn hŋ.'"