1
۱۔اونہاں ساریاں دا کٹھ اُٹھیا تے یسوع کوُں پیلاطس کنے گھِن آئین۔
2
۲۔اُنہاں اوُندے اُتے اے آدھیاں ہووئے بہتان لاون لگ گئے کہ اے بندہ ساڈی قوم کوُں راستے کنے ہٹاداں وَدے۔ وَلا اے آہدے قیصر کوں عزت نا ڈیوؤ۔ تے اے اپنے آپ کوں مسیح بادشاہ آدھے۔
3
۳۔پیلاطس اوُں کنے پوچھا تے آکھیا۔ ''کیا توُں بہودیاں دا بادشاہ ایں؟'' یسوع اوُں کوں وَلا جواب ڈِتا تے آکھیا ''پس توُں ایویں آدھیں''۔
4
۴۔پیلاطس وَڈے کاہناں تے اوُں کٹھ کوُں آکھیا ''میں ایں بندے وچ کوئی قصو نظر نئیں آیا۔
5
۵۔لیکن اوہ اے آدھے ہوے اوُں کوُں بےبس کرن پئے گئے کہ سارے یہودیہ وِچ بلکہ گلیل کنے گھِن کے اِتھاں تک ساریاں لوگاں کوُ سکھا سکھا کے ساڈے خلاف بھڑ کائے۔
6
۶۔ ایہہ سُن کے پیلاطس پُچھیا اے بندا گلیلی ہِے؟
7
۷۔جیہڑے ویلے اوُں کوں اِیں گالھ دا پتا لگ گیا کہ اے بندا ہیرودیس دے طاقت دے تھلے ہا اَتے اوُں یسوع کوُں ہیرودیس کنے پٹھیا، اُنہاں ڈیہاں اوہ آپ وی یروشلیم وِچ ہا۔
8
۸۔جیہڑے ویلے ہیرودیس یسوع کوُں ڈیکھیا تے اوہ بہوں خوش تھیا، کیوں جو اوہ بہوں ویلے تھوں یسوع کوں ڈیکھنا چاہندا ہا۔ اوُں یسوع دے بارے وچ سنایا ہا تے او اے چاہندا ہا کہ اوہ اوُندے اَگوں کجھ معجزے ڈیکھاؤے۔
9
۹۔ہیرودیس یسوع کنے بہوں سارے سوال کیتے، پر یسوع اوُں کوُں ہک وی جواب نہ ڈِتا۔
10
۱۰۔صدوقی تے سردار کاہن کھڑے تھی گئے تے بہوں زور نال اوُں کوُں قصور وار اکھیندے راہے۔
11
۱۱۔ہیرودیس اپنے سپاہیاں نال رَل تے اوُں کوں ذلیل کرن پئے گئے، اوُندا مذاق اُڑاندے راہے۔ وَل اوُں کوں چنگے کپڑے پوائے گئے، وَل یسوع کوُں پیلاطس کنے بھیج ڈِتاَ گیا۔
12
۱۲۔ہیرودیس تے پیلاطس اوُں ڈینہ دے بعد یار بن گئین( ایں کنے پہلے او ہک بئے دے مخالف ہَن۔)
13
۱۳۔وَل پیلاطس سردار کاہن وَلا حاکماں وَلا کٹھ آئے لوگاں کوُں ساڈیا۔
14
۱۴۔ولَا اُنہاں کوُں آکھیا تُساں اوُں بندے کوُں میڈے کنے گِھن آئے وے کہ اے بندا لوگاں کوُں بہکاون آلا آدھے ہوئے میڈے کول گھن آئے ہیوے، ڈیکھو میں تہاڈے سامنے اِیں دی تحقیقات کیتی ہِے پر جیہڑے الزام تُساں ایندے تے لائین میں ایِں بندے وِچ کوئی جرم نئیں ڈیدھا۔
15
۱۔ نہ تاں ہیرودیس نے وَلا ایں واسطے اوُں ایِں کوُں ساڈے کنے پیچھو تے پٹھیا گئے اَتے ڈیکھو ایں نے کوُئی ایہو جیہا کم نئیں کیتا جیندے پاروں اوہ قتل دے لائق ہووے ۔
16
۱۶۔ایں واسطے میں ایں کوں سزا ڈیساں تے وَل چھوڑ ڈیساں۔
17
۱۷۔ہر عید تے ضرور ہا کہ اُنہاں دے پاروں ہک قیدی کوں چھوڑے۔
18
۱۸۔لیکن او سارے رَل کے نعرے مارن پئے گئین کہ ایں بندے کوں گھِن ونجو تے براہا کوُں ساڈے کیتے چھوڑیا ونجے!
19
۱۹۔براہا او بندا ہا جیکوں شہر وِچ مخالفت تے لوگاں دے مارَن دے جرم وچ ڈھکیا گیاء ہا۔
20
۲۰۔پیلاطس ول یسوع کوُں چھوڑن دی مراد نال اُنہاں نال گالھ کیتی۔
21
۲۱۔پر اوہ وڈے نعرے مارن پئے گئے تے آکھن پئے، ایں کوں پھانسی ڈیو، ایں کوں پھانسی ڈیو۔
22
۲۲۔اوُں اُنہاں کوُں تریجھی دار آکھیا، ''اِیں نے کیا بُرائی کیتی ہِے؟ میں تے ایندے وچ کوُئی غلطی نئیں ڈیکھی جو اِیں کوُ مرن آلی سزا ڈتی ونجے، اِیں واسطے اِیں کوُں سزا ڈیون دے بعد چھوڑ دتا ویسی۔
23
۲۳۔پر اوہ ڈھیر زور نال نعرے مریندے راہے کہ ایں کوُں پھانسی ڈیون دا مطالبہ کریندے راہے وَل اونہاں نے پیلاطس کوں راضی کر گدا۔
24
۲۴۔پس پیلاطس نے اُنہاں دی گالھ کوں پورا کرن دا فیصلہ کیتا۔
25
۲۵۔ اَتے جیہڑا بندا بغاوت تےخون دے پاروں ڈھکیا کھڑا ہا اَتے جینکوں اُنہاں نےمنگیا ہا اوں کوں چھوڑ ڈِتے۔ لیکن یسوع کوں اُنہاں دی مرضی واسطے سپاہیاں کوں ڈے ڈتا گئے۔
26
۲۶۔جیویں ای اوہ یسوع کوُں گھن کے ویندے پئے ہَن۔ تاں اُنہاں شمعون ناں دے ہک بندےکوں پکڑ گِدا جیہڑا کہ دیہات کنے اہندا پیاء ہا، تے اوُں کوُ صلیب چوائی گئی کیوں جو اوہ یسوع دےپِچھوں آؤن پئے۔
27
۲۷۔ اَتے لوگان دی ہِک وڈی بھیڑاَتے بہوں ساری عورتاں جو اوُندے کیتے روندیاں تے پٹیندیاں اوُں دے پِچھوں آندیاں پیئاں ہَن۔
28
۲۸ُاُنہاں دے پاسے مڑدیاں ہویاں یسوع آکھیا یروشلیم دیاں دھیومیڈے کیتے نہ روؤ بلکہ اپنے بالاں کیتے روؤ۔
29
۲۹۔کیویں جو ڈیکھو، اوہ ڈینہ وی آسن جیندے وچ اوہ آکھسن خوش نصیب ہِن اوہ عورتاں جیہڑیاں بانجھ ہِن تے اوہ رحم جِنہاں تھوں بال نہ جمے اَتے اوہ چھاتیاں جِنہاں نے کھیر نہ پلایا۔
30
۳۰۔وَل اوہ پہاڑاں کوُں آکھسن، ساڈے اُتے ڈھ پوؤو جھاڑیاں کوں آکھسن ساکوں لُکا گھنو۔
31
۳۱۔ایں واسطے جئے کر اے ساؤے درخت نال ایویں کریندے ہِن تاں سُکے نال کیا تھیسئی؟۔
32
۳۲۔اوبئے ڈو جرم آلے وی جینکوں مارن دا حُکم ڈتا گیا ہا او وی یسوع نال چلدے پئے ہئن جو قتل کیتے ونجن۔
33
۳۳۔اُو اوں جاہ تے پوجھ گئین جیہڑی جاہ کوُں کھوپڑی آکھیا ویندا ہا، جھتاں اُنہاں اوُں کوُں پھانسی ڈِتِی تے ڈاکواں کوُں وی، اُنہاں دے وچوں ہک کوُں سجے پاسے تے ڈوجھے کوُں کھبے پاسے پھانسی ڈِتی گئی۔
34
۳۴۔یسوع آکھیا، اَے باپ اِنہاں کوُں معافی ڈیوو کیوں جو اے نئیں جان دے کہ اے کیا پئے کریندِن وَل اِنہاں کپڑیاں واسطے وی پرچیاں پاتِیاں تے کپڑے ونڈیائے گئے۔
35
۳۵۔جیہڑے لوگ اوتھاں کھڑے ڈیدھے ہئن اُو اوُندا مذاق اوُڈیندے پئے ہئن کہ اے ڈوجھیاں کوُں وی بچاؤے، اپنے آپ کوں وی بچاؤے، اگر اے خدا دا چُنیا ہویا مسیح تے اوندا برگزیدا ہِے۔
36
۳۶۔سپاہیئاں وی اوندا ٹھٹھا کیتے، ول اوُندے کول آکے اوُں کوُں سرکہ ڈِتے۔
37
۳۷۔وَل آدھے پئے ہئن، کیوں جو اگر توُں یہودیاں دا بادشاہ اِیں تے اپنے آپ کوُں بچا گھن۔
38
۳۸۔اوُندے اُتے ہک تختی لایئن، ''اے یہودیاں دا بادشاہ اے۔
39
۳۹۔اوہناں بدکاراں دے وچوں ہک جیہڑے کوُں اوُندے نال پھانسی ڈتِی گئی اوندی بےعزتی کریندے ہویاں آکھیا، کیا توں مسیح نئیں؟ ''اپنے آپ کوُ وی بچا تے ساکوُں وی بچا''۔
40
۴۰۔ڈوجھے اوُں کوُں دڑکے ڈتے تے آکھیا، ؛؛کیا میکوں خدا دا ڈر نئیں، حالانکہ پکڑئے وی اوہو جرم وچ گئے ہئیں
41
۴۱۔ساکوں تاں ساڈے کیتے دی اصل سزا ملدی پئی اے۔ جیندے اساں حق دار وی ہئیں۔ لیکن اِیں بندے تاں کجھ وی ایہو جیا کم نئیں کیتا۔
42
۴۲۔اوُں وَل آکھیا، ''یسوع توں وَلا جیہڑے ویلے اپنی بادشاہی وچ آویں تے میکوں وی یاد کریں''۔
43
۴۳۔یسوع اوُں کوُں آکھیا،''میں سچ آدھا پیاں، توں اَج ای میڈے نال فردوس وچ ہوسئیں۔
44
۴۴۔ وَل ڈُپاہراں تھوں گھن کے تریجھے پہر تاک سارے مُلک اِچ اندھارا تھیا رہ گئے۔
45
۴۵۔ سِجھ دی روشنی مُک گئی اَتے ہیکل دا پردہ آدھ وچوں ڈُو حصے وِچ ونڈیا گئے۔
46
۴۶۔بہوں اُچی آواز وچ یسُوعؔ نے آکھیا، ''اے میڈے باپ مَیں اپنی رُوح تیڈے ہاتھاں وچ ڈیندا ہاں اَتے ایہہ آکھ کے دَم ڈے ڈِتے۔
47
۴۷۔جیہڑا کچھ تھیندا پیاء ہا جیہڑے ویلے صوبے دار اے ڈِٹھا اوُں وَل خدا دی تعریف کریندے ہوؤے آکھیاء، ''بالکل اے بندا تے سچا ہا''۔
48
۴۸۔ اَتے جیہڑے لوگ ایہہ نظارہ ڈیکھن کوُ آئے ہَن ایہہ ماجرا ڈیکھ کے چھاتی پٹیندے ہوئے واپس لگے گئے ۔
49
۴۹۔لیکن اوُندے جانن آلے تے اوہ عورتاں جیہڑیاں گلیل کنے اوُندے نال ہن او کچھ پرے کنے کھڑے، تھی کے اے سارا ماجرا ڈیدھے پئے ہَن۔
50
۵۰۔ڈیکھو، اوتھاں ہک یوسف ناں دا بندا ہا اوہ ہِک مُشیر ہا اوہ ہک نیک تے سچا تےراستباز ہا۔
51
۵۱۔او اوہناں دے ایں فیصلے دے کم کنے راضی نہ ہا۔ اوہ ارمتیہ دا راہئن آلا ہک یہودی شہری ہا۔ جیہڑا خدا دی بادشاہی دی راہ تکن آلا ہا۔
52
۵۲۔اوُں بندے نے پیلاطُس کول ونج کے یسوع دی لاش منگی۔
53
۵۳۔اوُں یسوع کوں لہا کے ہِک قیمتی چادر اِچ لپیٹیا، وَل اوں کوُں ہک قبر وِچ رکھیا جیہڑی ہک چٹان وِچ بنی ہوئی ہا اُتھاں پہلے کئیں کوُ وی نہ رکھیا گیا ہا۔
54
۵۴۔اے تیار تھون دا ڈینہ ہا وَلا سبت دا ڈینہ شروع تھیون آلا ہا۔
55
۵۵۔جیہڑیاں عورتاں گلیل کنے اوُندے نال آئیاں ہَن اوہ پیچھوں رہ گیاں تے قبر کوُ ڈِٹھا کہ کیویں اوُں کوں رکھیا گئے۔
56
۵۶۔اوہ پیچھوں تے آگیاں تے خشبودار شئیاں تے عطر تیار کیتا۔