¹ To ɓuruk mǝn kabkǝn zhakka tǝmǝn fighǝn kusǝŋsǝ ngǝtn tǝ taya man a Yesu ciyi wum nghǝtn yo ɗaŋ caa kon. ² Ɓuruk Farisawa tǝ mǝǝn dlyaadkǝn,cigha mbolghǝn a dlǝŋse wasǝŋ ci yi wul tu " Daashin caa kab mǝn fighǝn kusǝŋsǝ ghǝtn ,hal caa hal caa ci nghǝtn cighǝn cimshi." ³ Yesu kon nghǝtn ghǝ gidkǝn gin wultu, ⁴ " Ǝŋ yan gon wan citǝ tǝmsa kuri, she namboŋ mali mya wulyu wo gaa tashi twaknandam tliti toknandam mǝn ɗa laar lyaghǝnes tli nǝ paŋngǝn namboŋes ,she ya tuti hŋ ŋaa? ⁵ Ǝŋ ya tuti she mbitǝ a jaŋyer ghǝnnda yi poltǝ. ⁶ Ǝŋ ya sutǝɗi dǝn wo cim gya kamtsashi tǝ gya gon ɗaŋ dǝn wasǝŋ mel wulshi tu,' sommǝnnda nǝ polghǝn durghǝtu ma tu tǝmmati ɗaŋ a mali. ⁷ Myaa fuuki, cig kǝŋ tafi pokghǝn tsoŋgaami, a dulgaam murghǝ kuskǝ ghen ɗaŋ a kab ndadkǝnwos. ⁸ Ko gǝɗi gyo ɗaŋ, ɗaŋ citǝ azurfa dzub ,ǝŋ namboŋ ya mali wo ngab wuddi tud Dǝneshi yi ŋaal tǝ,she ya tuti hŋaa? ⁹ Ǝŋ hal ya tuti she tǝ jwaam gya kamtsashiɗi tǝ gya gon ɗaŋ dǝn wasǝŋ yi mel cimshi, she tǝ wulshi tu sommǝnɗa nǝ polghǝ nǝ durghǝ tu ¹⁰ ma tu wurba ti ɗaŋ amali. Cig kǝn myaa fuuki wo naa nǝ ngǝtn ghǝ polghǝn a mǝn shigǝn Cogn ǝŋ murghǝ kuskǝ ngǝtn namboŋ ya kab ndadkǝnwosui." ¹¹ She Yesu wultu ," Murwonɗa tǝ meri monci mbǝtlǝŋ , ¹² she ŋaa jwaates wul Daagos tu' Daagǝn, vǝṛǝm duuli ghǝn di ghai a gibkǝ ghen yo ɗaŋ kǝyir. She daagwasǝŋ a ɓǝlshi tughǝn wos a dle wasǝŋ. ¹³ Tǝ mbudkǝn jwatn ,she kǝ jwates a jwaam ghǝtn yo ɗaŋ atu , a ngab tǝpm a tli a yatl won fum-fum. Ɗa ɗani a ɗu wurɓa woshi ,caadiip nghǝtn yo ɗaŋ wo vumtǝ hŋ, ndǝr ɗu wurbas a ghǝtn ghǝ ɓendǝmi. ¹⁴ Ɗa kaari yi ɗaŋ a ɗu ɓuruk nghǝtn yo ɗaŋ ayir, she dǝllǝ kusuŋ won a ndai ɗa yatli she andai a buŋngǝni. ¹⁵ She a tlǝn vǝr gamas nǝ laa a murwon ɗa yatli, she shintǝ akitn wos nǝ durghǝ tu ci vǝr alede ghǝn cighǝn. ¹⁶ Hal tǝ polghǝn cayi cia gibkǝ nghǝtn yo ɗaŋ gya Aledes caa ci durghǝ yotu gon ca vǝrtǝnghǝtn ghǝ cighǝn hŋ. ¹⁷ Bed tǝ gi ɗaŋ raa wos sutuɗi ,a wul monsǝ kǝ daagǝtn ci wuriɗaŋ citǝ ngǝtn ghǝ cighǝne, bed tǝ miɗuun amǝskǝn nǝ durghǝ kusuŋ! ¹⁸ Ma shishi ma sum a daagǝtn, mǝ wultǝ tu," Daagǝtn mafi Cogn kuskǝ ngǝtn mǝn mandǝr mǝ mali ɓaskǝ. ¹⁹ Mǝ kǝǝm tǝ cim ɗa tu minǝ kuni wa ɗa hŋ, sularmi a gibkǝ monsǝ waai." ²⁰ She a shishi tli a daagos .Bed tǝgii ɗaŋ ɗyagas tǝɗi ɗoghai , she daagos a yelti ɗi ,she aywl gwanndǝwos,she a kir motlak tlǝn ngabti rumtsuk tǝ ngab dlǝŋsǝ wasǝŋǝi. ²¹ Kunes wultǝ tu ' Daagǝtn ,ma fi kuskǝ ngǝtn Cognvon mǝn ma malarghǝ raa mǝni. Mǝ tul tǝ man cim tu kuni wa ɗa hŋ.' ²² Bed tǝ gii, daagos wul monsǝ wos tu,'Motlak lǝrǝntǝ lǝŋsǝ kǝ ndarani a caan tǝ mǝn ,caan tǝ sari monde a taas wos,tǝ caatǝ kwate a yasǝŋ wos. ²³ Ɗaŋni ngab ŋaa gaali ɗi laɓ-laɓi a gyeri mǝ fi belak kǝ polghǝn ghai. ²⁴ Ɓanndǝŋ a ta mǝshi ,bed tǝ giɗaŋnghǝni ciɗa gwaam . Ɓanndǝŋ a ta mali ,bed tǝgi ɗaŋnghǝni maa tuti." she tǝ ngub belakes. ²⁵ A kili gi ŋaawos kǝ vari a ta yiɗi a kitn. Ɗaŋ a ta tuli ɗi mel dǝn , a ta wum cigha vudkǝn gul tǝ ngil waghǝni . ²⁶ She a ta cim moni gon ɗa dǝnes ced de ghǝrshi gya gin. ²⁷ Mones wul tǝ tu yasai ǝŋ a sutuɗi dǝn ǝŋ murghǝ bwaaghǝn waani a ngyertǝ gaali gi mǝn lab-laɓi, duryo tu a sutuɗi dǝn byatl-byatl.' ²⁸ Bed tǝ gii a ta tli yeshes , a ta nyaŋngas tǝ nda gibdǝn , daashes a ta nyolɗi ma karatǝ. ²⁹ ŋaa kǝ vares a ta su daagos ɗa tu, ' Yeli ɓuruk lǝdkǝn vonin ɗaŋ mya buŋghǝmǝn, ma kyamaskǝ hŋ, bed tǝ gi dzaŋgon ɗaŋ ka vǝrǝm ko ŋaa mad mǝ ngyer mǝ ci tǝ hya kamtsatn hŋ. ³⁰ Bed tǝ gii ɗaŋ kuni wan man, ɗaŋ a malar tughǝn wai a guuɗi mbenndǝmi,kǝ nger tǝ ŋaal gi mǝn laɓ-laɓi.' ³¹ She daagoshes a wul tu,'kunentn, ai ko dzaŋ gyo mi cimghǝ, ɓuruk nghǝtn won ɗaŋ nǝ gǝtn nǝ gwaa. ³² Bed tǝ gii a ndara tǝ polmi nyaŋ-nyaŋ durghǝ tuyes wan a ta mǝshi, bed tǝgi ɗaŋni a sutuɗi gwaam ,a ta mali ,bed tǝ gi ɗaŋni ta tu ti."