1
۱۔ ول سارے چُنگی گھنن آلے تے ڈوجھے گنہگار یسوع دے کول اوُں کوُسنن کیتے آؤن لگے۔
2
۲۔فریسی تے شرع دے استاد ڈوحیں ہک ڈوجھے دے نال گالہں کرکے اعتراض کرن لگے۔ ''ایہہ بندہ گنہگاراں دے نال اُٹھیندا باندھا ہے اَتے اُنہاں دے نال کھاندا پیندا وی ہے''۔
3
۳۔یسوع نے اُنہاں کو ایہہ تمثیل آکھی۔
4
۴۔تہاڈے وچوں اگر کئیں دیاں سئوبھیڈاں ہوئون اَتے ہِک گویچ ونجے تاں کیا اوہ ننانوے بھیڈاں کو ویران جاہ تے چھوڑ کے ہک گویحجی ہوئی بھیڈ دے پیچھے نہ ویسی جے توڑیں اُوں کوُ گول نہ گھنے۔
5
۵۔تاں جیہڑے ویلے اوہ اُوں کو گول گھِندے تاں اپنے موڈھیاں تے جاکے خوشی کریندا ہے۔
6
۶۔جیہڑے ویلے اوہ اپنے گھر آندے تاں اوہ اپنے دوستاں تے گواہنڈیاں کوُ سڈیندے اَتے آدھے ''میڈے نال خوشی مناؤکیوں جو میں اپنی گویحجی ہوئی بھیڈ کوُ گول گدِے۔
7
۷۔میں تہاکوُ آدھا ہاں کہ ایویں ہی آسمان تے ہک گنہگار کیتے جیہڑا توبہ کریندا ہے نناوے نیک لوگاں دی نسبت جنہان کوُ توبہ کرن دی ضرورت نئیں ہے ڈھیر خوشی تھیندی ہے۔
8
۸۔ایہہ کیوُں جئی عورت ہے جیندے کول دس چاندی دے سکے ہوؤں اَتے اگر اُنہاں وچوں ہک گُم تھی وجے تاں اوہ ڈیوا جگاکے تے بُہاری پھیر کے محنت کر ے اوُں ویلے تائیں جڈاں اوُں کو مِل ونجے۔
9
۹۔اَتے جیہڑے ویلے اوُں کوُ مِل ونجے تاں اپنی سہیلیاں تے گواہنڈیاں کوُ سڈکے تے اُنہاں دے نال خوشی مناؤے کیوں جو اوُندا گُم تھیا سکہ مِل گیا ہے۔
10
۱۰۔ایویں ای میں تہاکوُ آدھا ہاں ہک گنہگار کیتے جو توبہ کریندا ہے خدا دے فرشتیاں دے سامنے ڈھیر خوشی تھیسی۔
11
۱۱۔وَل یسوع نے آکھیا، ہک بندے دے ڈوُ پُتر ہَن۔
12
۱۲۔اَتے ہِک پُتر نے اپنے پیوُ کو آکھیا۔''جائیداد دا جیہڑا حصہ میکوُ آندا ہے اور میکوُ ڈے ڈے'' پس اوُں نے جائیداد اُنہاں ڈوہاں پُتراں اِچ ونڈ چھوڑی۔
13
۱۳۔وَل بہوں ڈِیں لنگھ گئے کہ ہِک پُتر نے اپنا مال جمع گھن کے بہوُں دوُر دے ہک مُلک اِچ لگا گیا۔ اَتے اُتھاں اوُں اپنا پیسہ فضول خرچی تے عش و عشرت اِچ اُڑا ڈِتا۔
14
۱۴۔جیہڑے ویلے سب خرچ تھی گیا تاں اوُں سارے مُلک اِچ سخت کال پے گیا اَتے اوہ فقیر تھی گیا۔
15
۱۵۔ہک امیر بندے دے کول اوہ مزدوری کرن لگ پئے۔ جیئں اوُں کوُ اپنے کھیت اِچ سوُر چراؤن کیتے بھیجے۔
16
۱۶۔اُتے جیہڑیا پھلیاں سوُر کھاندے ہن اوہوُاوہ کھاندا ہا۔ کیونکہ اُوں کو بیئا کجھ کھاؤن کوُ نہ مِلدا ہا۔
17
۱۷۔وَل جیہڑے ویلے اوُں جوان کوُ ہوش آیا تاں اوُں نے آکھیا ''میڈے پیئو دے کول بہوں سارے نوکر ہن جیہڑے رَج کے ٹکر کھاندے ہِن اَتے میں اتھاں بھکا مردا پیا ہاں! ۔
18
۱۸۔میں اپنے پیئو دے کول ویساں اُتے اوُں کوُ آکھساں ''ابا سائیں میں خدا تے تیڈا گناہ کیتا ہے۔''
19
۱۹۔میں اِیں لائق نیئں کہ تیڈا پُتر اکھواواں، میکوُں اپنے نوکراں وچوں ہی ہک دی مانند بنا گھن۔''
20
۲۰۔وَل نِکا پُتر اپنے پیوُ دے کول آیا۔ جیہڑے ویلے اوہ دوُر ای ہا تاں پیئو اوُں کر ڈیکھ کے ترس نال بھر گیا اَتے دوڑ کے اوُں کوُ گلے لایا تے چوُمیا۔
21
۲۱۔پُتر نے پیئو کوُ آکھیا۔ ''میں خدا تے تیڈی نظر اِچ گنہگار ہاں۔ میں اِیں لائق نیئں کہ تیڈا پُتر اکھواواں۔''
22
۲۲۔پیئو نے اپنے نوکراں کوُ آکھیا جلدی نال چنگے کپڑے گھِن آو تے میڈے پُتر کوُ پواوُ اَتے اوُندے ہتھ اِچ مُندری تے پیرا اِچ جُتی پواؤ۔
23
۲۳۔ہک موٹا تازہ وَچھا گھِن آو تے اوُں کوُ ذبح کرو۔
24
۲۴۔آو ضیافت کروں اَتے کھاوُں پیئوں کیونکہ میڈا پُتر مرَ گیا ہا اَتے ہُن زندہ تھیئے۔ اِیہہ گویج گیا ہا اُتے ہُن ملِا ہے۔ وَل اوہ دعوت کرن لگ پیئے۔
25
۲۵۔اَتے اوندا وڈا پُتر باہر کھیت اِچ ہا۔ جیوں ہی اوہ گھر دے نیڑے آیا اوُں نے ساز تے گاون دی آواز سُنی۔
26
۲۶۔اوُں نے ہک نوکر کر سڈیا اَتے پوچھیا کہ ایہہ کیا تھیندا پیئے۔
27
۲۷۔نوکر نے اوُں کوُ ڈسیا۔ '' تیڈا بھِرا واپس آگیئے۔ اَتے تیڈے پیئو نے ہک موٹا تازہ وچھا ذبح کیتا ہے ، کیونکہ اوہ صحیح سلامت پہنچ گیا ہے۔
28
۲۸۔وڈا پُتر ناراض تھی گیا۔ اَتے اندر نہ آؤنا چاہندا ہا۔ تے اوُندا پیئو باہر آیا اَتے منت کیتی۔
29
۲۹۔پر وڈے پُتر نے جواب اِچ پیئو کوُ آکھیا۔ ''ڈیکھ کئی سال میں تیڈی خدمت کیتی ہِے اَتے میں تیڈے کُوئی وی حکم کوُ نیئں توڑیا تاں وی توں میکوُ ہک نِکا جیئا بکری دا بچہ وی نہ ڈِتا تاکہ میں اپنے دوستاں دے نال دعوت کراں۔
30
۳۰۔پر جیہڑے ویلے تیڈا ایہہ پُتر آیا جیئں تیڈا مال آوارہ عورتاں دے نال مِل کے ضائع کرڈِتا تاں توُں ہک موٹا تازہ ڈاندھ ذبح کیتا۔
31
۳۱۔پیئو نے اوُں کوُ آکھیا '' توں تاں ہمیشہ میڈے نال ہیں اَتے سب کچھ جو میڈا ہِے اوہ تیڈا ہِے۔
32
۳۲۔پر ساڈے کیتے ایہ مناسب ہا کہ ضیافت کروں تے خوشی کرؤں کیوں جو تیڈا ایہ بھرا مَرگیا ہا ہُن زندہ ہے، گویچ گیا ہا ہُن مِل گیا ہے۔