1
۱۔ پر میں اِے آدھا ہاں کہ وارث جڈاں تائیں بال ہِے اگرچہ اوہ ساریاں دا مالک ہِے اوندے اِچ تے غلام اِچ کجھ فرق نئیں ۔
2
۲۔ باپ نے جو مدت مقرر کیتی ہِے اوُں ویلے تائیں سرپرستاں تے مختاراں دے اختیار اِچ راہندا ہِے۔
3
۳۔ ایویں ای اساں وی جڈاں بال ہاسے تاں دُنیاوی شروع دیاں گالہیں دے پابند تھی کے غلامی دی حالت اِچ ہاسے۔
4
۴۔ لیکن جڈاں ویلہ پورا تھی گئیا تاں خدا نے اپنے پُتر کوُ گھلیا جیہڑا تریہمت توں جمیا اَتے شریعت دے ماتحت جمیا۔
5
۵۔ تاں جو شریعت دے ماتحتاں کوُ مُل گھِن کے چھُڑا گھِنے اَتے ساکوُ لے پالک تھیون دا درجہ مِلے۔
6
۶۔ اَتے چونکہ تُساں پُتر ہیوے ایں کیتے خدا نے اپنے پُتر دا روُح ساڈے دِلاں وِچ گھلیا جیہڑا ابّا یعنی اِے باپ! آکھ کے سڈیندا ہِے۔
7
۷۔ پس ہُن تُوں غلام نئیں بلکہ پُتر ہئیں اَتے جڈاں پُتر تھیا تاں خدا دے وسیلے نال وارث وی تھیا۔
8
۸۔ لیکن اوُں ویلے خدا توں ناواقف تھی کے تُساں اوُں معبوداں دی اِچ ہاسے جیہڑے اپنی ذات اِچ خدا نئیں۔
9
۹۔ پر ہُن جو تُساں خدا کوُ پہچانا ہِے تاں اوُں کمزور تے نکمیاں شروع دیاں گالہیں دے پاسے کیویں وَل پر ویندے ہوجنہاں دی وَلا غلامی کرنا چاہندے ہو؟
10
۱۰۔ تُساں دِناں تے مہینیاں تے مقرر کیتے گئے وقتاں تے سالاں کوُ منیندے ہیوے۔
11
۱۱۔ میکوُ تُہاڈے پاروں ڈر ہِے۔ کِتھائیں ایویں نہ تھیوے کہ جیہڑی محنت میں تُہاڈے تے کیتی ہِے بےفائدہ تھی ونجے۔
12
۱۲۔ اِے بھراو! میں تُہاڈی منّت کریندا ہاں کہ میڈی کار تھی ونجو کیوں جو میں وی تُہاڈی کار ہاں۔ تُساں میڈا کجھ نئیں وگاڑیا۔
13
۱۳۔ بلکہ تُساں جان دے ہیوے کہ میں پہلی واری جسم دی کمزوری دے پاروں تُہاکوُ خوشخبری سُنائی ہائی۔
14
۱۴۔ اَتے تُساں میڈی اوُں جسمانی حالت کوُ جو تُہاڈی آزمائیش دا باعث ہائی نہ حقیر جانے نہ اوُندے توں نفرت کیتی تے خدا دے فرشتے بلکہ مسیح یسوع دی کار میکوُ مَن گِدے۔
15
۱۵۔ پس تُہاڈا اوہ خوشی مناونا کِتھاں گِیا؟ میں تُہاڈا گواہ ہاں کہ اگر تھی سگدے تاں تُساں اپنی اکھیاں وی کَڈھ کے میکوُ ڈے ڈیندے۔
16
۱۶۔ تاں کیا سچ بولن دے کاروں میں تُہاڈا دُشمن بن گیِا؟۔
17
۱۷۔ اوہ تُہاکوُ دوست بناون دی کوشش تاں کریندے ہِن پر نیک نِیتی نال نئیں بلکہ اوہ تُہاکوُ خارج کرنا چاہندے ہِن تاں جو تُساں اُنہاں کوُ ہی دوست بناون دی کوشش کرو۔
18
۱۸۔ پر چنگی گالہہ ایہہ ہِے جو نیک فرمان اِچ دوست بناون دی ہر ویلے کوشش کیتی ونجے۔ نہ صرف اوُں ویلے ای جڈاں میں تُہاڈے کول موجود ہوساں۔
19
۱۹۔ اِے میڈے بالو! تُہاڈی طرفوں میکوُ وَلا جنن دے درد لگے کھڑے ہِن۔ جڈاں تائیں کہ مسیح تُہاڈے اِچ صورت نہ پکڑ گھِنے۔
20
۲۰۔ میڈا جی تاں چاہندا ہِے کہ ہُن میں تُہاڈے کول موجود تھی کے بئی طرح دیاں گالہیں کراں کیوں جو میکوُ تُہاڈے پاروں شک ہِے۔
21
۲۱۔ میکوُ ڈسو تاں۔ تُساں جو شریعت دے ماتحت تھیونا چاہندے ہو کیا شریعت دی گالہہ کوُ نئیں سُن دے؟۔
22
۲۲۔ایہہ لکھا لاتھے کہ ابرہام دے ڈوُ پُتر ہَن۔ ہِک لونڈی وِچوں۔ ڈوُجھا آزاد اِچوں۔
23
۲۳۔ پر لونڈی دا پُتر جسمانی طور تے وَل آزاد دا پُتر وعدہ دے پاروں جمیا ہا۔
24
۲۴۔ اِنہاں گالہیں وِچ تمثیل پائی ویندی ہِے اِیں کیتے کہ ایہہ تریہمتاں جیویں ڈوُ عہد ہِن۔ ہِک سینا دا پہاڑ ہووے جیندے کولوں غلام ہی پیدا تھیندے ہِن تے اوہ حاجرہ ہِے۔
25
۲۵۔ اَتے حاجرہ عرب دا پہاڑ سینا ہِے تے موجودہ یروشلیم اُوں دا جواب ہِے کیونکہ اوہ اپنے بالاں سمیت غلامی اِچ ہِے۔
26
۲۶۔ پر عالمِ بالا دی یروشلیم آزد ہِے اَتے اوہو ساڈی ماں ہِے۔
27
۲۷۔ کیوں جو لکھا لاتھے کہ اِے بانجھ! تُو جیندے اولاد نئیں تھیندی خوشی مناؤ۔ تُو جیہڑی دردِ زہ توں واقف ہِے اُچی آواز نال چِّلا کیونکہ بیکار چھوڑی ہوئی دی اولاد پئے آلی دی اولاد کولوں زیادہ تھی سی۔
28
۲۸۔ پس اَے بھراؤ! اساں اضحاق دی کار وعدہ دے فرزند ہِن۔
29
۲۹۔ اَتے جیویں اوُں ویلے جسمانی پیدائیش آلا روحانی پیدائیش آلے کوُ ستاندا ہائی ہُن وی ہُن وی تھیندا ہِے۔
30
۳۰۔ پر کتابِ مُقّدس کیا آدھی ہِے؟ ایہہ کہ لونڈی تے اوُندے پُتر کوُ کڈھ چھوڑ کیوں جو لونڈی دا پُتر آزاد دے پُتر دے نال ہر گز وارث نہ تھی سی۔
31
۳۱۔ پس اِے بھراؤ! اساں لونڈی دے پُتر نئیں بلکہ آزاد دے ہئیں۔