1
۱۔یسوع یریحو وِچوں تھی کے ویندا پیا ہا۔
2
۲۔ڈیکھو اُتہاں ہک بندہ ہا جیندا ناں زکائی ہا۔اوہ بہوں امیر اَتے چونگی گھنن آلیاں دا سردار ہا۔
3
۳۔اوہ اوُں کوُ ڈیکھن دی کوشش کریندا ہا بئی یسوع کون ہے پَر بندیاں دے کٹھ دے پاروں ایویں نہ کر سگے۔کیوں جو اوندا قد چھوٹا ہا۔
4
۴۔اِیں کیتے اوہ بندیاں دے اگوں بھج کے اوُں کوُ ڈیکھن کیتے گولر دے درخت تے چڑھ گیا کیوں جو یسوع اوُں رستے تھوں لنگھن والا ہا۔
5
۵۔جیہڑے ویلے یسوع اوُں جاہ تے پہنچے تاں اوُں نے اُتے ڈِٹھا اَتے آکھیا۔"زکائی جلدی تھلے اُتر آ کیوں جو اَج میکوُں تیڈے گھر راہوناں ضرور ہے۔
6
۶۔اِیں کیتے اوہ جلدی تھلے اُتر آیا اَتے خوشی نال اوُں کوُ خوش آمدید آکھیا۔
7
۷۔جڈاں ساریاں نے ایہہ ڈِٹھا تاں غُصے تھئے تے آکھن لگے"اے اوُں بندے دا گھر گیا ہے جیہڑا گنہگار ہے۔
8
۸۔زکائی کھڑا تھیا اَتے خداوند کوُ آکھن لگا"ڈیکھ مالک میں اپنا ادھا مال غریباں کوُ ڈیندا ہاں اَتے اگر کیئں وی شئے اِچ کیئں کوُ دھوکا ڈِتا ہوئے تاں اوُں کوُ چار گناہ زیادہ ڈیساں۔
9
۹۔یسوع نے اوُں کوُ آکھیا"اَج ایں گھر اِچ نجات آئی ہے کیونکہ ایہہ وی تاں ابرہام دا پُتر ہے۔
10
۱۰۔کیونکہ اِبن آدم گُم تھیئے ہویاں کوُ گولن تے بچاون کیتے آیا ہے۔
11
۱۱۔جیویں ہی اُنہاں نے ایہہ گالہیں سُنیں تاں اوُں نے تمثیل آکھی کیوں جو اوہ یروشلیم دے نیڑے ہا۔اُنہاں نے سوچ کے خدا دی بادشاہی ہَن ظاہر تھیون آلی ہے۔
12
۱۲۔لہذا اوُں نے آکھے"ہک امیر بندہ دور دراز دے ملک کوُ گیا کہ اپنی بادشاہی گھِن کے واپس آ ونجے۔
13
۱۳۔اوُں نے اپنے نوکراں وِچوں ڈاہ کوُ سڈیا اَتے اُنہاں کوُں ڈاہ اشرفیاں ڈِتیاں اَتے اُنہاں کوُ آکھے اپنے کاروبار کوُ جاری رکھو۔جڈاں تایئں میں واپس نہ آواں۔
14
۱۴۔ پَر اوندے شاہری اوندے تھوں نفرت کریندے ہَن ،اُنہاں نے اوندے پیچھے سفیر گھلے کہ اساں ایں بندے کوُ اپنے اُتے بادشاہی نہ کرن ڈیسوں۔
15
۱۵۔جڈاں اوہ بادشاہی کر کے واپس آیا تاں ایویں تھیا اوُں نے حُکم ڈِتا کہ اُنہاں نوکراں کوُں سڈیا ونجے جنہاں کوُں اوُں نے اشرفیاں ڈِتیاں ہَن تاں جو پتا لگے کہ اُنہاں نے کاروبار کر کے کیا کمایا ہے۔
16
۱۶۔پہلا نوکر آیا اَتے آکھیا، مالک تیڈی ہک اشرفی نال میں ڈاہ اشرفیاں بنایئں۔
17
۱۷۔امیر بندے نے اوُں کوُ آکھے،شاباش میڈے چنگے نوکر کیونکہ توں تھوڑے وِچ ایماندار ریہا ایں تیکوُ ڈاہ شاہراں تے اختیار ڈِتا ویسی۔
18
۱۸۔ڈوجھا نوکر آیا اَتے آکھن لگا کہ مالک تیڈی اشرفی نال پنج بیئاں بنایئں۔
19
۱۹۔امیر بندے نے اوُں کوُ آکھے توں پنج شاہراں تے حکمرانی کریسیں۔
20
۲۰۔ہک بیئا آیا اَتے آکھیا کہ مالک ایہہ ہے تیڈے اشرفی جینکوُں میں کپڑے اِچ لپیٹ کے سنبھال کے رکھیا ہے۔
21
۲۱۔اِیں کیتے کہ تیڈا ڈر ہا کیوں جو توُں سخت بندہ ہیئں جیہڑا توُں نیئں رکھیا اوُں کوُ چا گھِندا ہیئں۔اَتے اُتھاوں کٹیندیں جتھاں توُں بویا وی نیئں۔
22
۲۲۔امیر بندے نے اوُں کوُ آکھیا" اے شرارتی نوکر میں تیڈے ہی الفاظ تھوں تیڈا انصاف کریساں۔توں جان دا ہاویں کہ میں سخت بندہ ہاں جِتھاں نیئں رکھیندا اُتھاوں چیندا ہاں اَتے جِتھاں بیج نیئں سٹیا اُتھاوں کٹیندا ہاں۔"
23
۲۳۔تاں وَل توُں میڈے روپے کوُ مالدار کول کیوں نہ رکھیا تاں جو میں واپس آکے سود سمیت اوندے کولوں گھِن گھِندا؟۔
24
۲۴۔امیر بندے نے اُنہاں کوُں آکھیا جیہڑے اُتھاں کھڑے ہَن "ایندے کولوں اشرفی گھِن گھِنو اَتے اوُں کوُ ڈے چھوڑو جیندے کول ڈاہ اشرفیاں ہَن۔
25
۲۵۔اُنہاں نے اوُں کوُ آکھیا مالک ،اوُں دے کول ڈاہ اشرفیاں ہَن۔
26
۲۶۔میں تہاکوُ آدھا ہاں جیندے کول ہے اوُں کوُ بیئا ڈِتا ویسی۔اَتے جیندے کول نیئں اوندے کولوں اوہ وی جو کجھ اوندے کول ہے گھِن گِدا ویسی۔
27
۲۷۔پَر میڈے اوہ دُشمن جو نیئں چاہندے کہ میں اُنہاں تے حکومت کراں اُنہاں کوُ اِتھاں گھِن آو اَتے میڈے سامنے قتل کرو۔
28
۲۸۔جڈاں اوہ ایہہ گالہیں کر چُکا تاں اُنہاں دے اَگے اَگے یروشلیم کوُ ٹُر پیا۔
29
۲۹۔جڈاں اوہ زیتون دے پہاڑ دے نیڑے جیہڑا بیت فگے اَتے بنت عنیاہ اکھواندا ہے۔پہنچا تاں ایویں تھیا کہ اوُں نے اپنے شاگرداں کوُ گھلیا۔
30
۳۰۔اَتے آکھیا "نال آلے پنڈ اِچ ونجو اَتے جیہڑے ویلے تُساں اُتھاں ویسو تاں تہاکوُ گڈاہاں دا بال مِلسی جیندے تے کڈایئں کیئں سواری نہ کیتی ہوسی ۔اوُں کوُ کھول کے میڈے کول گھِن آوائے"۔
31
۳۱۔اگر کوئی تہاڈے کولوں پُچھے کہ ایں کوُ کیوں کھولیندے ہیوے؟تاں آکھوائے خداوند کوُ ایندی ضرورت ہے"۔
32
۳۲۔جنہاں کوُ گھلیا گیا ہا اوہ گئے اَتے جیویں یسوع نے ڈسایا ہا گڈہاں دا بال مِلے۔
33
۳۳۔جیہڑے ویلے اوہ اوُں کوُ کھولیندے پئے ہَن اُتے اوُں دے مالک نے اُنہاں کوُ آکھیا"تُساں ایں کوُ کیوں کھولیندے ہو؟"۔
34
۳۴۔اُنہاں نے آکھیا"خداوند کوُ ایندی ضرورت ہے"۔
35
۳۵۔اوہ اوُں کوُ یسوع سے کول گھِن آئے اَتے اُنہاں نے اپنے کپڑے اوُں گڈھاں دے بال تے سَٹے اَتے یسوع کوُ اوُندے تے بِٹھایا۔
36
۳۶۔اَتے جیہڑے ویلے ٹُریا تاں اُنہاں نے اپنے کپڑے راہ دے وِچ وچھائے۔
37
۳۷۔جیہڑے ویلے اوہ شاہر دے نیڑے زیتون دے پہاڑ تھوں تھلے لاہندے پئے ہَن تاں شاگرداں دا کٹھ اُنہاں سارے وڈے کماں دے پاروں جیہڑے اُنہاں نے ڈِٹھے ہَن خدا دی حمد کرن لگا۔
38
۳۸۔اَتے آکھے"خوش قسمت ہے اوہ بادشاہ جیہڑا خداوند دے ناں تھوں آندا ہے! آسمان تے صُلح تے عالمِ بالا تے جلال!۔
39
۳۹۔کٹھ اِچوں کجھ فریسیاں نے اوُں کوُ آکھے"اے اُستاد اپنے شاگرداں کوُ جھڑک"
40
۴۰۔یسوع نے جواب ڈِتا اَتے آکھے۔"اگر ایہہ چُپ راہسن تاں وَل پتھر دھاڑاں مریسن۔
41
۴۱۔جیہڑے ویلے یسوع شاہر دے نیڑے پہنچیا تاں اُچی آواز نال چلایا"۔
42
۴۲۔اَتے آکھیا"توُں اَمن دیاں گالہیں اِیں ڈیں اِچ جان دا !پر ہَن اوہ تیڈی اکھیاں تھوں لُک گیئں"۔
43
۴۳۔کیونکہ تیڈے تے اوہ ڈیں آسی جڈاں تیڈے ڈشمن تیڈے آسے پاسے مورچہ بناسن اَتے تیکوُ گھیر گھِنسن۔
44
۴۴۔اوہ تیکوُ تیڈے بالاں سمیت زمین تے سَٹ ڈیسن۔اوہ ہک پتھر تے ڈوجھے پتھر کوُ نہ چھوریسن۔کیونکہ جڈاں خدا تہاکوُ بچاون دی کوشش کریندا ہا تاں تُساں اوُں کوُ نہ سنجھانا۔
45
۴۵۔یسوع ہیکل اِچ گیا اَتے اُنہاں کوُ باہر کڈھنا شروع کیتا جو وچیندے پئے ہَن۔
46
۴۶۔اَتے آکھیا"لکھا لا تھے کہ میڈا گھر دُعا دا گھر ہوسی پَر تُساں اوُں کوُ ڈاکواں دے جاہ بنا ڈِتا ہے"۔
47
۴۷۔اَتے یسوع ہر روز ہیکل اِچ تعلیم ڈیندا ہا،سردار کاہن صدوقی تے اُنہاں لوگاں دے راہنما اوُں کوُ قتل کرنا چاہندے ہَن۔
48
۴۸۔پَر اُنہاں کوُ کوئی موقع نا مِلا کیونکہ سارے لوگ اوُں کوُ غور نال سُن دے ہَن۔