1
۱۔ مسیح نے ساکوُ آزاد راہون کیتے آزاد کیتا ہِے پس قائم راہو اَتے دوبارہ غلامی دے جوئے اِچ نہ پھسو۔
2
۲۔ ڈیکھو میں پولُس تُہاکوُ آدھا ہاں کہ اگر تُساں طہور کرویسو تاں مسیح کولوں تُہاکوُ کجھ فائدہ نہ تھی سی۔
3
۳۔ بلکہ میں ہر ہِک طہور کرواون آلے بندے کوُ ولا گواہی ڈیندا ہاں کہ اوُں کوُ ساری شریعت تے عمل کرنا فرض ہِے۔
4
۴۔ تُساں جو شریعت دے پاروں راستباز ٹھہرنا چاہندے ہیوے مسیح توں الگ تھی گئے تے فضل توں محروم۔
5
۵۔ کیوں جو اساں روُح دے پاروں ایمان دے نال راستبازی دی اُمید دے آون دے منتظر ہئیں۔
6
۶۔ اَتے مسیح یسوع اِچ نہ تاں طہور کجھ کم دا ہِے نہ ای طہور نہ کراون آلےمگر ایمان جو محبت دی راہ توں اثر کریندا ہِے۔
7
۷۔ تُساں تاں چنگی طرح دوڑ دے ہاوے۔ کئیں نے تُہاکوُ حق دے منن توں روک ڈِتے؟۔
8
۸۔ ایہہ بلاوا تُہاڈے بلاون آلے دی طرفوں نئیں ہِے۔
9
۹۔ تھوڑا جیہا خمیر سارے گُنھے ہوئے آٹے کوُ خمیر کر ڈیندا ہِے۔
10
۱۰۔ میکوُ خداوند اِچ تُہاڈے تے ایہہ بھروسا ہِے کہ تُساں بئے طرح دا یال نہ کریسو لیکن جو تُہاکوُ گھبرا ڈیندا ہِے اوہ بھاویں کوُئی وی ہووے سزا ضرور پاسی۔
11
۱۱۔ اَتے اِے بھراؤ! اگر میں ہُن تائیں طہور دی مُنادی کریندا ہاں تاں ہُن تک کیوں ستایا ویندا ہاں؟ اِیں صورت اِچ صلیب دی ٹھوکر تاں ویندی رہی۔
12
۱۲۔ کاش تُہاڈے بےقرار کرن آلے اپنا تعلق ختم کر گھِندِن۔
13
۱۳۔ اَے بھراؤ! تُساں آزادی کیتے بلائے تاں گئے ہیوے پر ایویں نہ تھیوے کہ اوہ آزادی جسمانی گالہیں دا موقع نہ بنے بلکہ محبت دی راہ توں ہک ڈوجھے دی خدمت کروں۔
14
۱۴۔ کیونکہ ساری شریعت تے ہک ای گالہہ نال پورا عمل تھی ویندا ہِے یعنی ایندے نال کہ تُو اپنے گواہنڈی نال اپنی کار محبت رکھ۔
15
۱۵۔ لیکن اگر تُساں ہک ڈوجھے کوُ کٹیندے تے پھاڑ کھاندے ہیوےتاں خبردار راہو کہ ہک ڈوجھے دا ستیاناس نہ کر ڈیونا۔
16
۱۶۔ پر میں اِے آدھا ہاں کہ روُح دے موافق چلو تاں جسم دی خواہش کوُ ہرگز پورا نہ کریسو۔
17
۱۷۔ کیونکہ جسم روُح دے خلاف خواہش کریندا ہِے اَتے روُح جسم دے خلاف اَتے ایہہ ہک ڈوجھے دے مخالف ہِن تاکہ جو تُساں چاہندے ہیوے اوہ نہ کرو۔
18
۱۸۔ اَتے اگر تُساں روُح دی ہدایت نال چلدے ہیوے تاں شریعت دے ماتحت نئیں راہے۔
19
۱۹۔ ہُن جسم دے کم تاں ظاہر ہِن یعنی حرام کاری۔ ناپاکی۔ شہوت پرستی۔
20
۲۰۔ بُت پرستی۔ جادوگری۔ عداوتیں۔ جھگڑا۔ حسد۔ غصہ۔ تفرقے۔ جُدائیاں۔ بدعتیں۔
21
۲۱۔ بُغض۔ نشہ بازی۔ ناچ رنگ تے بئیاں اِنہاں دی کار۔ اِنہاں دے بارے تُہاکوُ پہلے توں آکھ ڈیندا ہاں جیویں کہ پہلے وی آکھ چکا ہاں جو ایہو جئے کم کرن آلے خدا دی بادشاہی دے وارث نہ تھی سن۔
22
۲۲۔ مگر روُح دا پھل محبت۔ خوشی۔ اطمینان۔ تحمل۔ مہربانی۔ نیکی۔ ایمانداری۔
23
۲۳۔ حِلم۔ پرہیزگاری ہِے۔ ایہو جئے کماں دی کوُئی وی شریعت مخالف نئیں۔
24
۲۴۔ اَتے جیہڑے مسیح یسوع دے ہِن اُنہاں نے جسم کوُ اوُندی رغبتاں تے خواہشاں سمیت صلیب تے چھِک چھوڑ ڈِتے۔
25
۲۵۔ اگر اساں روُح دے پاروں زندہ ہئیں تاں روُح دے موافق چلنا وی چاہیدا ہِے۔
26
۲۶۔ اساں خواہ مخواہ فخر کر کے نہ ہک ڈوجھے کوُ چڑاؤں نہ ہک ڈوجھے توں سڑوں۔