1
۱۔ہک ڈینہ جیہڑے ویلے یسوع ہیکل وچ لوکاں کوں علم ڈیندا پیاء ہا، اُتھاں سردار کاہن تے فقیہہ بزرگاں دے نالاوُں دے کول آکھڑے تھئے۔
2
۲۔اَتے آکھن گے کہ ساکوُ ڈس۔ تُوں ایہہ کم کیندے اختیار نال کریندہ ہئیں یا کون ہِے جئیں تیکوُ ایہہ اختیار ڈِتا ہِے۔
3
۳۔اوُں اونہاں کو جواب وچ آکھیا، ''میں وی تساں کنے ہک گالھ پچھداں، میکوں یوحنا دے بپتسمہ دے بارے ڈسو۔
4
۴۔یوحنا دا بپتسمہ: ''کیا او آسمان دی طرفوں ہا یا لوکاں دی طرفوں ہا''؟
5
۵۔اوہ آپس وچ گالہین کرن لگ گئے۔ تے آکھن پے گئے اگر اساں آکھوں '' آسمان طرفوں، تے اوہ آکھسی تُساں میڈا یقین کیوں نئیں وے کریندے''؟
6
۶۔لیکن اگر اساں اے آہدوں، کے اے لوکاں دی طرفوں ہِے تے ول سارے لوگ ساکوں پتھراں نال مارسن۔ ایں واسطے کیویں جو اوہناں کوں پتا ہا پیاء جو یوحنا بنی اے۔
7
۷۔بس اوہناں جواب ڈِتا کہ اساں نئیں جاندے کہ کتھوں آیا ہا۔
8
۸۔یسوع وی اوہناں کوُں آکھیا میں وی تُہاکوں نئیں ڈسیندا کہ اے سارا کجھ کیندے زور نال کریندا ہاں۔
9
۹۔اوُں لُوکاں کوں اے مثال سنائی۔ ''ہک بندے نے انگوراں دا باغ لا کے کرائے اُتے مالیاں کوں ڈِتا تے اوہ آپ ڈوجھے ملک بہوں وقت کیتے گئے پیاء۔
10
۱۰۔وقت پورا تھیون تے اوُں اپنے نوکراں کوُں مالیاں کنئے پٹھیاء کہ اوہ ایں کوُں باغ دے پھل ڈیون، لیکن مالیاں اوُں کوُں کٹیا تے بغیر کجھ ڈتِے خالی ہتھ واپس کر ڈِتا۔
11
۱۱۔ول اوُں ہک بئے نوکر کوں پیٹھا، اوہناں اوُں کوُں وی کٹیا بے عزت کیتا تے خالی ہتھ پٹھ ڈِتا۔
12
۱۲۔ول اوں تریجھا نوکر پٹھیا تے اوُہناں اوُں کوں وی زخمی کیتا تے باہر کڈھ ڈِتا۔
13
۱۳۔وَل باغ دے مالک آکھیئے، ہن میں کیا کراں؟ میں اپنے پیارے پتر کوُ پٹھاداں، تھی سگدے او اوُندی عزت کرن۔
14
۱۴۔لیکن باغ دے ٹھیکداراں اوُں کوُں ڈیٹھا تے اُنہاں آپس وِچ گالھ کیتی وَل آکھیا، اے تاں وارث ہِے، آؤ ایں کوں ماروُں۔ ایں واسطے اے وَل ساڈا باغ بن ویسی۔
15
۱۵۔اُنہاں وَل اوُں کوں نپ گدا اَ تے باغ تھوں باہر قتل کر ڈِتا۔ ہُن انگور دے باغ دا مالک اُنہاں نال کیا کریسی؟
16
۱۶۔اوہ آسی وَل انگور دے باغ دے ٹھیکےداراں کوُں ہلاک کر ڈیسی تے باغ بِئے کوُں ڈے ڈیسی۔ اُنہاں نے ایہہ سُن کے آکھیا خدا نہ کرے۔
17
۱۷۔لیکن یسوع اُنہاں دے پاسے ڈِٹھا تے آکھیا، وَل ایہہ کیا لکھا ہِے ؟ جیہڑے پتھر کو راج گیراں نے رد کیتے اوہو کونے دے سرے دا پتھر بن گیا۔
18
۱۸۔جیہڑا وی ایں تے ڈھاسی اوہ ٹوٹے ٹوٹے تھی ویسی۔ لیکن او جیہڑے ویلے کہیں دے اُوتے ڈھاسی تاں اوُں کوں پیس ڈیسی۔
19
۱۹۔اوُں ویلے فقہیاں نے سردار کاہناں اُوندے اُتے ہتھ سٹن دا سوچیا کیوں پر لوگاں کولوں ڈردے ہَن کیوں جو اوہ سمجھ گئے ہَن کہ اوُں نے ایہہ تمثیل ساڈے تے کیتی ہِے۔
20
۲۰۔وڈے غور نال اوُندے ولوں ڈیدھے ہوئیاں، اُنہاں نےکجھ جاسوس پیٹھئے جیہڑے اپنے آپ کوں پاک بن گئے کیویں جو اوُندیاں گالہیں وچوں غلطی کڈھن تے اِیں کوُں حکومت تےاختیار آلے گور دے اگوں پیش کروُں۔
21
۲۱۔اُنہاں اوُں کوُ آکھیا استاد ساکوُں پتا ہے توں ٹھیک آدھیں تے سکھیندھیں تے کہیں بئے دی طرف داری نئیں کریندا بلکہ سچائی دے نال خدا دی راہ دی تعلیم ڈیندا ہئیں۔
22
۲۲۔کیا ساکوں قیصر کوُ خراج ڈیونا ٹھیک ہِے یا نئیں؟
23
۲۳۔لیکن یسوع اوہناں کوں چالاک سمجھ تے جواب ڈِتا۔
24
۲۴۔میکوں ہک دینار ڈِکھاؤ اوُندے اُتے کیندی فوٹو اے تے کیندی مہر اے؟ انہاں نے آکھیا قیصر دی۔
25
۲۵۔اوں اونہاں کو آکھیا جیہڑی شئے قیصر دی اے قیصر کوں ڈیوؤ اَتے جیہڑی خدا دی ہِے خدا کوں ڈیوؤ۔
26
۲۶۔ اوہ لوگاں دے سامنےاوُندے قول کوُ پکڑ نہ سگے بلکہ اوُں دے جواب اِچ حیران تھئے تے چُپ لگ گئی۔
27
۲۷۔کجھ صدوقی اوُندے کولھوں آئین جیہڑے آہدے ہئن قیامت کئے نئیں آ کے تے ایہہ سوال کیتا کہ ۔
28
۲۸۔اے استاد موسیٰ دی شریعت دے مطابق اگر کہیں بندے دا بھرا مر ونجے وَل اوُندی ذال ہوؤے تے اوُندے بال نہ ہوؤن تے اوہ اوُں کوں اپنی ذال بناوے وَل اپنے بھرا کیتے بال جنے۔
29
۲۹۔سَت بھرا ہَن ہک پہلے آلے نے ویاہ چا کیتا اَتے اوہ بغیر بالاں دے مر گیا۔
30
۳۰۔ول ڈوجھا وی ایویں مر گیا۔
31
۳۱۔وَل ترجھے بھرا اوُندے نال ویاہ کیتے وَل وی ایویں تھیا ستے بغیر بالاں دے مرگئے۔
32
۳۲۔اوُندے بعد او ذال وی مرگئی۔
33
۳۳۔وَل اوہ قیامت آلے ڈینہ کیندی ذال آکھواسی؟ کیوں جو ستاں بھروال نے اوُندے نال شادی کیتی ہا۔
34
۳۴۔ یسوع اوہناں کوُں آکھیا دُنیا دے لوگ شادی ویاہ کریندن۔
35
۳۵۔لیکن جو لوگ اِیں لائق ہوسن کہ اوُں جہان کوُ حاصل کرن اَتے مُردیاں وچوں زندہ تھی ونجن اُنہاں وِچ ویاہ شادی نہ تھیسی۔
36
۳۶۔ناں ای اُتھاں مرن ہوسی اوہ فرشیتاں آلی کار ہوسن ول او خدا دے پتر تے قیامت دے بال ہوسن۔
37
۳۷۔لیکن مڑدے وی جیندے تھئی ویندن ایں تک جو موسیٰ دی بلدی جھاڑی وچ خدا ڈِسی پیاء، جتھاں اوہ خداوند کوُں ابرہام دا خدا اضحاق دا خدا تے یعقوب دا خدا آدھا پیاء ہا۔
38
۳۸۔ہن اوہ مُردیاں دا خدا نیئں جیویں کہ اوہ جیوندیاں دا خدا ہِے، کیوں جو اوُندے کیتے سارے جیوندے ہن۔
39
۳۹۔کجھ فقیہاں جواب اِچ اوُں کوُ آکھیا، ''استاد تساں چنگی گالھ کیتی''۔
40
۴۰۔ایں واسطے اوہناں کوں ہمت نہ تھئی کہ او بئے سوال کرن۔
41
۴۱۔ وَل یسوع نے اُنہاں کوُں آکھیا، اوہ مسیح کوُں ابن داؤد کیت واسطے آدھن؟''
42
۴۲۔ایں واسطے داؤد زبوروں وچ آپ آدھے کہ ''خداوند نے میڈے خداوند کوُں آکھے میڈے سجھے ہتھ تے بہہ''۔
43
۴۳۔جیہڑے ویلے تک میں تیڈے دشمناں کوُں تیڈے پیراں دی چوکی نہ بنا ڈیواں۔
44
۴۴۔داؤد ہیئں واسطے اوُں کوُں ''خداوند'' آدھے بس او کیویں ابن داؤد اے؟''
45
۴۵۔جیہڑے ویلے سارے لوگ سُن دے پئے ہَن تاں اوُں نے اپنے شاگرداں کوُ آکھیا۔
46
۴۶۔فقیہاں تھوں خبردار راہو، اوہ وَڈے وَڈے چوغے وچ ٹُرن دِی سوچیندِن، اوہ بازاراں وِچ سلام کریندِن اوہ عبادت کرن آلی جاہ وِچ اُچی جاہ تے باہونا پسند کریندِن، اوہ دعوتاں وِچ اُچی عزت منگدِن۔
47
۴۷۔او بیواؤاں دے گھراں کوُں لوٹ کے کھاؤنا چاہندِن تے ڈِکھاؤے کیتے وڈیاں دعاواں منگدِن۔ اے لوک وڈی سزا پاسن۔