1
۱۔ وَل اوُں نے اپنے چیلیاں کوُ آکھیا اِے نئیں تھی سگدا کہ جو ٹھوکراں نہ لیکن اُنہاں تے افسوس ہے جیندے پاروں ایہہ لگن!۔
2
۲۔اِنہاں چھوٹیاں وِچوں ہِک کوُ ٹھوکر کھلاون دی بہ نسبت اُوں بندے کیتے ایہہ چنگا ہوئے ہا جو چکی دا ہِک پاٹ اوُں دے گلے وِچ لٹکایا ویندا اَتے اوہ سمندر اِچ سٹیا ویندا۔
3
۳۔ خبردار راہو! اگر تیڈا بھرا گناہ کرے تاں اوُں کوُ ملامت کر ۔ اگر اوہ توبہ کر گھنے تاں اوُں کوُ معافی چا ڈے۔
4
۴۔اَتے اگر اوہ ہِک ڈِیں وِچ سَت واری وی تیڈا گناہ کرے تاں ستاں واری تیڈے کول آکے وَل آکھے کہ توبہ کریندا ہاں تاں اوُں کوُ معافی ڈے چا۔
5
۵۔ایندے بعد چیلیاں نے خداوند کوُ آکھیا ساڈے ایمان کوُ ودھا ۔
6
۶۔ خداوند نے آکھیا جو اگر تُساں وِچ رائی دے دانے دے برابر وی ایمان ہوئے تاں تُساں اوُں تُوت دے رُکھ کوُ آکھو ہاکہ جڑ توں اُکھڑ کےسمندر اِچ لگ ونج تاں اوہ تُہاڈی گالہہ منے ہا۔
7
۷۔۔ پَر تُہاڈے وِچوں ایہو جئیا کون ہِے جیندا نوکر ہل وہیندا ہوئے یا بھیڈاں دی رکھوالی کریندا ہوئے اَتے جڈاں اوہ اپنے کھیتاں وِچوں واپس آوے تاں اوُں کوُ آکھے جو چھیتی آ کے ٹکُر کھاون کیتے بہہ؟
8
۸۔تے ایہہ نہ آکھے کہ میڈے کیتے تکُر تیار کر اَتے جڈاں تائیں میں کھاواں پیواں دِل لا کے میڈی خدمت کر ۔ ایندے بعد توں آپ کھاویں پیویں؟
9
۹۔کیا اوہ ایں کیتے اوُں نوکر دا احسان منیسی کہ اوُں نے اُنہاں گالہیں دی جنہاں دا حکم تھیا ہا عمل کریسی؟
10
۱۰۔ اِیں طرح تُساں وی جڈاں اُنہاں ساریاں گالہیں دا جنہاں دا تُہاکوُ حکم تھیا ہاعمل کر گھِنو تاں تاں آکھو اساں نکمے نوکر ہاں ۔ جو ساڈے تے کرنا فرض ہائی اساں اوؤ کیتے۔
11
۱۱۔اَتے ایویں تھیا کہ کہ یروشلیم کوُ ویندیا ہویاں اوہ سامریہ تے گلیل دے تھی کہ ویندا پیا ہا۔
12
۱۲۔اَتے ہِک پینڈ دے وِچ وڑدیاں ہویاں اوُں کوُ ڈاہ کوڑھی مِلے۔
13
۱۳۔ اُنہاں نے پند تےکھڑے تھی کے اُچی آواز نال آکھیا اے یسوع! ساڈے تے رَحم کر ۔
14
۱۴۔اوُں نے اوُنہاں کوُ ڈیکھ کہ آکھیا ونجو ۔ اپنے آپ کوُ کاہناں کوُ ڈِکھاؤاَتے ایویں تھیا کہ اوہ ویندے ویندے پاک صاف تھی گئے۔
15
۱۵۔ وَل اُنہاں وِچوں ایہہ ڈیکھ کہ جو میں چنگا تھی گیا ہاں اُچی آواز نال خدا دی تمجید کریندا ہویا واپس پرت آیا ۔
16
۱۶۔ اَتے یسوع دے پیراں اِچ مُنہ دے بھار ڈھے کہ اوُں دا شکر کرن لگا اَتے اوہ سامری ہا۔
17
۱۷۔یسوع اُوں کنے پوچھا۔ کیا ڈاھے کوڑھی پاک نئیں تھئے؟ وَل اوبھے ناؤں کیتھاں ہِن؟
18
۱۸۔کیا اُوتھاں ہک غیر بندے دے سِوا خدا دی تعریف کرَن آلا کوئی نہ ہا؟ جو واپس آ کے خدا دی تمجیدکریندا۔
19
۱۹۔ وَل یسوع اوُں کوُ آکھیا، '' اُٹھی تے لگا ونج تیڈے ایمان تیکوں چنگا کر ڈِتے''۔
20
۲۰۔فریسیاں دے آکھن تے کہ آسمان دی بادشاہی کڈھن آسی؟ یسوع اُوہناں کو جواب ڈِتا،'' خدا دی بادشاہی نظر نہ آسی۔
21
۲۱۔اُو اے نا آکھسن کہ ڈیکھو آسمان دی بادشاہی اِتھاں یا اُوتھاں ہِے کیویں جو خدا دی بادشاہی تے تہاڈے نال اے۔
22
۲۲۔یسوع اپنے شاگرداں کوُں آکھیا، '' او ڈینہ وی آ سَن جڈاں تُساں ابن آدم دے ڈیہنہ ڈیکھن دی خواہش کریسو، پر تُساں ڈیکھ نہ سگسو۔
23
۲۳۔اِتے لوگ تُہاکو آکھسن،'' اِتھاں ڈیکھو، اُتھاں ڈیکھو پر تُساں نہ اُہناں کو ڈیکھنا نا اُہناں دے پیچھوں ونجنا ''۔
24
۲۴۔ کیونکہ جیویں بجلی آسمان دے اُتے ہک پاسے کنے ڈوجھے پاسے چمکدی اے ، ایویں ای ابن آدم وی ایویں ای ظاہر تھیسی۔
25
۲۵۔لیکن ہک واری او ڈُکھ چیسی اَتے اوُں دی نسل اوُ کوُ رَد کر ڈیسی۔
26
۲۶۔جیویں اے نوح دے ڈینہاں وچ تھیاء ہا اوُں وے ای ابن آدم دے ڈیہاں اِچ وی تھیسی۔
27
۲۷۔اُو کھاندے پیندے شادیاں کریندے ہن جہیڑے ڈینہ تک نوح بیڑی وچ وَڑ نیئں گیا تے وَلا طوفان نے اوُنہاں کوُں چَٹ نہ کر سٹیا۔
28
۲۸۔ایویں ای لوط دے ڈینہاں وچ وی تھیا ہا اوہ وی کھاندے پیندے چیزاں گھندے تے وچیندے ہن، فصلاں وی رہندے تے گھراں کول بناندے ہن۔
29
۲۹۔لیکن جیہڑے ڈینہ لوُط سدوُم کنے باہر گئے، آسمان کنے بھاہ تے گندھک وَسی وَلا اُہناں ساریاں کوُں چٹ کرڈِتا۔
30
۳۰۔ایویں ای اُوں ڈینہ تھیا ہا جڈاں ابن آدم ظاہر تھیسی۔
31
۳۱۔اوُں ڈینہ، جیہڑا گھر دی چھت تے ہوؤے اوہ تھلے ساماں چاؤن کیتے نہ اُترے وَلا جیہڑا فصلاں وچ ہووئے اوہ پچھے آؤے۔
32
۳۲۔لوط دی ذال کُوں یاد رکھو۔
33
۳۳۔جہیڑا اپنی جان بچاؤن دی کریسی اوہ اوُں کنے ہاتھ دھوسی پر جیہڑا اپنی جان کھو ڈیسی او اپنی زندگی بچاگھنسی۔
34
۳۴۔میں تُہاکوں آدھا ہاں، کہ اُوں رات ڈو بندے اپنے بسترے تے ہوسِن ہک کوُں گِھن گدا ویسی ڈوجھے کوُں چھوڑ ڈِتا ویسی۔
35
۳۵۔ڈو عورتاں چکی چلیندیاں ہوسن ہک کوُں گَھن گدا ویسی ڈوجھی کوُں چھوڑ ڈِتا ویسی۔
36
۳۶۔ڈو بندے فصلاں وچ ہوسن ہک کوں گدا ویسی ڈوجھے کوُں چھوڑ ڈِتا ویسی۔
37
۳۷۔۔اُنہاں نے جواب اِچ اوُں کوُ آکھیا کہ اِے خداوند اِے کتھاں ہوسی؟'' وَلا اُوں نے اُنہاں کوُ آکھیا ، '' جتھاں مُردار ہِے اُتھاں گِدھ وی کٹھے تھی ویسن۔