1
۱۔ہک واری چھن چھن آلے ڈِیں ایویں تھیا کہ جڈاں یسوع فریسیاں وچوں کیئں ہک دے گھر ٹُکر کھاون گیا تاں اوہ اوُں کوُ بڑے غور نال ڈیدھے پئے ہَن۔
2
۲۔ڈیکھو اُنہاں دے سامنے ہک بندہ ہا جیہڑا جلندر دی بیماری دا مریض ہا۔
3
۳۔یسوع نے یہودی شریعت دے عالماں تے فریسیاں کولوں پُچھیا، ''کیا چھن چھن آلے ڈِیں کیئں کوُ چنگا کرنا جائز ہے؟''۔
4
۴۔پَر اوہ چُپ رہ گئے۔ وَل یسوع نے اوُں کوُ پکڑ کے چنگا کر ڈِتا اَتے گھلا ڈِتا۔
5
۵۔اوُں نے اُنہاں کوُ آکھیا ''تہاڈے وچوں اگر کیئں دا پُتر یا ڈاندھ کھوہ اِچ ڈھے پووے تاں کیا تساں اوُں کوُ چھن چھن آلے ڈِیں جلدی نال باہر نہ گڈھیو؟۔
6
۶۔اوہ اوُں دی گالہیں داجواب ڈیون جوگے نہ ہَن۔
7
۷۔جیہڑے ویلے یسوع نے ڈیکھیا کہ جنہاں کوُ دعوت ڈِتی گئی ہا اوہ اعلیٰ کرسیاں پسند کریندے ہن تاں اوُں نے ہک تمثیل آکھی۔
8
۸۔جڈاں تہاکوُ کوُئی ویاہ دی ضیافت اِچ دعوت ڈیوے تاں بڑی اعلیٰ جاہ تے نہ بیھٹو کیونکہ شایہ تہاڈے کوبہوُں زیادہ عزت آلے بندے کوُ سڈیا گیا ہوئے؟۔
9
۹۔جڈاں اوہ بندہ جیئں نے تُساں ڈوہاں کوُ سڈایا ہوئے آونجے تاں اوہ تہا کوُ آکھسی اپنی ایہہ جاہ ڈوجھے بندے کوُ ڈے ڈے۔ وَل تہاکوُ شرمسار تھی کے ساریاں تھوں جھکی جاہ تے باہونا پوسی۔
10
۱۰۔پر جڈاں تہاکوُ سڈایا ویندا ہے تاں ونجو تاں جھکی جاہ تے بیٹھو تاں جو جڈاں اوہ جیئں تہاکوُ سڈایا ہے آئے تاں آکھے دوست اُچی جاہ تے بیٹھ تاں تساں ساریاں دے نال جیہڑے تہاڈے نال میز تے بیٹھے ہَن عزت مِلسی۔
11
۱۱۔جیہڑا کوُئی اپنے کوُ وڈا بناسی اوہ چھوٹا کیتا ویسی اُتے جیرا کوئی اپنے آپ کوُ چھوٹا بناسی اوہ وڈا کیتا ویسی۔
12
۱۲۔یسوع نے اوُں بندے کوُ جئیں اوُں کوُ دعوت ڈِتی ہائی آکھے ، '' جڈا تساں کیئں کوُ کھاون دی دعوت ڈیوو تاں اپنے دوستاں، اپنے بھراواں یا اپنے امیر گواہنڈیاں کوُ نہ سَڈو تاں جو بدلے اَچ اوہ وی تہاکوُ سڈن اَتے تہاڈا بدلہ پورا تھی ونجے۔
13
۱۳۔پر جڈاں تُوں دعوت کرے تاں غریباں، معذوراں، لنگڑیاں اَتے اندھیاں کوُ سڈو کیونکہ اوہ تہاڈا بدلہ نیئں ڈے سگدے۔
14
۱۴۔اَتے تساں برکت پاسوتے تہاکوُ نیک بندیاں دی قیامت اِچ صلہ مِلسی۔
15
۱۵۔ اُنہاں وچوں ہک بندہ جیہڑا میز تے یسوع دے نال بیٹھاہا ایہ گالہیں سُنیں تاں اوُں نے آکھیا۔ '' مبارک ہے اوہ جیہڑا خدا دی بادشاہت اِچ ٹُکر کھاوے۔
16
۱۶۔پر یسوع نے آکھیا'' کیئں بندے نے ہک بہوں وڈی ضیافت تیار کیتی اَتے بہوں بندیاں کو سڈایا۔
17
۱۷۔جیہڑے ویلے کھاتا تیار تھی گیا تاں اوُں نے اپنے نوکراں کو گھلیا کہ جنہاں کو سڈیا ہائی اُنہاں کوُ آکھو آؤ کیوں جو ہَن سارا کجھ تیار ہے۔
18
۱۸۔اُنہاں ساریاں نے بہانے بناونے شروع کر ڈِتے۔ پہلا بندہ آکھن لگا۔ '' میں ہک کھیت مُل گِدا ہے میکو جاکے اوُں کوُ ڈیکھنا ہے، مہربانی کرکے میکوُ معاف کریں۔
19
۱۹۔اتے ڈوجھے نے آکھیا۔ '' میں پنج جوڑی ڈاندھ مُل گِدے ہِن۔ میں اُنہاں کوُں ڈیکھن ویندا ہاں۔ مہربانی کرکے میکوُ معاف کریں۔
20
۲۰۔اَتے تریجھے نے آکھیا '' میں ویاہ کیتا ہے ایں کیتے میں نیئں آسگدا''۔
21
۲۱۔نوکر نے آکے اپنے مالک کوُ اُنہاں ساریاں دے بارے ڈسایا۔ گھر دا مالک بہوں غصےّ تھیا اَتے اوُں نے اپنے نوکر کوُ آکھیا۔ '' جلدی نال شاہر دے بازاراں وِچ تے وستیاں وچ ونجو اَتے غریباں، معذوراں، اندھیاں تے لنگڑیاں کوُ اِتھاں گِھن آؤ۔
22
۲۲۔نوکر آکھن لگا۔ '' اے خداوند! جیویں توُں آکھیا ہا اوُں وے ای تھیا پر ہن وی جاہ باقی ہے۔
23
۲۳۔مالک نے نوکر کوُ آکھیا سڑکاں تے اَتے کھیتاں دی طرف وی لگے ونجو اَتے بندیاں کوُ مجبور کرو کہ اندر آؤن تاں جو میڈا گھر بھر ونجے۔
24
۲۴۔میں تہاکوُ آدھا ہاں کہ اُنہاں آدمیاں وچوں کوُئی وی جینکوں دعوت دِتی گئی ہا میڈا ٹکر نہ چھک سی۔
25
۲۵۔وَل وڈی بِھیڑ اوُں دے نال ویندی پئی ہا۔ اَتے اوہ مُڑ کے اُنہاں کو آکھن لگا۔
26
۲۶۔اگر کوُئی میڈے پیچھے ٹُرے تاں اپنے ماں، پیئو، ذال، بچیاں، بھراواں بھیناں دے اَتے اپنی جان دے نال وی دشمنی نہ کرے تاں اوہ میڈا شاگرد نہیں تھی سگدا''۔
27
۲۷۔جیہڑا کوئی اپنی صلیب نہ چاوے اَتے میڈے پیچھے نہ ٹُرے اوہ میڈا شاگرد نیئں تھی سگدا۔
28
۲۸۔تہاڈے وچوں کون ہے جیہڑا ہک مینار بنواونا چاہندا ہے۔ تاں پہلے بیٹھ کے حساب نہ گھنے کہ اوندے کول ایں کوُ مکمل کرنے کیتے کتنا خرچہ کول ہے؟۔
29
۲۹۔نیئں تاں جڈاں اوہ نیئو رکھ گِھنے اَتے اوُں کو مکمل نہ کرسگے تاں سارے ڈیکھن آلے اوُں دا مذاق اُڑیسن۔
30
۳۰۔کہ اوُں بندے نے تعمیر تا شروع کر ڈتی ہا پر اوُں کوُ مکمل نہ کرسگے۔
31
۳۱۔یا کیہڑا بادشاہ ہے جیہڑا ڈوجھے بادشاہ دے نال جیہڑے ویلے جنگ کرن کوُ ویندا ہے تاں پہلے بیٹھ کے مشورہ نہ کر گھنے کہ اوہ ڈاہ ہزار سپاہیوں دے نال ڈوجھے بادشاہ دے نال جیہڑا وی ہزار سپاہیوں جنگ کرن کیتے آندہ ہے؟۔
32
۳۲۔اَتے اگر ایویں نہ تھیوے تاں اپنا ایلچی بھیج کے حالانکہ ڈوجھی فوج دوڑای ہا تاں صلح دی درخواست ڈیوے۔
33
۳۳۔پَس تُساں وچوں کوئی جو اپنا سب کجھ جو کجھ اوندے کول ہے چھوڑ نہ ڈیوے میڈا شاگرد نیئں تھی سگدا۔
34
۳۴۔لوُن چنگا ہے ہر اگر لوُن دا مزہ ختم تھی ونجے تاں اوُں کوُ کیویں لوُنا کیتا ویسی؟۔
35
۳۵۔نہ تاں اے زمین دے کم دا ہے نہ ای کھاد دی جا تے ، ایہ لوُں باہر سَٹن دے لائق ہے۔ جیندے سُنن آلے کَن ہوون اوہ سُن گھنے۔