1
۱۔ہَن عید فیطر دا ویلہ نیڑے ہا جیہڑی عید فسحَ وی اکھواندی ہا۔
2
۲۔سردار کاہناں تے فقیہاں نے آپس اِچ مشورہ کیتا کہ اوہ کیویں یسوع کوُ ہلاک کرن، پَر لوگاں تھوں اوہ ڈر دے ہَن۔
3
۳۔ وَل شیطان یہوداہ اسکریوتی وِچ وَڑ گیا جو اُنہاں بارہ وِچوں ہک ہا۔
4
۴۔یہوداہ سردار کاہناں تے سرداراں دے کول گیا اَتے مشورہ کیتا کہ کیویں یسوع کوُ اُنہاں دے حوالے کرے۔
5
۵۔ اوہ بہوں خوش تھی گئے اَتے اوُں کوُ پیسے ڈیون تے راضی تھی گئے۔
6
۶۔اَتے اوہ موقع دی تلاش اِچ ہا کہ جڈاں یسوع دے کول بھیڑ نہ ہوئے تاں اوہ یسوع کوُ اُنہاں دے حوالے کرا ڈیوے۔
7
۷۔ وَل بے خمیری روٹی دی عید دا ڈیں آیا جیندے وِچ فسَح دا برہ ذبح کرنا لازمی ہا۔
8
۸۔ یسوع نے پطرس تے یوحنا کوُ ایہہ آدھے ہوئے گھلیا"ونجو ساڈے کیتے فَسح دا ٹُکر تیار کرو تاں جو اساں کھاوں۔"
9
۹۔اُنہاں نے اوُندے کولوں پچھیا"اساں کِتھاں تیڈے کیتے تیاری کروں؟۔
10
۱۰۔اوُں نے اُنہاں کوُں جواب ڈِتا"سنو جیہڑے ویلے تُساں شاہر اِچ وڑسو تاں ہک بندہ تہاکوُپانی دا گھڑا چاتے ہوئے مِلسی جیئں گھر اِچ اوہ ونجے اوُندے پچھوں لگے ونجنا۔
11
۱۱۔وَل گھر دے مالک کوُ آکھنا"استاد آدھا ہے اوہ مہمان خانہ کِتھاں ہے جِتھاں میں اپنے شاگرداں دے نال فسح کھاساں ؟"۔
12
۱۲۔ اوہ تہاکوُ ہک سجا سجایا اُتے عالیٰ کمرہ ڈکھیسی۔"اُتھاں تیاری کرائے۔"
13
۱۳۔وَل اوہ گئے اَتے اُنہاں نے اوُں ویں اِیں ڈِٹھا جیویں اُنہاں کوُ ڈسایا گیا ہا وَل اُنہاں نے اُتھاں عید فَسح دا کھانا تیار کیتا۔
14
۱۴۔ جڈاں ویلہ آگیا کہ اوہ اپنے شاگرداں دے نال باہوے۔
15
۱۵۔ وَل اوُں نے اُنہاں کوُ آکھیا "میڈی بڑی آرزو ہا جو ڈُکھ برداشت کرن تھوں پہلے میں ایہہ فَسح تہاڈے نال کھاواں۔
16
۱۶۔اِیں کیتے میں تہاکوُ آدھا ہاں کہ "وَل تہاڈے نال نہ کھاساں جڈاں تایئں کہ ایہہ بادشاہی پوری تھی نہ ونجے"۔
17
۱۷۔ وَل یسوع نے ہک پیالہ گِدا اَتے جڈاں اوہ شُکر کر چکے تاں آکھیا۔"ایہہ گھنو اَتے آپس اِچ ونڈ گھنو"۔
18
۱۸۔اِیں کیتے میں تہاکوُ سچ آدھا ہاں "میں وَل انگوراں دی مَے دوبارہ نہ پیساں جڈاں تایئں خدا دی بادشاہی نیئں آ ویندی۔
19
۱۹۔ وَل اوُں نے روٹی گھِن کہ اَتے شکر کیتا تے روٹی توڑی ۔اَتے اُنہاں کوُ ڈِتی ایہہ آدھے ہوئے کہ ایہہ میڈا بدن ہے جیہڑا تہاڈے کیتے ڈِتا ویندے ۔میڈی یادگاری اِچ ایویں ہی کیتا کرو۔
20
۲۰۔ایویں ہی اوُں نے کھاون دے بعد پیالہ وی ایہہ آدھے ہوئے ڈِتا کہ "اے پیالہ میڈے خون اِچ نواں عہد ہے جیہڑا تہاڈے کیتے بہایا ویندے۔
21
۲۱۔میڈے وَلے ڈیکھو، جیہڑا میکو دھوکا ڈیندا ہے اوہ میڈے نال میز تے ہے۔
22
۲۲۔ابنِ آدم تاں جیویں اوُندے بارے اِچ آکھیا گیا ہے ''وینداای ہے'' پر افسوس اوُندے تے جیندی وجہ تھوں اوُں کوُ دھوکا ڈِتا گیا۔
23
۲۳۔اَتے اوہ آپس اِچ ہک دوجھے نال سوال پچھنا شروع تھی گئے۔ کہ انہاں وچوں کون ہے جو ایویں کرن آلا ہے۔
24
۲۴۔وَل اُتھاں اُنہاں دے وچ محث چھڑ گئی کہ اُنہاں وچوں وڈا کیہڑا ہے؟۔
25
۲۵۔یسوع نے اُنہاں کوُ آکھیا غیر قوماں دے بادشاہ اِنہاں تے حکومت کریندے ہِن اُتے جیہڑے اُنہاں تے اختیار رکھیندے ہِن عزت دے لائق حاکم اکھواندے ہن۔
26
۲۶۔پَر تُساں ایویں نہ کرنا، بلکہ جیہڑا تہاڈے وچوں وڈا ہوئے اوہ ساریاں تھوں نِکا ہے۔ اَتے تہاڈے وچوں جیہڑا خاص ہوئے اوہ ڈوجھیاں دی خدمت کرے۔
27
۲۷۔تاں کون وڈا ہے، اوہ جیہڑا میز تے باہندا ہے یا اوہ جیہڑا خدمت کریندا ہے؟ کیا ایہہ نیئں جیہڑا میز تے بیٹھا ہے؟ میں ہالی تک تہاڈے وِچ ہک خدمت کرن آلے دی طرح ہاں۔
28
۲۸۔پر تُساں میڈی آزما نشاں اِچ ہر ویلے میڈے نال راہے ہو۔
29
۲۹۔مَیں تہاکوُں ہک بادشاہی ڈیندا ہاں جیویں میڈے باپ نے میکوُ ہک بادشاہی ڈِتی ہے۔
30
۳۰۔تاں جو تُساں میڈے نال میڈی بادشاہی اِچ کھاوؤ تے پیوؤ۔ اَتے تساں اسرائیل دے بارہ قبیلیاں دا انصاف کرن کیتے تخت سے باہسو۔
31
۳۱۔شمعون،شمعون، خبردار رِہ، شیطان نے تہاکُو منگ گِدے۔ تاں جو تہاکُو کنک دی طرح چھنڈے۔
32
۳۲۔پر میں تہاڈے کیتے دعا کیتی ہے تاں جو تیڈا ایماں ویندا نہ راہوے۔ ایندے بعد جڈا تُساں دوبارہ مُڑو تاں اپنے بھراواں کُوں مضبوط کرائے۔
33
۳۳۔پطرس نے اوُں کوُ آکھیا ''خداوند میں تیڈے نال قید اِچ ونجن اِتے مرن کیتے وی تیار ہاں۔
34
۳۴۔یسوع نے جواب اِچ اُوں کوُ آکھیاہ پطرس میں تیکو آدھا ہاں دعا اَج دے ڈیں بانگ نہ ڈیسی جیہڑے ویلے تک توں ترئیے داری میڈا انکار نہ کریسیں کہ میکو جان دا ہیئں۔
35
۳۵۔وَل یسوع نے اَنہاں کوں آکھیا جڈاں میں تہاکوں بٹوے جھولی تے جُتی دے بغیر گھلیا ہا تاں کیا تہاکوُ کیئں شئے دی کمی تھیئں؟۔ اتے اُنہاں نے جواب ڈِتا''نہیں''۔
36
۳۶۔وَل اوُں نے اُنہاں کوُ آکھیا ''پر ہَن تہاڈے وچوں جیندے کو بٹوا ہے اوُں کوُ اپنے نال گھِن گھنے۔ ایویں ای جیندے کول تھیلی وی۔ جیندے کول تلوار نئیں اوہ اپنے کپڑے ویچ کے اپنے کیتے مول گھِن گنے۔
37
۳۷۔ایں کیتے میں تہاکو آدھا ہاں۔ جولازمی ہے کہ پورا ہوسی۔ اَتے اوہ بدکاراں دے نال گنا گیا۔ تاں جو میڈے متعلق آکھا گیا ہے اوہ پورا ہوسی۔
38
۳۸۔وَل انہاں نے آکھے۔ ''خداوند ڈیکھ اِتھاں ڈو تلواراں ہن'' اَتے اوُں نے انہاں کو آکھیا۔''ایہہ کافی ہن''۔
39
۳۹۔ٹکر کھاون دے بعد، یسوع زیتوں دے پہاڑ دے پاسے گیا۔ جتھاں اوہ پہلے وی ویندا راہندا ہا اَتے شاگرد اوُں دے نال گئیے۔
40
۴۰۔جڈاں اوہ اتھاں پہنچے۔ تاں اوُں نے اُنہاں کو آکھیا۔ ''دعا کو تاں جو آزمائش اِچ نہ پوؤ۔
41
۴۱۔اوہ اُنہاں کو چھوڑ کے ہک پتھر دے ٹپے تک اَگے ودھا اَتے جُھک کے دُعا کیتی۔
42
۴۲۔اوُُں نے آکھیا، باپ اگر تیڈی مرضی ہوئے تاں ایہہ پیالہ میتھوں ہٹا گھِن، وَل وی میڈی مرضی نیئں بلکہ تیڈی مرضی پوری تھیوے۔
43
۴۳۔اوُں ویلے آسمان تھوں ہک فرشتہ ظاہر تھیئے جیئں اوُں کو طاقت ڈِتی۔
44
۴۴۔بہوں زیاد ڈکھ اِچ اوُں نے بہوں زیادہ ڈکھی تھی کے دُعا کیتی۔ اَتے اوندا پسینہ خون دے وڈے وڈے قطرے بن کے زمین تے ڈھاندا پیا ہا۔
45
۴۵۔جیہڑے ویلے اوہ دُعا کرکے اُٹھے، اوہ شاگرداں دے کول آیا اَتے اوہ سارے غم دی وجہ تھوں سُتے پئے ہَن۔
46
۴۶۔اَتے اُنہاں کولوں پچھیا۔ ''تساں کیوں سُتے ہو اٹھوتے دُعا کرو تاں جو آزمائش اچ نہ پوؤو''۔
47
۴۷۔اوہ گالہیں کریندا پیا ہا کہ ہک کٹھ یہوداہ دے نال جیہڑا اُنہاں بارہ وچوں ہک ہا دی راہنمائی اِچ اُتھاں آپہنچے۔ اوُں نے یسوع دے کول آکے اوُں کو چُمیا۔
48
۴۸۔پر یسوع نے اوُں کوُ آکھیا، یہوداہ ''کیا توں ابنِ آدم کو چُم کے دھوکا ڈیندا ہیئں۔
49
۴۹۔جیہڑے ویلے اُہناں نے جیہڑے یسوع دے نال ہن ایہ سارا کجھ تھیندے ہویاں ڈِٹھا تاں انہاں نے آکھیا، ''اے خداوند کیا ساکوُ تلوار دے نال حملہ کرنا چاہیدا ہے؟۔
50
۵۰۔تاں اُنہاں دے وچوں ہک نے حملہ کرکے سردار کاہن دے نوکر دا سجا کن کٹ ڈِتے۔
51
۵۱۔یسوع نے آکھیا ''بَس بہوں تھی گیا۔ اوُں نے اوُندے کن کوُ ہتھ لایا تاں اوُں کوُ چنگا کر ڈِتا۔
52
۵۲۔یسوع نے سردار کاہناں، ہیکل دے سرداراں تے بزرگاں کوُ جیہڑے اوُندے خلاف آئے ہَن آکھیا، کیا تُساں سوٹے تے تلواراں گھن کے کوُئی ڈاکو کو پکڑن آئے ہیوے؟۔
53
۵۳۔جڈاں میں ہر روز ہیکل اِچ تہاڈے نال ہامی تاں تساں میکوں نہ پکڑا۔ پر ہن ایہہ تہاڈا ویلہ ہے اَتے اندھارے دا اختیار ہے۔''
54
۵۴۔اُنہاں نے اوُں کوُ پکڑیا تے اُتھوں گھِن گئے۔ اَتے سردار کاہن دے گھر گھِن آئے۔ پطرس کجھ دور اُنہاں دے پچھوں ہا۔
55
۵۵۔اِیں دے بعد اُنہاں نے ویہڑے وچ بھا بالی اَتے اوندے آسے پاسے بیٹھ گئے۔ پطرس وی اُنہاں دے وچ بیہ تھیا۔
56
۵۶۔ہک نوکرانی نے اوُں کوُ بھا دی لوَ اِچ بیٹھے ڈِٹھا اَتے اوُں کوُ ڈیدھے ہوئے اوُں کوُ آکھیا۔ ''ایہہ بندہ وی اوُندے نال ہا۔''
57
۵۷۔پر پطرس نے اوُں دا انکار کریندے ہوئے آکھیا۔ ''عورت'' میں ایں کوُ نیئں جان دا۔
58
۵۸۔تھوڑی دیر بعد کیئں بئے نے اوُں کو ڈِٹھا اَتے آکھیا۔توں وی اُنہاں وچوں ہک ہئیں۔ پر پطرس نے آکھیا۔ '' میں نیئں ہاں''۔
59
۵۹۔وَل تقریباً ہک گھنٹے بعد ہک بئے بندے نے پورے یقین نال آکھیا، حقیقت اِچ ایہہ بندہ وی اُنہاں دے نال ہا اِیں کیتے کہ ایہ گلیلی ہے۔
60
۶۰۔پر پطرس نے آکھیا ''میں نیئں جان دا کہ تُساں کیا آدھے وے۔'' اَتے اوُں ویلے جڈاں اوہ بولیندا پیا ہا ہک ککڑ نے بانگ ڈے ڈِتی۔
61
۶۱۔خداوند نے پطرس کوُ غور نال ڈِٹھا اَتے پطرس کوُ خداوند دے الفاظ یاد آئے۔ جیہڑے ویلے اوُں نے اوُں کوُ آکھیا، ''ککڑ دے بانگ ڈیوں کولوں پہلے تریئے وارتوں میڈا انکار کریسیں''۔
62
۶۲۔باہر ویندے ہویاں پطرس بہوں زیادہ رُونا۔
63
۶۳۔جنہاں بندیاں نے یسوع کوُ پکڑیا ہویا ہا انہاں نے یسوع دا مذاق اڑایا اَتے اوُں کو ماریا۔
64
۶۴۔ایندے بعد اوُندی اَکھاں تے پٹی بنھ کے اوُں کوُ آکھن لگے کہ ساکوُ نبوت نال ڈس کہ تیکو کیئں نے مارا ہے؟۔''
65
۶۵۔جیویں بہوں ساریاں گالہیں اوندے خلاف آدھے رہئے اَتے کفر بلیندے رہئے۔
66
۶۶۔جیویں ہی ڈِیں چڑھے تاں قوم دے بزرگ، ڈووہیں سردار کاہن تے صدوقی اکٹھے تھیئے۔ اوہ صدرِعدالت دے سامنے آکھن لگے کہ۔
67
۶۷۔اگر توُ مسیح ہمیئں تاں ساکوُ ڈَس، پَر اوُں نے آکھے ''اگر میں تہاکو ڈساواں تاں تساں میڈا یقین نہ کریسیو۔
68
۶۸۔اَتے اگر میں تہاڈے کولوں پُچھاں تاں تُساں جواب نہ ڈیسو۔
69
۶۹۔پر ہن تھوں ابنِ آدم خدا دی قدرت دے نال اوندے سجے ہتھ ملسی۔
70
۷۰۔اوہ سارے آکھن لگے تو تاں خدا دا پُتر ہیئںَ ''اَتے یسوع نے اُنہاں کوُ آکھیا۔'' تساں آدھے ہو تے میں ہاں۔
71
۷۱۔انہاں نے آکھیا، ''ہَن ساکو کیئں گواہی دی ضرورت نیئں۔ کیوں جو اساں آپ اونُدے منہ اِچوں سُن گِدا ہے۔