¹ ۱۔ اِے بھراؤ! اگر کوُئی بندہ کئیں قصور اِچ پکڑا وی ونجے تاں تُساں جو روحانی ہو اوُں کوُ حِلم مزاجی دے نال بحال کرو اَتے اپنا وی خیال رکھیں۔ کِتھائیں توُں وی آزمائیش اِچ نہ پے ونجے۔ ² ۲۔ تُساں ہک ڈوجھے دا بوجھ چاؤ تاں ایویں مسیح دی شریعت کوُ پورا کرو۔ ³ ۳۔ کیوں جو اگر کوُئی بندہ اپنے آپ کوُ کجھ سمجھے اَتے کجھ وی نہ ہوئے تاں اپنے آپ کوُ دھوکا ڈیندا ہِے۔ ⁴ ۴۔ پس ہر بندہ اپنے اپنے ہی کم کوُ آزما گھِنے۔ اِیں صورت اِچ اوُں کوُ اپنے ہی بارے فخر کرن دا موقع ہوسی نہ کہ ڈوجھے دے بارے۔ ⁵ ۵۔ کیونکہ ہر بندہ اپنا ہی بوجھ اُٹھاسی۔ ⁶ ۶۔ کلام دی تعلیم پاون آلا تعلیم ڈیون آلے کوُ ساریاں چنگیاں شئیاں اِچ شریک کرے۔ ⁷ ۷۔ فریب نہ کھاؤ۔ خدا دا مذاق نئیں اُڑایا ویندا کیونکہ بندا جیہڑی شئے دی بوائی کریندا ہِے اوہو کٹیسی۔ ⁸ ۸۔ جیہڑا کوئی اپنے جسم کیتے بوائی کریندا ہِے اوہ جسم توں ہلاکت دی فصل کٹیسی اَتے جیہڑا روُح کیتے بوائی کریندے اوہ روُح نال ہمیشہ دی زندگی دی فصل کٹیسی۔ ⁹ ۹۔ اساں نیک کم کرن اِچ ہمت نہ ہاروں کیوں جو اگر بےدل نہ ہوسوں تاں عین وقت تے کٹائی کریسوں۔ ¹⁰ ۱۰۔ پس جِتھوں تائیں موقع ملے ساریاں دے نال نیکی کروں خاص کر ایمانداراں دے نال۔ ¹¹ ۱۱۔ ڈیکھو۔ میں تُہاکوُ کیہو جئے وڈے وڈے حرفاں اِچ اپنے ہتھ نال لکھا ہا۔ ¹² ۱۲۔ جتنے وی لوگ جسمانی نمائیش چاہندِن اوہ تُہاکوُ طہور کراون تے مجبور کریندِن۔ صرف ایں کیتے کہ مسیح دی صلیب دے پاروں ستائے نہ ونجن۔ ¹³ ۱۳۔ کیوں جو طہور کراون آلے آپ وی شریعت تے عمل نئیں کریندے پر تُہاڈا طہور اِیں کیتے کرواونا چاہندے ہِن کہ تُہاڈی جسمانی حالت تے فخر کرن۔ ¹⁴ ۱۴۔ لیکن خدا نہ کرے کہ میں کئیں شئے تے فخر کراں سِوائے اپنے خداوند یسوع مسیح دی صلیب دے جئیں تھوں دُنیا میڈے اعتبار توں مصلوب تھئی اَتے میں دُنیا دے اعتبار نال۔ ¹⁵ ۱۵۔ کیونکہ نہ طہور کوُئی شئے ہِے نی طہور نہ کراونا بلکہ نویں سرے توں مخلوق تھیونا۔ ¹⁶ ۱۶۔ اَتے جتنے اِیں قاعدہ تے چلن اُنہاں کوُ تے خدا دے اسرائیل کوُ اطمینان تے رَحم ملدا راہوے۔ ¹⁷ ۱۷۔ ہُن توں بعد میکوُ کوُئی وی تکلیف نہ ڈیوےکیونکہ میں اپنے جسم تے یسوع دے داغ گھِن کے پھردا ہاں۔ ¹⁸ ۱۸۔ اِے بھراؤ! ساڈے خداوند یسوع مسیح دا فضل تُہاڈی روُح دے نال راہوے۔ آمین۔